HOSEA 4:15 - Bibilia Kui Mdedie fo Kimochi

¹⁵ Kya lohi nyo Waisraeli mui wamelukimeluki! Kyaindi mulatewe wandu wa Yuda wawade mti! Ma mulahende handu haele ipfo Gilgali, manya mulahende kulya Beth-aweni. Manya mulalye nyamu mochihamba, Chandu Mndumii-Ruwa ai na moo!

HOSEA 4:15 ပူးပေါင်းရင်းမြစ်များ

2MBONYI TSA MAHERI 17:4

Naleshiha Ruwa o ndeye, na iindia mawawaso hake, ma aleosha mawuto ha wandu wa Israeli pfo.

2MBONYI TSA MAHERI 21:11

Na ngoseṟa, nalesungusia handu heindia maruwa hengi kiidi kya mafumvu ha Yuda na itewa wandu wa Yerusalemu idetsa wuhendeli, na wandu wa Yuda wakadekio Mndumii-Ruwa, ko wunyamaṟi.

YESAYA 48:1

Adanyienyi isho wandu wa mba ya Yakobo, mokelaho kui rina lya Israeli, muwukie mṟingenyi fo Yuda; mkelya nyamu kui rina lya Mndumii na isenda rina lya Ruwa o Israeli, indi chi kui lohi-pfo na chi sungusihu-pfo.

YEREMIA 44:26

Kyaindi adanyienyi idedo lyako inyi Mndumii-Ruwa, nyo wandu wose wa Yuda mui orukenyi lo Misri. Inyi Mndumii-Ruwa ngahamba njidi: ‘Ngalya nyamu ko rina lyako ling'anyi ke kuwode mndu oose o Yuda ai orukenyi lo Misri echisenda rina lyako na ilya nalyo nyamu kechihamba: So Mdumii Ruwa ai na moo!’

YEREMIA 5:2

Ma wakahamba, “So Ruwa ai na moo.” Walya nyamu ya wongo.

EZEKIELI 20:39

“Mndumii-Ruwa nahamba adi, iyo mba ya Israeli engeṟenyi iindia sanamu tso tsanu kokoya mulakundi injiadanyia, kyaindi njikeri imuikimba ke mochiidima ifanyitsase rina lyako liele ko wuindi wo wonu woindiya sanamupfo.

HOSEA 10:5

Wasamaria nyi waihenda idedema kipfa kya ihache lyo lya Betheli, wandu wake nyi wechisumukia kipfa kya ihachelyo, wakohanyi wekemwindia nyi wechimfihiṟia, kyamba kiṟumi kya ihache lyo kyawutoho, nyi kyasia.

HOSEA 10:8

Handu wawekeindia shifumvunyi sha Aweni, wunyamaṟi wo Waisraeli nyi kochihenda inyamaṟo, ambuya msha na sangari, nyi shechioṟa marasionyi hawo, nawo nyi wechiwia mafumvu, “Lushikie” na shitoṟomotso, “Luolokienyi!”

HOSEA 11:12

Efraimu nanjiṟingichia ko madedo ha wongo, na mba ya Israeli ko wulembi; ma wulalu Yuda nakeri iangalala ko Ruwa, nao nyi akeri mwele, nao nyi mhendeli.

HOSEA 12:1

Orio kindo wandu wa Israeli wawuta mfiri puti nyi sha wulya na sherumatsa. Wuṟiingi, wongo, wunesi na wuwahi wuiengeṟeka kiidi kyawo. Wawadana na Waashuru na ikapa mbucha na Wamisri.

HOSEA 12:11

Kulya Gileadi nyi handu ha wunyamaṟi, kulya Gilgali walewuta mapung'a ha shidaso, koikyo rasio tsawo nyi tsechiwa cha mbumbi tsa maho, kiidi kya mfongo ii mademenyi?

HOSEA 12:12

“Yakobo naledichiya orukenyi lo Aramu, akeripfo kaṟunda kundu nawone mka, kalisa machondi kundu nawone mka.

HOSEA 4:12

Wandu wako weketerewa wulaanyi ko mashidi; wukidi wowo wo lasha nyiwo wokewainenga otambahaluo. Macha hawo hewuta wuṟuhui nyiho hawadetsa; wawuta wuṟuhui ko ioshana na maruwa hengi, wakanjida inyi Ruwa owo.

HOSEA 5:8

Kapenyi ombe ipfo Gibea na taṟumbeta ipfo Rama. Kapenyi king'oṟa ipfo Beth-aweni. Nyo wana wa Benyameni wakituwa wapfo nyi wakeri nduma yapfo.

HOSEA 9:15

Ambuya wuwicho wowo nyi wulewokia kulya Gilgali; nyi wudo Mndumii-Ruwa ahamba. Ipfo nyipfo njiilewoka iwasuo. Kipfa kya mawuto hawo mawicho, ambuya nyi njihenda iwafuna kanyi koko, manya njechiwakunda sepfo; Wanene wawo wose nyi walelekana na inyi.

AMOSI 4:4

Njonyi Beteli, muwute wunyamaṟi njonyi Gilgali, muengeṟe? Einyamaṟa endenyi shidaso shanu orio ngamenyi, na mwano yanu orio mfiri fo kaṟaṟu,

AMOSI 5:5

manya mlashihe Betheli; ma mulaide Giligali manya mlaide Beeri-sheba, kipfa Giligali kii lohi yechidao wusingenyi, na Beteli yechiwa wulya.

AMOSI 6:10

Na washidiye o mndu ili echimiira, ulya akoṟie modo, kundu nawute mafuo hake, kanyi, na ulya ili echiwia ichu ai ora lo kya mba, “Ngesa na kui mndu oose oo?” Na kamhaluo wai ote; nlyong'u echihamba, Tsia sau; kipfa luwode momu fosenda rina lya Mndumii-pfo.

AMOSI 8:14

Na iwo wekelya nyamu kui wunyamaṟi wo Samaria, na ihamba So Ruwa opfo ai na moo iyo Dani na so njia yapfo iyo Beer-sheba, nawo wechioloka, walechiidima se ikure.”

WAEFESO 5:11

Ma mulakusanze na wewuta mawuto halai mecha, halya ha meema, kya indi muwadedye.

YOSHUA 5:9

Nao Mndumii-Ruwa kawia Yoshua, “Ambuya inu kudi nyi ngambuta sonu iya ya Misri.” Koikyo handu halya hakalaho nyi Gilgali mṟasa inu.

YOSHUA 7:2

Nalyo Yona kaduma wandu wawuka Yeriko wahende mṟi fo Ai, mṟi fuwekeri kufui na Beth-aweni ora lo ngamenyi lo Betheli. Nao kawawia, “Kehendenyi mukesoṟa mbonyi tsa oruka lu.” Nahong'u wakahenda wakasoṟa mbonyi tsa mṟi fo Ai.