HOSEA 4:13 - Bibilia Kui Mdedie fo Kimochi

¹³ Wakeri iwuta shidaso shawo shitonyohu sha mafumvu; ee da, wawuta shiano mafumvunyi, wanda ya Mialoni, Migude na Moya, kipfa maṟinje hayo nyi mecha. Koikyo wana wanu wa kika wechiwuta wumelukimeluki, na wamali wanu wechiwa waṟuhui.

HOSEA 4:13 ပူးပေါင်းရင်းမြစ်များ

2WAMANGI 17:7

Ishi shose shilewutika kipfa wandu wa Israeli waledekio Ruwa Mndumii owo, ichu alewawuta Misri owokonyi lo Mangi, o Misri, wakaindia maruwa hengi

2WAMANGI 23:7

Kawunduo mba tsa wasoṟo wameluki wa Hekalu. Mba tsi tsiwei kiidi kya mba ya Mndumii-Ruwa handu kuwei waka waweipfuma nguwo tsemasa tsa Ashera.

YESAYA 1:29

Kipfa wechidedema kya shindo wawekusirie sha maai, nanyo mochisonu kipfa kya shaahu mulesambuṟa mushiindie.

YESAYA 57:5

nyo mukeri iatsa lango tsanu kiidi kya mashidi, na wanda ya mashidi hawode maṟa mawiri; nyo mokewaha wana mapichinyi na ngaṟahamba tsa maho?

YESAYA 57:7

Nolewika kitaṟa kyapfo huye ya fumvu lileshe mnu; kohenda idasia-pfo.

YEREMIA 2:20

“Kipfa wokia mbooko iyo kuleleha isongoyo nyi inyi; koweleha injiindia na injiadapfuma. Kipfa huye ya kitoṟomoso kileshe, na wanda ya ikidi liwode maṟa mawishi nolehongoma kowuta mbonyi tsa wumeluki.

YEREMIA 3:13

Tocha njoyamaṟo tsapfo tsose ke nyi uledekio, Mndumii-Ruwa opfo, na njia tsapfo ihendia wahenu, wanda ya orio ikidi liwode maṟa mawishi ma ulakunde iicho ṟu lyako.” Mndumii ahamba.

YEREMIA 3:6

Koikyo Mndumii kanjiwia maheri ha mangi Yosia, “Omewona mawuto ha Israeli ichu modeko? Nadoye huye ya orio fumvu lileshe kahenda pfo iṟuhuya, na wanda ya orio ikidi liwode maṟa mawishi!

YEREMIA 44:8

Nki ili munjitewa njisuo kipfa kya ihoneṟia sanamu muletsisungusia muwenyi na ipfaamiṟia ubani maruwa hengi kiidi kya oruka lo Misri ilu mulecha napfo isamiya? Ngesa, mukundi irumatso na iwa oseso na kindo kya sheeṟe oshangunyi lo mkambo ya wuyana?

EZEKIELI 16:16

Ambuya nyi ulewuta nguo tsilya tsapfo njicha koachikia natso handu heterewia, na handu na oo kahaluo nyi handu hewutia shindo sha mkika, kindo kya mbaṟi ii kilemewono manya kechikaa kiwonopfo.

EZEKIELI 16:25

Ambuya orio mawookionyi ha njia nulewika ho hekalu, handu ho kowefanyitsa wucha wopfo ko wuṟuhui, kowekuinengia ko orio mndu ose aweida ko mawuto ha mkika.

EZEKIELI 6:13

Nlyondo mochimanya ke inyi nyi Mndumii ili mandi mnying'a yawo yechitengitia oshangunyi lo sanamu tsawo na shitaṟa shawo shedasia, na huye ya mafumvu, na wanda ya mashidi mecha ha kimaṟamaṟa, na wanda ya mashidi ho hang'anyi na handu hose na orio handu wawekewutia mwano ko maruwa hengi.

HOSEA 10:8

Handu wawekeindia shifumvunyi sha Aweni, wunyamaṟi wo Waisraeli nyi kochihenda inyamaṟo, ambuya msha na sangari, nyi shechioṟa marasionyi hawo, nawo nyi wechiwia mafumvu, “Lushikie” na shitoṟomotso, “Luolokienyi!”

HOSEA 11:2

Kikawa chandu njileengeṟa iwalaha, na wudo nawo waleengeṟa injidicha; Wakaengeṟa iindia Baali na idutsia uvumba sanamu tsa maruwa hengi.

HOSEA 2:13

Njechimtaa kiṟache kya mkonu iya ya Baali aleiṟumisha, na maheri aledo ikoṟa ubani, na ikuchopa na rachi tsake na shishelo sha maho sha wuhuru wung'anyi, na ihendia wakunde wake, na injihadima inyi. Nyi inyi Mndumii-Ruwa ngadeda.

AMOSI 7:17

Ko ikyo Mndumii nyi ahamba adi, Mka opfo nyechiwa mmeluki na mṟuhui mṟinyi, wana wapfo wa kika na wa kiumi wechiwooho nyi oshu, na dema lyapfo lyechihawo kui shiwoho-kyahu kui kyahu; na iyo kumonyi nyi ochipfa orukenyi lo ngafu; na kya lohi Israeli nyechidao kuleshe ai mpfungo awuka orukenyi loke.”