HOSEA 4:12 - Bibilia Kui Mdedie fo Kimochi

¹² Wandu wako weketerewa wulaanyi ko mashidi; wukidi wowo wo lasha nyiwo wokewainenga otambahaluo. Macha hawo hewuta wuṟuhui nyiho hawadetsa; wawuta wuṟuhui ko ioshana na maruwa hengi, wakanjida inyi Ruwa owo.

HOSEA 4:12 ပူးပေါင်းရင်းမြစ်များ

2WAMANGI 17:7

Ishi shose shilewutika kipfa wandu wa Israeli waledekio Ruwa Mndumii owo, ichu alewawuta Misri owokonyi lo Mangi, o Misri, wakaindia maruwa hengi

2MBONYI TSA MAHERI 21:13

Kyaindi iyo noleoshana na mchumie ya wamangi wa Israeli, na itewa wandu wa Yuda na Yerusalemu idetsa wuhendeli cha Ahabu, na wamangi wa oshari loke sa walemuosha wakatewa wandu wa Israeli idetsa wuhendeli. Na kya ngoseṟa nowaha wanawamayo wapfo, wana wa papa umu sa wawei wandu wecha kota na iyo.

SHIIMBO SHA DAWIDI 106:39

Nyi wudo walefanyitso kui maṟunda hawo, wakawuta wuṟuhui kui mawuto hawo.

SHIIMBO SHA DAWIDI 73:27

Kipfa welekana na iyo wechideka; nyi kulerumatsa wose walekuda Iyo.

YEREMIA 10:8

Wose nyi masembo na matondo, mloshie ya maruwa ha wongo nyi ngafu.

YEREMIA 2:27

Wekewia ituṟuma lya ikidi, “Iyo nyi ndeako,” na iwia iho iyo nyi ulenjifee; kipfa nyi walenjikumba mhongo manya walakunde iambuyana na inyi; kyaindi maheri hakiwi wechihamba, “Horoka ulukiṟe!”

YEREMIA 23:13

“Njiwonyi wutondo kiidi kya waikimbi wa Samaria; wakahamba shisuku ko rina lya Baali, wakadekesha wandu wako Israeli.

EZEKIELI 20:32

Kyamba mrimenyi yanu mukusaṟie ke mukundi ifanana na wandu wa mkambo yose mochiindia sanamu chawo, ikyo kechiidima iwapfo.’”

EZEKIELI 21:21

Kyasia Mangi o Babeli kahoṟoka mawookionyi ha njia tsilya tsiwi oo handu tsikoyanyi kawoka ilasha. Kasoṟomuo mfi yake kechiweṟutsa weṟutsa, nalyo kawesa sanamu tsake na iambuya madima ha indo lii na moo.

HOSEA 14:3

Mterewenyi mhoṟie, mudumbuye mochihamba, ‘Uluhoṟie madeko hadu hose, keambia shiinengo shadu, naso nyi lochikuadapfuma ko mrima.’

HOSEA 5:4

Mawuto hawo nyi hawaima walaidime iwuuya Mndumii-Ruwa owo, Mrima yawo nyi iichuo wuṟuhui, wanjiichi inyi Mndumii-Ruwa pfo.

HOSEA 6:10

Ambuya, nyi njilewona kindo kiwicho mnu kiidi kya mba ya Israeli, wana wa Efraimu nyi waiengeṟa ikufanyitsa.

HOSEA 9:1

Ambuya, nyo Waisraeli manya mulachihio, ma mlasungusie mfuho ing'anyi cha wandu wengi wa mkambo, kyamba nyi mulewa wandu waṟuhui, mukalekana na Mndumii-Ruwa onu; mukakuchihiṟa na wueri wo wuṟuhui wulewutikia handu hehuya Ngano.

WALEWI 17:7

Manya wechilekiase shiano shawo wainenge waṟumupfo, iwo wekewapfula kundu wawute nawo wuṟuhui. Iwawasolyi lyechiwa iwawaso lya mlungana kowo kishari numa ya kishari.

WALEWI 20:5

Inyi njimonyi njechikoyana na mnducho na wa kanyi koke. Njechiwaletsana na wandu wawo, o amonyi na iwo wose wechida walanjiindia wakaosha ruwa Moleki.

MIKA 2:11

Kokoya kuwemewuka mndu kadeda madedo ha wongo na ha wulya kahamba; ‘Ngaende wuikimbi, ke mochiwona mvinyo na wari sa wufoi,’ ichu moonguo nechikundo nyi wandu wa.

HABAKUKI 2:19

Ochia nyi lo ulya echiwia ikidi kure; na iwia iho henda! Ngesa kindoki kechidimailosha? Ambuya kikishikie na sahabu na fesa, ma kuwode moo pfo.

MAITALA 15:39

Mambotso shechiwa ngumbuo konu. Orio mandi mochishiwona, mochikumbuo mawawaso hako hose na ihaawutsia, kundu mlaoshe lango tsanu na isho mochishiambuya na meso hanu.

NGUMBUO YA MAWAWASO 31:16

Mndumii-Ruwa kawia Mose, “Wulalu notikiria isamana na wuyana, komepfa, wanduwa wechiwoka ilekana na inyi waoshane na maruwa hengi ha orukalo waihenda ikaa; wechilekana na inyi na ilekana na mkundana njilewika nawo.

WACHILI 18:5

Nawo wakambia, “Hoi keluwesie ko Mndumii-Ruwa kokoya luiṟimiṟa kiidi kya kyaṟo kyadu.”