HOSEA 4:10 - Bibilia Kui Mdedie fo Kimochi

¹⁰ Wechilya, kyaindi wechiihuda-pfo; wechimelukameluka, kyaindi wechiwona wana-pfo, kipfa wanjida inyi Mndumii-Ruwa, na ioshana na maruwa hengi.

HOSEA 4:10 ပူးပေါင်းရင်းမြစ်များ

2MBONYI TSA MAHERI 24:17

Numa ya ipfa lya Yehoyada, wanene wa Yuda walechea mangi Yoashi, wakamhoneṟia, wakamtuusa kundu naidikiane na wulaanyi wowo.

SHIIMBO SHA DAWIDI 125:5

Indi walya wahalukie njienyi tsawo tsidekie, Mndumii nechiwawutaho handu hamu na wewuta mawicho. Ofoṟo lukae na Israeli.

SHIIMBO SHA DAWIDI 36:3

Madedo ha dumbu lyake ni wuwicho na mtambo, Nyi adeye iwuta mecha na wuṟango.

MFANANO 13:25

Mndu o wusumhanyi nekelya kaihuda; Indi mndu mbicho nechiwado nyi njaa inga'nyi.

YEREMIA 34:15

Indi mafiri ha kufui nyo nyi mulehaluka, mukawuta chando kiwaṟi oshangunyi loko, mukainenga mkuachie Waisraeli. Wodoyanu na iwika mkundana oshangunyi lomba yako.

YEREMIA 9:12

“Nyiu awode wuṟango, naidime imanya ishi? Nyiu awode idedo Mndumii awembiiye namuongoye? Kitewe oruka-lu lunyamaṟike ludi cha nuka ya msanga ma kulawode mndu moidapfo?”

EZEKIELI 18:24

“Kyaindi ili mandi mndu o wusumuhanyi echihenda ida iwuta sha wusumuhanyi, kahenda iwuta mawuto mawicho hafananyi na walya wawuta mawicho, ngesa nechihenda ikaa na moo?” Ote! Kyamba mecha halya hose awewutie hechihenda ihadimo. Kyaindi kipfa kya mawuto ho mawicho halai ha wusumuhanyi ahenda iwuta nechihenda ipfa.

EZEKIELI 22:9

Kiidi kyapfo kuwode wekeṟingia wodoyawo kundu wawoho. Wandu wapfo wekelya shidaso shiledasio maruwa hengi. Wakawekaapfo walya wekewuta shindo sha mkika.

HOSEA 4:14

Kyaindi njechihoṟuo wana wanu wa kika kiheri wawuta wumelukimeluki-pfo, ma wamali wanu kiheri waiwuta wuṟuhui-pfo, kipfa, wasoṟo wawenyi nyiwo waioshana na wamelukiwo, na iwuta nawo shidaso kiidi kya miindie ya wumeluki. Wandu wa watuṟie wuṟango kya lohi wechirumara!

HOSEA 7:4

wandu wa wose nyi waṟuhui, ambuya nyi wafananyi na iṟungu liliatse modo, ulya mosungusia mkate alaweliatsie wokia aweriha mso, mṟasa mkate fushimbiṟe.

WALEWI 26:26

Kyelya kyanu njechikitachuo, waka ikumi wechikahaṟa mkate rikonyi lyimu. Wechimuhawia kui kiheo. Ma mukamemarisa ilya shelya na mochiwado nyi njaa tupu.

MIKA 6:14

Mochilya kyaindi mochiihuda-pfo, mochiengeṟa iliyo nyi njaa kiidi kyanu, mkawika kisa kechiringo-pfo, na kokooya moringa kindo njechikinyamaṟa na shida.

SEFANIA 1:6

na iwo wawewuuye numa walakioshe Mndumii, na iwo walakeshiha Mndumii, manya iwesa kyake.

HAGAI 1:6

Ambuyenyi mulewaaya mbeu tsifoi mukasambuo kitutu; mkowelya manya mulaihude; mukanyo mulawute wuangari; mkaṟaa nguwo indi kuwode moicho mrikepfo; na icho moambia wueri kawika mfukonyi futochikyetochikye.