HOSEA 3:5 - Bibilia Kui Mdedie fo Kimochi

⁵ Kyaindi kiheri kechicha mandi wandu wa Israeli wechihaluka na ishiha Mndumii-Ruwa, Ruwa owo, na ishiha mangi owo, o luwa lya mangi Dawidi. Nyilyondi wechiowuo Mndumii-Ruwa, na imkunda, na iambilia mboṟa tsake kiheri kya ifurumia.

HOSEA 3:5 ပူးပေါင်းရင်းမြစ်များ

1WAMANGI 12:16

Kyasia Wasraeli wekiwona ke Mangi awaadanyia pfo, wandu wo wakahaluo Mangi wechihamba, “Luwode ohawi lui kiidi kya Dawidi! Ma luwode kyoṟa kiidi kya mana o Yese-pfo. Kyasia hendenyi mahemenyi hanu, lanye Israeli, wulalu ringa mba yapfo kumonyi iyo Dawidi.” Nalyo Israeli wakahenda mahemenyi hawo.

YESAYA 17:7

Mafiri-ho mndu nechiambuya ulya Momuumba, na meso hake hechiambuya Mwele o Israeli.

YESAYA 2:2

Kechiwa kudi mandi ha mkonu yefurumia, fumvu lya mba ya Mndumii lyechiikaro huya fumvu, nalyo lyechiirio huya shitoṟomoso; Masanga hose hechihenda ho mamiingi kui mamiingi.

YESAYA 2:3

Na wandu wa masanga wechihendaho na ihamba, “Nchonyi luhende fumvuhu ko Mndumii, kanyi ko Ruwa o Yakobo, nao nechilulosha njia tsake, naso lochiosha mawawaso hake; kipfa kiidi kya Sioni, kochiwuka iwawaso na idedo lya Mndumii liwuke Yerusalemu.”

YESAYA 60:5

Na lyondi ochiwona na iwikio saa, Na mrima fopfo fochidedema na iharama; mamiingi ya ipalyipalyi yechihalutsio kopfo, Na wusuṟi wo mkambo ya wandu wochikuchea.

YESAYA 9:13

Indi wandu wo walehalukia ichu alewakapa-pfo, na ishiha Mndumii menyi Matoṟito.

YEREMIA 23:5

“Ambuya mkonu ikeri icha, Mndumii ahamba, ‘Njechidosia Dawidi njana ya wulohi nayo yechichilia; mangi echiṟunda na wulaanyi na njechianduo kui wulohi kiidi kya oruka.’

YEREMIA 30:24

Nyashi ya Mndumii-Ruwa yechiwuya ndumapfo, mṟasa nainutsie kilya aṟeheṟie mrimenyi foke. Maheri hechicha mochimanya isho shose necha.”

YEREMIA 30:9

Nawo wechiwa se masinga ha wahenu pfo, indi wechinjiṟundia inyi Mndumii-Ruwa, Ruwa owo, na mangi o kishari kya Dawidi ichu njechiwasambuṟia.

YEREMIA 33:17

Kipfa inyi Mndumii-Ruwa ngahamba njidi: Kochiwuṟika ma indi mofeo nyi Dawidi echiitoṟia Israeli pfo.

YEREMIA 33:9

Mṟi fu fochiwa kitewe kya sia yako, mṟi fo kiṟumi na ifuda oshangunyi lo wandu wa wuyana iwo wechiicho mecha hose njilewawutia. Mkambo ya wandu wechiowuo na idedema kipfa kya mecha na sia njechiendie mṟi fo Yerusalemu.”

EZEKIELI 16:63

Kyamba njihenda ikuhoṟia mawicho hapfo hose, na ili mandi ochihakumbuo uhende wado nyi sonu ulekaria iiria dumbu lyapfo udede kindo.” Nyi wudo Mndumii ahamba.

EZEKIELI 38:16

Ambuya nyi okoyana na Waisraeli uwasokie cha ipuchi huye ya oruka. Kyamba njihenda ikuduma ukape oruka lu loko, nhondo wandu wechiwutaho imanya ke nyi njilekuduma iyo kundu njiloṟe wuele woko oshangunyi lowo.

EZEKIELI 38:8

“Komiidia mfiri sa ifoi nochilaho uhende ikapa oruka msa luwode wandu wafoi waleendo wawuka mkambonyi ya wandu ifoi, na wulalu wawodose nyi wuowu manya mahiyo ha shidasepfo.

DANIELI 10:14

Wulalu ngacha ikuwia mbonyi tsechikoya wandu wapfo maheri ha ifurumia; kipfa mawonesio ha nyi ha kiheri kileshe daa.”

DANIELI 2:28

Kyaindi kuwode Ruwa o Ruwehu echiidima itambahaluo shindo sha shiṟika, nao nyi aloṟa Mangi Nebukadneza mbonyi tsechikaa tsihoye mkonu ya ifurumia. Ndodo yapfo na mahio ya mdo fopfo ulewona lilyandi uwelee nyi kikeri kiile;

HOSEA 1:11

Wandu wa Yuda na Waisraeli wechilungana na isahuo msongoru owo umu; nawo wechioṟa orukenyi lowo. Mkonufo fochiwa mkonu mnene fo Yezreeli!

HOSEA 11:10

Ambuya wechicha injiosha inyi Mndumii-Ruwa, ili njechiringona cha miiso, kiheri kyo chechiringona nyi wechinjicheya wechichumia wawuka ora lo kyukanyi wechidedema.

HOSEA 5:15

Ambuya nyi njiwuya na handu hako na ikuashuo na wo, mṟasa mandi wechiwona ideko lyawo wanjiwuuye, wukiwa wowo nyi wochiwatewa wanjipfule wechihamba;

HOSEA 5:6

Ambuya nyi wechihenda na mapo hawo ha mbe na machondi; wechishiha Mndumii-Ruwa; kyaindi wechiidima imbona pfo, kyamba amekuletsana nawo.

HOSEA 6:1

“Ndenyi luwuye na ko Mndumii-Ruwa! Ambuya nyio amonyi aleluranduo, kyaindi nao amonyi nyi echiluchiṟa; Nyio alelufaṟa, nyio amonyi echichiṟa shifaṟe shadu.

AMOSI 9:11

Mandi ho njechiira se kiwanja kya Dawidi kilya kiolokie na iṟundya handu halya hawewundukye; na inyi njiiriye njomombo tsilya tsake tsiwehoye njitsilauo cha kuwooka;

MIKA 4:1

Kochicha kiheri fumvu lya mba ya Mndumii-Ruwa lyeching'ana kota mafumvu hose, ee da, lyechidosio huya shifumvu shose. Wandu wafoi wechihenda pfo,

MAITALA 24:14

Wulalu njiwuya na ko wandu wako, kyaindi njilamekure iya, “Njikeri ikuwia kindo wanduwa wa Israeli wakundi iwutia wandu wapfo mfiri yefurumia.”

WAROMA 11:25

Kyasia, wanawawama, njikundi mukae mulaichi kyama kikoomepfo, mulawone mokusirya na wuṟango wonu wuwenyi kipfa wuumu wokuumiṟa wo Wayuda waweny wo wulemhoya Israeli nyi wo oweṟe, kyayo itane wandu wa mkambo mhenu washikia Ruwa na mkambo mhenu yamhenda ishika iwonyo okiio.

WAROMA 2:4

Ang'u ngesa upiṟye wuwongoya woke na wutsitsa na wuleeli wufoi wudi kulamanye ke wucha wu wo Ruwa wokuitika udumbuye umhalukie kui mrima?

NGUMBUO YA MAWAWASO 4:30

Shindoshi shose ilyi shechimuhoya ipfo mkalya wukiwa, mochiwuuya Mndumii-Ruwa, na imuindia.