HOSEA 3:1 - Bibilia Kui Mdedie fo Kimochi

¹ Mndumii-Ruwa kanjiwia, “Hendase nokunde mndu mka amkunde nyi wasoṟo wengi sa ai mmeluki. Mkunde chandu inyi Mndumii-Ruwa njikundi Waisraeli, ma chandu wo waihalukia maruwa hengi kipfa wawodo nyi oṟoo lo mandasi ha msabibu njiumu.”

HOSEA 3:1 ပူးပေါင်းရင်းမြစ်များ

2SAMWELI 6:19

Dawidi kahawia Waisraeli walya wose kelya. Kainenga orio mndu msoṟo na mndu mka mkate fumu, nyama injioke na mkate fumsungusie na ndunda tsa msabibu, na orio mndu kahenda kanyi.

2WAMANGI 13:23

Mndumii-Ruwa, kawasaṟia kawaichio wukiwa, kawaambuya, kipfa kya mkundano foke na Abrahamu na Isaka, na Yakobo, ma nalakunde iwarumatsa, ma nalawakumbe kuleshe na kyamu kyake.

1MBONYI TSA MAHERI 16:3

na ihawia Waisraeli wose, wa kika na wakisoṟo; orio umu owo, kainengo mkate, na ngamra ya nyama, na keki ya msabibu.

NEHEMIA 9:31

Manya kudo, kipfa kya isaṟia lyapfo ling'anyi, ulekunda iwawihitsa na iwaṟahanyitsa-pfo, kyamba iyo nyi Ruwa uwode isaṟia na wuhoo.

SHIIMBO SHA DAWIDI 123:2

Cha meso ha waṟundi, kui owoko lo wandumii wawo; Cha meso ha isinga lya kika, kui owoko lo kekuye oke; nyi wudo meso hadu hahalukie Mndumii, Ruwa odu. Tane echilusaṟia.

IWUKA 32:6

Wakakure ngamenyi otuko wakalekia kidaso, wakaende mwano ya ofoṟo, wandu wakadamia ilya na inyo, wakakure washine.

SHIIMBO SHA SOLOMONI 2:5

Njiihutsenyi sabibu, njihooṟenyi na mapera, Kipfa ngaumiṟo nyi msinango fo ikunda.

YESAYA 45:22

Njiambuyenyi inyi mukiṟo, nyo njora tsose tsa wuyana; kipfa inyi nyi Ruwa kulawode ungi.

YEREMIA 3:20

Lohi, chando mka alai mhendeli ekeda mii oke, nyi wudo mulenjiwutia inyi kulawode wahendeli wose; Iyo mba ya Israeli, Mndumii ahamba.

YEREMIA 31:20

Efraimu nyi manoko mkunde; o nyi manoko mkunde mnu. Nkyo kitewe orio mandi ngamwowesha, ngaweengeṟa imkumbuo. Mrima foko fumwindukie ko mecha; na lohi njechimsaṟia. Nyi inyi Mndumii-Ruwa ngahamba.

HOSEA 11:8

A nyi wuda njechiidima ikuda iyo Efraimu? A ngesa nyi wuda njechiidima ikukumba iyo Israeli? Ngesa njechiidima ikuhaluo cha mṟi fo Adma? Njechiidima ikuwutia cha mṟi fo Seboimu ? Mrima foko fokenjiima; isaṟia lyako likaengeṟa iwada mrike kiidi kyako.

HOSEA 2:5

Mayawo nawuta wumeluki, nalekapika kechiwuta shindo sha sonu. Nalehamba; njechihendesana na wakunde wako, sa wekenjinenga kelya na mṟinga, sufu na kitanyi, mafuda na mvinyo.

HOSEA 4:11

Mvinyo mhya na fo kacha, fokesoka wandu wulaanyi.

HOSEA 7:5

Mfiri mnene fo mangi nyi, wekenanza wasongoru wo wawo, ko mvinyo na mangi kawelya na waseṟeṟi .

AMOSI 2:8

wo wekelaaya nguo tsilya wandu walesoko, na ipfo rasionyi lya ruwa owo inyo wekyenyo olea luiluhuṟe na fesa tsilya tsilewoneka ipfo kikumbyonyi kya wandu.

AMOSI 6:6

nyo mokenyo mpfinyo na mamboṟiko, na ikushia mafuda ha opfaamo lui lucha; indi walasokyo mfowa kipfa kya matuuro ha Yosefu?

MIKA 7:7

Kyaindi inyi njikusiria Mndumii-Ruwa, njiwedia Ruwa ai monjikiṟa; Ruwa oko nechinjiadanyia.

ZEKARIA 1:16

Kui kipfa ikyo Mndumii nahamba adi, njiwuyase iambuya Yerusalemu kui Osaṟio na mrewa fochiwiko huye ya Yerusalemu, Mndumii menyi matorito ahamba.

MATAYO 26:50

Yesu kambia, “Mbuya yako a kimaduma kocha naa nyi kiki?” Nalyo wakacha naho wakaleshya Yesu mawoko wakambada.

1 WAKORINTO 10:21

Moidima isanza inyo kirahu kya Mndumii na kya wasatanyipfo. Moidima isanza kidembo kya mesenyi ya Mndumii na kya mesenyi ya wasatanyipfo.

1 WAKORINTO 10:7

Ma mulawe weindya maruwa hengi chando kuwewode kowo kii-kiṟehye kyawo kehamba, mkambo fo wandu fukadamya fochilya na inyo kidima wakakure wahende ishina.

1PETRO 4:3

Kyamba kiheri kyashika na kamu iki kilemsia mandi muweiwuta shindo shilya wandu walaichi Ruwa wakundi. Muwehendekye kui wulala, na wumeluki, na wunanzi na wukuwu wo mlie na wo mnyoe na wuindi woindya maruwa ha wongo wutahachie wudi.

WACHILI 10:16

Kiidima wakaṟukuta maruwa halya mahenu kuleshe, wakawuya isingia Mndumii-Ruwa menyi matorito. Mndumii-Ruwa nalaidime itirisia ngoseṟa iwona wukiwa wo wana wa Israeli wailiso.

WACHILI 9:27

Wakakure wakahenda mademenyi hawo ha msabibu, wakahaa ndunda tsa msabibu wakatsifindika kiidima wakatsikama wakasungusia mvinyo wakawika mfuho. Wakaanga mbenyi ya ruwa owo wakalya na inyo; kiidima wakaruma Abimeleki.