HOSEA 2:7 - Bibilia Kui Mdedie fo Kimochi

⁷ Nechioshana na wakunde wake nalawakoye; ee, nechiwawalia, kyaindi echiwawona-pfo. Oo nyilondi echihamba, “Njiwuya na ko mii oko o kuwoka; kipfa ili mbooko njiwewode nanga kota wulalu.”

HOSEA 2:7 ပူးပေါင်းရင်းမြစ်များ

2MBONYI TSA MAHERI 28:23

Kipfa nalewuta shidaso ko maruwa ha wongo ha Damasko, sa walemuwinza shidenyi kechihamba, “Maruwa ha Washamu waletarama, koikyo kokoya ngaiinenga shidaso, kofia yechinjitarama na inyi da.” Kyaindi iṟunda li, lilemendie irumatso lyake na isanga lyose lya Israeli.

SHIIMBO SHA DAWIDI 116:7

Hoi mrima foko, wuya na sienyi yapfo Cha kipfa Mndumii amekuwutia osaṟio.

YESAYA 30:16

Indi nyo mlehamba ote, kipfa lochidoya frasi ludiche; kyasia nyi lohi, mochidicha; ngoseṟa, so lochidoya mando hedicha owinyi, na walya wemwosha wechiwa waangu iwikia mteṟa.

YEREMIA 14:22

Ngesa maruwa ha wongo ha mkambo heidima iende mvuo? Ang'u ngina itonyitse meṟa? Chi iyo Mndumii-Ruwa odu, kui kipfa kya ikyo luikuweda, kipfa iyo nyi uwikie shindo shose.

YEREMIA 2:2

“Henda noonguo mbonyi kya Yerusalemu ochihamba, Mndumii nahamba adi: ‘Njikumburie, mecha ha uwanake wopfo, ikunda lya wupora wopfo; Chandu ulenjiosha kulya nuka ya olele, Oruka lulalewayo mbeu.

YEREMIA 2:28

“Kyaindi heku maruwa halya hapfo ulehawika? Hahoṟoke luhawone kokoya hechiidima ikukiṟa kiheri kya kiwi kyapfo; kipfa itala lya maruwa hapfo nyi kimu na itala lya mṟi yapfo iyo Yuda.

YEREMIA 2:36

Nkili uiṟahaṟaha kudi kundu noilache ohendo lopfo. Nochiṟeenze kipfa kya Misri, chandu kuleṟeenze kipfa kya Ashuru.

YEREMIA 3:1

Mndumii-Ruwa nahamba, “Kokoya mndu ada mka oke, kahenda kawa na mka o mndu ungi, ngesa msoṟo ulya nechemwambiase? A orukalo lochiwangafu? Iyo Israeli naawo kulewa mmeluki na wambuya wafoi, na iyo ngesa nochinjichea inyi daa?” Mndumii ahamba.

YEREMIA 31:18

“Ngaicho Efraimu kenunuwa: ‘Nulenjikapa konjilosha wuindi, kipfa njiwekeri cha ihache, lilaichiwie ipfungo. Njihalutsa na inyi njekuhalukia, kipfa iyo nyi Mndumii-Ruwa, Ruwa oko.

YEREMIA 31:32

Mkundano fu chi cha fulya njilewika na waku wawo lilya njilewawuta Misri ko owoko loko pfo, kipfa mkundana fu walefutehiya, ma chandu inyi mbei Mndumii owo. Inyi Mndumii-Ruwa ngahamba.

YEREMIA 44:17

Indi orio kindo lulekiliia nyamu lochikiṟunda: Lochipfaamiria mka mangi o ngina ubani na imletsia mwaano fonyo chandu luwekewuta so luwenyi na waku wadu, wamangi wadu na wasongoru wadu, kiidi kya mṟi ya Yuda na njienyi tsa Yerusalemu. Maheri ho luwewode kando kalushikie, lukafuda ma lulewona ngataṟa yosepfo.

EZEKIELI 16:18

Kingise kowewuta na nguwo tsilya njichope njilekuinenga kohenda ishikia natso sanamu tsilya; kowetsiinengia mafuda halya na marashi halya njilekuinenga.

EZEKIELI 16:8

“Kiheri njileidase ngakoya kiheri kyapfo kekoso kishikie. Ngawekushikia na nguo yako, nalyo ngawika kyasa na iyo kealikana. Nahong'u iyo kowa oko. Nyi wudo Inyi Mndumii-Ruwa ngahamba.

EZEKIELI 20:32

Kyamba mrimenyi yanu mukusaṟie ke mukundi ifanana na wandu wa mkambo yose mochiindia sanamu chawo, ikyo kechiidima iwapfo.’”

EZEKIELI 23:12

Koikyo nyi alelanga wanenewo wa Ashuru, Wachili, Wanene wa shida waweṟee nguwo tsa shida, wadoe frasinyi, wose iwa wawei wanake wasambutsu.

EZEKIELI 23:22

“Kipfa kyaikyo le Oholiba, Mndumii-Ruwa nahamba adi, nechiiria mbuya tso tsapfo uletsileha kui nyashi, wakukape, nyi nechiwaende wakukape wechikuṟingichia njora tsose.

EZEKIELI 23:4

Ulya ang'anyi nawekelaho nyi Ohola, na ulya mtutu nyi awekelaho nyi Oholiba. Kyasia wana wa wawaka wakawa wako, na wo wakanjifeya wana wa kiumi na wa kika. Sumuhana na marina ho hawo. Ohola nyi Samaria na Oholiba nyi Yerusalemu!

DANIELI 4:17

Mwanduye fu focha kipfa kya waringi, na iwawaso lyi kui idedo lya waele; kundu iwa wai na moo wamanye ke ichu ai huye nyi aitoṟie wamangi wa wandu, nao nyi ekekuinengia ichu amkundi na ishimbuo ichu ai mfafa.”

DANIELI 4:25

ke nochifunyio kuleshe na wandu, na iyo nochikaa hamu na mando ha ngeṟenyi na iyo nochitikiriyo ilya maṟa cha mbe, nochiwikio mṟinga fo ṟauṟa ya ruwehu na maheri mfungade hechiida huye yapfo, itane omanya ke kuwode ai huye aitoṟie wumangi wo mndu o wandu, nao nechiidima iinenga ichu amkundi oose.

DANIELI 4:32

Na iyo nyi ochifunyio kuleshe na wandu na iyo nochikaa hamu na mando ha ngeṟenyi, nochilya maṟa cha mbe; na shiheri mfungade shechiida huye yapfo mtano omanya ichu ai huye nyio aitoṟie wumangi wo wandu, nao nekeinenga ichu akukundia ose.”

DANIELI 5:21

Kafunio kuleshe na wandu, mahio na ngoo yake ikawa cha indo lya ngeṟenyi, kakaa kimu na nzoi tsa ngeṟenyi; kalya maṟa cha mbe, mbihu foke fukaambia ṟauṟa iwuka ruwehu; itane alemanya ke Ruwa-chu o huye nyio ai moitoṟia wamangi wose na wuyana na nyio ekewika mndu na imdosa chandu akunda.

HOSEA 1:2

Kiheri Mndumii-Ruwa alewoka ideda na wandu wa Israeli kui dumbu lya Hosea, nalewia Hosea, “Henda nohende ialika; mka opfo echiwa mhendeli kopfo pfo; na wana wapfo nawudo wechituṟa wuhendeli cha mayawo. Nawudo wandu wako walenjida inyi na wakawa wameluki.”

HOSEA 13:6

Kyaindi kiheri mulelya mukaihuda, mukawoka ikudosa mukatana monjihadima.

HOSEA 14:1

Wandu wa Samaria nyi wechikapo ko ideko lyawo, kyamba nyi walelekana na Mndumii-Ruwa owo, nyi wechiwoho ko oshu, shiwana shawo nyi shechipoṟipotso, na waka wawo wakapikie nyi wechirandulio.

HOSEA 2:16

Inyi Mndumii-Ruwa ngahamba njidi: Mkonu fo iyo nochinjilaha, “Mii oko, ma ochinjilaha Baali oko sepfo.”

HOSEA 5:13

Kiheri wandu wa Efraimu, walemanya ndaṟe yawo, na Wayuda wakawemanya itiinga lyawo, wana wa Efraimu nyi, walehenda ko mangi, o Ashuru kundu nawaikanyie, kyaindi echiidima imukanyia, manya ichiṟa itinga lyanupfo.

HOSEA 5:15

Ambuya nyi njiwuya na handu hako na ikuashuo na wo, mṟasa mandi wechiwona ideko lyawo wanjiwuuye, wukiwa wowo nyi wochiwatewa wanjipfule wechihamba;