HOSEA 2:4 - Bibilia Kui Mdedie fo Kimochi

⁴ Njechisaṟia wana wake-pfo, kipfa nyi wana wa wuṟuhui.

HOSEA 2:4 ပူးပေါင်းရင်းမြစ်များ

2WAMANGI 9:22

Kiheri Yoramu alewona Yehu kambesa “Na kya ofoṟo Yehu?” Yehu kamhaluo, “Ofoṟo luhya, kiheri ki kuichuo wameluki, na wasawi wa Yezebeli wafoi.”

YESAYA 27:11

Maṟamba hakauma hechifunjo; waka wechicha wahakoṟe modo; kipfa iwa chi wandu wawode wuṟango-pfo; kui kipfa ikyo, ichu alewawumba echiwasaṟiapfo, na ichu alewawika echiwahoṟia pfo.

YESAYA 50:1

Mndumii nahamba adi, “Yeku paruo iya yesama mayanu, yeloṟa ke njilelekana nao? Ang'u njilemukumba kou kiidi kya iwa wainjiwesa sile? Nyo nyi mulekumbo kipfa kya wunyamaṟi wonu; kake mayanu naledeo kipfa kya wuwicho woke.

YESAYA 57:3

“Kyaindi nyo tikirienyi hafui, nyo wana wa mndu msawi, oshari lo wuṟuhui na wumeluki.

YEREMIA 13:14

Njechiamtsa kiletsano kya mndu na odoe, ee nde o wandu, wana na wafee handu hamu. Mndumii ahamba; njechiwasaṟia-pfo ma ihoṟia ma iwaichio wukiwa njide njilawarumatsa.’”

YEREMIA 16:5

“Kipfa inyi Mndumii-Ruwa ngahamba njidi: Ma kulaide na mba ya kilio ma kulahendepfo ifihira na ikapa kilio. Inyi nyi ngawuta ofoṟo loko, wucha woko na osaṟio loko kiidi kya wandu wa.

EZEKIELI 23:25

Kyamba njechisotsia nyashi yako huye yapfo, nawo wechikukapa ko nyashi ing'anyi. Iyo nyi wechikudumbuo mbuo yapfo na madu hapfo, na wandu wo wapfo wechitsuhaa nyi wechiwawaha na oshu. Ambuya, nyi wechiduo wana wanu wa kiumi na wa wa kika, na wandu wapfo wechitsuhaa nyi wechiwakoṟa na modo.

EZEKIELI 8:18

Ko kipfa kya ikyo, nyashi yako yechiwasokia, manya riso lyako lyechiwaliliapfo, manya njechiwasaṟia pfo ma kokoya wechicha ifihiṟia madunyi hako, njechiwaadanyiapfo.”

EZEKIELI 9:10

Kyaindi inyi njewaichio wukiwa ma iwasaṟiapfo, njechiwataa kya isho shose walewuta.”

HOSEA 1:2

Kiheri Mndumii-Ruwa alewoka ideda na wandu wa Israeli kui dumbu lya Hosea, nalewia Hosea, “Henda nohende ialika; mka opfo echiwa mhendeli kopfo pfo; na wana wapfo nawudo wechituṟa wuhendeli cha mayawo. Nawudo wandu wako walenjida inyi na wakawa wameluki.”

HOSEA 1:6

Kyasia, Gomeri kakapikase, kafeya Hosea mana o kika. Mndumii-Ruwa, kawia Hosea, “Dumbuya manacho rina nyi, “Alechisaṟio ,” kipfa njechiwonase ikunda ko wandu wa Israeli-pfo, ma njechiwahoṟiase-pfo.

HOSEA 5:7

Kyamba nyi waleda ikusiria ko Mndumii-Ruwa, wafee wana wa mkika ambuya meri fui okombe, nyi fochiwameṟa handu, hamu na madema hawo.

ZEKARIA 1:12

Nalyong'u malaika ulya o Mndumii kahaluo kahamba, ‘Hoi Mndumii menyi matorito, nki ilyi ulakunda isaṟya Yerusalemu na mṟi yose ya Yuda na isuo kyayo maaka ii yose makumi mfungade?’

YOHANE 8:41

Nyo nyi mokewuta mawuto halya halya ha waku wanu walewuta.” Wakambia, “Chi lui-wafee wa njapfo. So luwode Wande umu da nao nyio Ruwa.”

WAROMA 11:22

Kyasia keweringang'u woloru wo Ruwa na wunesi woke. Wunesi nyi wuhoye walya warendemkye, indi wuoloru wo Ruwa wokukaya iyo kiwe ochikutambahana na woloru-wu; shile nyi wudo na iyo na ochipahwo-ho.

WAROMA 9:18

Kyasia ng'u Ruwa nekesaṟia icho ose akunda imsaṟia; ichu amdumbuya kyemumiṟa nyi aimumiṟa.

YAKOBO 2:13

Kyamba mndu alekesaṟya, mdumbuye ii yechimhoya inletsane na isaṟia. Isaṟia lyashika iwikyo kiṟumi na ipfo mdumbuyenyi.