HOSEA 2:22 - Bibilia Kui Mdedie fo Kimochi

²² Oruka lochiicho kiterewo kya Ngano, na mvinyo na mafuda, nasho shose shechifoeṟa shose shikundikie kulya Yezreeli.

HOSEA 2:22 ပူးပေါင်းရင်းမြစ်များ

YESAYA 62:4

Ochikilahose, “Amdepfo,” ma oruka lopfo lochikilahose, “wukiwapfo;” indi nyochilaho “Hefsipa;” (cha ilyi ohamba njimchihie kyake) na oruka lopfo “Beula” (cha ili ohamba na mwaalike) kipfa Mndumii nachihiyo kyapfo na oruka lopfo lochialiko.

YEREMIA 24:7

Njechiwainenga mrima fomanya ke inyi nyi Mndumii-Ruwa. Wechiwa wandu wako na inyi njechiwa Ruwa owo kipfa wechinjichea na mrima yawo yose.

YEREMIA 31:12

Wechicha wechiimba ko maṟu huya fumvu lya Sioni, wechiwona kiṟumi huya wucha woko, inyi Mndumii-Ruwa. Ko shilimu sha moo, mvinyo na mafuda njekemuinenga, ko machondi na mmbe da; ohendo lo moo yawo, yechiwa cha mdemi funose, manya fochipooka sepfo.

HOSEA 1:11

Wandu wa Yuda na Waisraeli wechilungana na isahuo msongoru owo umu; nawo wechioṟa orukenyi lowo. Mkonufo fochiwa mkonu mnene fo Yezreeli!

HOSEA 1:4

Mndumii-Ruwa kawia Hosea, “Inenga mana cho rina, ‘Yezreeli,’ kipfa kutsuhee-pfo kiheri kitutu tupu, na inyi njechikapa wandu wa mba ya Yehu kipfa kya wuwahi sa alewuta kulya pichinyi lya Yezreeli. Njechiarisia kuleshe wumangi wo Yehu kiidi kya isanga lya Israeli.

HOSEA 14:7

Maṟunda hawo hechioṟa na ilandaa, wucha wowo nyi wochiwa cha wo mizeituni, mpfaamo fowo nyi fochiwa cha fo shiwaṟo sha Lebanoni.

YOELI 2:19

Kaadanyia na ihaluo shiterewo shawo; kahamba, “Ambuyenyi ulalu njikerimudikia maimba hafoi, na mvinyo na mafuda muihude; ma njechileka wandu wa mkambo wamuminese-pfo.

ZEKARIA 8:8

na inyi nyi njechiwaende, njiwadamiṟe Yerusalemu; wo wechiwa wandu wako na inyi njechiwa Ruwa owo kiidi kya wulohi na wusumhanyi.”