HOSEA 2:20 - Bibilia Kui Mdedie fo Kimochi

²⁰ Ee, njechikutaya ngosa ko wuhendeli, na iyo nochimanya ke inyi nyi Mndumii-Ruwa.

HOSEA 2:20 ပူးပေါင်းရင်းမြစ်များ

MAWOOKIONYI 9:10

na orio kiumbe kiwode moo; kii nanyo, shilehe, na shuma, na orio indo lya ngeṟenyi iya orukenyi handu hamu nanyo iwo wose wechiwuka kiidi kya safina, na orio kindo kii na moo iya orukenyi.

YESAYA 2:4

Nao nechiwika mwanduye kiidi kya wandu wa mkambo, nechidedia wandu wa njoshari tsifoi, nawo wechitsana njoshu tsawo tsiwe makumbi, na mapfumuhawo hawe mndo, ma isanga lyechiiria oshu huya isanga lingi pfo, ma wechikuloshase shida pfo.

YESAYA 62:4

Ochikilahose, “Amdepfo,” ma oruka lopfo lochikilahose, “wukiwapfo;” indi nyochilaho “Hefsipa;” (cha ilyi ohamba njimchihie kyake) na oruka lopfo “Beula” (cha ili ohamba na mwaalike) kipfa Mndumii nachihiyo kyapfo na oruka lopfo lochialiko.

YEREMIA 24:7

Njechiwainenga mrima fomanya ke inyi nyi Mndumii-Ruwa. Wechiwa wandu wako na inyi njechiwa Ruwa owo kipfa wechinjichea na mrima yawo yose.

YEREMIA 30:10

“Inyi Mndumii-Ruwa ngahamba njidi: ‘Ma kulaowuo iyo Yakobo mṟundi oko; ma kulauko madima, iyo Israeli; kipfa njechikukiṟa ipfo kuleshe ui, na oshari lopfo luwuke osamiṟonyi. Nochiwuya na ikaa olelenyi, ma kuwode mokuowesha pfo.

YEREMIA 32:41

Njechichihio iwawutia mecha, njechiwadonga kiidi kya orukalu na iwawutia kya sumhana.

YEREMIA 9:24

Indi ulya mokushela nakushele kipfa nanjiichi inyi ke. Nyi Mndumii njekewuta mecha, njiwode wulohi na wusumhanyi, njekewuta shindo sha lohi na wusumuhanyi wuyanenyi. Wandu wa mbaṟi yo nyi wo wekenjichihiṟa.

EZEKIELI 16:62

Njikeri iwikase mkundana fungi na iyo, na iyo nochihenda imanya ke inyi nyi Mndumii.

EZEKIELI 16:8

“Kiheri njileidase ngakoya kiheri kyapfo kekoso kishikie. Ngawekushikia na nguo yako, nalyo ngawika kyasa na iyo kealikana. Nahong'u iyo kowa oko. Nyi wudo Inyi Mndumii-Ruwa ngahamba.

EZEKIELI 34:25

Nyi wudo njechihenda iwikiana nawo mkundano fo ofoṟo. Njiwefuna mando malang'a ha ngeṟenyi orukenyi kundu machondi hako hakukae na ofoṟo mapatenyi hechikulaya ipfo ngeṟenyi.

EZEKIELI 34:27

Mashidi ha mdemehu nyi hechiwika ndunda, na mademaho hawewuta ndunda tsifoi, nawo nyi wechikukaya na ofoṟo orukenyi lowo. Kiherikyo njechiwaashuo mshenyi ya wusinga na iwaashuo mawokonyi ha iwo walewahaluo masinga, nyilyondi wechihenda imanya ke Inyi nyi Mndumii-Ruwa.

EZEKIELI 38:23

Nyi wudo njihenda iwuta, na wandu wose wa mkambo yose ya wandu wawone wutonga na wuele woko. Nyilondi wechiwutaho imanya ke Inyi nyi Mndumii-Ruwa.”

HOSEA 13:4

Mndumii-Ruwa nyi ahamba adi; “Inyi nyi Mndumii-Ruwa njii Ruwa onu, ambuya nyi njilewawuta kulya Misri, manya kuwode se ruwa ungi sile na inyi, manya kuwode se mndu echiidima iwakiṟapfo.

HOSEA 2:19

Njechikutana nowe mka oko mlungana; nowe oko ko wuhendeli na wusumuhanyi, ko wucha wo mrima na wusalari.

HOSEA 6:6

Kyamba kindo kinjichihiṟie ipfo konu nyi wuhoṟotsu, manya chi shidaso pfo, imanya Mndumii-Ruwa manya chi shidaso shemaya modonyipfo.’”

WALEWI 26:5

Wechiweha mbeke tane wahaa msabibu; wechihaa msabibu tane kiheri kewaya mbeu. Mochiwada kelya kiingiki na ikaa kipuo orukenyi lonu.

WALEWI 26:6

Njechimuinenga ofoṟo orukenyi tane molaa kulawode kindokyo kyose kechimuowesha. Njechiwuta mando ha nja malang'a orukenyi na oruka lonu kochikaapfo shidapfo.

MIKA 4:3

Ruwa nechimarisa shiloyo sha wandu wa mkambo ifoi, nechidumbuo kya wandu wa mkambo ing'anyi ya wandu wa kuleshe. Wo wechitsana njoshu tsawo tsiwe makumbi, na mapfumu hawo hawe mndo. Mkambo fo wandu fochikapana na fungi-pfo, ma wechikulosha kya shida-pfo.

ZEKARIA 9:10

Na igari lya shida njechiliwuta likae kuleshe na Efraimu, na frasi ikae kuleshe na Yerusalemu, welasa na mfi ya shida shirumatso nechiongoya wandu wa mkambo mbonyi tsa ofoṟo; na uikolonyi woke wochidung'ana kose wokia ipalyipalyi itane ipalyipalyi na wokia meda itane mtsitsionyi fo oruka.

MATAYO 11:27

Shindo shose njiledambikyo nyi Wande. Ma kuipfo aichi Manapfo chila na Wande, ma kuipfo aichi Wandepfo chila na Mana na ichu Mana echikunda imdambuya.

LUKA 10:22

Kaindukia walya wa kiloshionyi kyake kahamba, “Shindo shose nyi njiledambikio nyi Wande, ma kuwode msa aichi ke Mana nyiupfo, shile na Wande, ma ke Wande nyiu, shila na Mana, na ichu Mana akundi imdambuya.”

YOHANE 17:3

Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

YOHANE 8:55

Ma mulalememmanye. Kyaindi inyi njimwichi. Kokoya ngahamba njimwichipfo nyi njiwechiwa mowongo chanyo. Kya indi njimwichi na idedo lii lyake lyo njiliringa.

2 WAKORINTO 4:6

Kipfa nyio Ruwa ahambye kuwe sa iwae iwuka meemenyi nao alewaa ipfo ngoonyi tsadu kuwukye-ho ngeela yemanyisha wuitoṟi wo Ruwa wukeri oshangunyi lo Kristo.

WAFILIPI 3:8

Ee-da na shindo shose ngashihamba shii sha mawuṟa sumuhana na imanya Kristo Yesu Mndumii oko lisuṟye lidi. Nao nyio annengye ngatanyo shindo shose mawuṟa ngashihamba mbosha kundu njihende iwada Kristo.

WAKOLOSE 1:10

Kudo mochiidima ichumia mchumie fuchihianyi na Mndumii na iwuta mecha hamchihiṟie kiheri kyose. Moo yanu yechikumbia ndunda njicha. Cha ikidi liwikie ndunda mualuke na ipfumbuka mochimanya Ruwa.

2TIMOTEO 1:12

Nakyo kyatewa ngaliso wukiwa wo isho. Indi ngapfia kyasho sonupfo, kipfa njichi ichu njimkusirye njii mbanzie imanya ke o awode pfinya yeringa kilya njimsumumbe itane Mkonu fulya fulya.

WAEBRANIA 8:11

Ma kochikaa-pfo echilosha odoya ma ihenda iwia odoya manya Mndumii-pfo. Kipfa wechinjimanya wose wokia ichu ai mtutu owo shika ichu ang'nyi.

1YOHANE 4:6

So nyi ipfo ko Ruwa lupaṟikye. Mokimanya Ruwa nyi aluicho. Ichu alapaṟikye ko Ruwa ekeluichopfo. Lyo nyilyo lyaluinengya imanya Mumuyo o kii-lohi na mumuyo fo wongo.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.