HOSEA 2:12 - Bibilia Kui Mdedie fo Kimochi

¹² Njechirumatsa msabibu yake na mkuyu, ekehamba nyi wueri kuwuka ko wakunde wake. Njechiitana iwe ngeṟa, na mando ha ngeṟenyi hechiilya.

HOSEA 2:12 ပူးပေါင်းရင်းမြစ်များ

SHIIMBO SHA DAWIDI 80:12

Nki ili kulewunduo njomombo tsake? Wakahaa wose weida njia?

YESAYA 29:17

Ale-wo chi kioweṟe sa kifui, kitsihee na Lebanoni lihaluke dema licha liwode mboṟa na kando, na dema lilya lyikeṟaa lihaluke ngeṟa?

YESAYA 5:5

Kyakusia, wulalu njimuwia, chando njechitana mdemi fo msabibu; njechisanja kilya keshikia nafo fochilio; njiwewunduo na omombo lokyo, nalo lochichumochumo;

YESAYA 7:23

Kake kechiwa kiidi kya mkonu fo orio handu kuwewode msabibu kiku (1,000), ileende fesa kiku (1,000), kochidoho mbeche na msha tupu.

YEREMIA 13:26

Kui kipfa kya ikyo njechikuhutsia sonu, njechikushukuo na iatuo nguwo yapfo.

YEREMIA 26:18

Mikaya Mmorashti, nyi aleonguo kiheri kya Hezekia mangi ya Yuda. Kadeda na wandu wose wa Yuda, ke Mndumii o matorito nahamba adi: “Sayuni yedemo cha dema lyedema, na Yerusalemu yewa mrapu na fumvu, lya mba lyechiwa cha hando kukuirie ngeṟenyi.

YEREMIA 5:17

Wo nyi wechilya shilimu shapfo, na mkate fopfo, wechimarisa wana wanu wa kisoṟo na wa kika; wechilya mapo hapfo ha machondi na ha mbe, wechilya msabibu yapfo na mashidi hawode ndunda tseloda; wechinyamaṟa mṟi yapfo injiiṟihiye omombo, iya uwekusirie ee da, wechiinyamaṟa na oshu.

YEREMIA 8:13

“Njechiwarumatsa piu, Mndumii ahamba kuwode ndunda tsa msabibu mashidinyi ha msabibupfo, ma mkuyu kiidi kya mkuyu pfo, maṟa hechinaa, na shindo shilya njilewainenga shechiwadekia.

HOSEA 13:8

Njechiwarundukia cha ngaṟe yasoko maaleo hayo. Njechimuranduo shipeta sho shanu, njechimuliia oo oo cha miiso, njimuranduo na imudumbuo shiteng'eta cha indo lya ngeṟenyi.

HOSEA 2:5

Mayawo nawuta wumeluki, nalekapika kechiwuta shindo sha sonu. Nalehamba; njechihendesana na wakunde wako, sa wekenjinenga kelya na mṟinga, sufu na kitanyi, mafuda na mvinyo.

HOSEA 5:14

Kyamba inyi njechihenda iwa cha miiso ko Efraimu, na imana lya miiso ko wandu wa Yuda. Kyamba inyi njimonyi njihenda iwaranduo randuo na iwaduo, manya kuwode mndu echiidima iwakiṟa pfo.

HOSEA 9:1

Ambuya, nyo Waisraeli manya mulachihio, ma mlasungusie mfuho ing'anyi cha wandu wengi wa mkambo, kyamba nyi mulewa wandu waṟuhui, mukalekana na Mndumii-Ruwa onu; mukakuchihiṟa na wueri wo wuṟuhui wulewutikia handu hehuya Ngano.

MIKA 3:12

Kyasia! Kwi kipfa kya ikyo, Sioni yechidemo cha mdemi. Yerusalemu yechisamo na ifumvu, lya hekalu lyechiwa ngeṟa.