HOSEA 14:9 - Bibilia Kui Mdedie fo Kimochi

⁹ Lanye wandu wa Efraimu, Nyi kyaiki mukuwadase na sanamu? Inyi nyi njechiadanyia shiterewo shanu, inyi njikeri momuembeṟa, inyi nyi njemuwikia mṟinga cha mberoshi. Kunu koko nyipfo kundu mochiwona ndunda tsanu.

HOSEA 14:9 ပူးပေါင်းရင်းမြစ်များ

MAWOOKIONYI 18:25

Manyale, kulawute kudo uwahe mndu mcha handu, hamu na mmbicho, mndu mcha nawe cha mndu mmbicho. Manyale; Moanduya wuyana wose nade alawuta sha wusumhanyi?”

YOBU 17:9

Indi mndu o lohi nechichumia njienyi tsake, na awode mecha neengeṟa iwada pfinya.

SHIIMBO SHA DAWIDI 107:43

Msa awode osaaṟe naambuye isho; wakeweṟuwetsa osaṟio lo Mndumii.

SHIIMBO SHA DAWIDI 119:128

Kyamba njiwonyi mapfundo hapfo hose ke hai ha lohi, orio njia ya wongo njiisuo.

SHIIMBO SHA DAWIDI 119:75

Njiichi ke mdumbuye yapfo nyi ya sungusihu, Hoi Mndumii, na kui wuhendeli wopfo kulenjituura,

SHIIMBO SHA DAWIDI 84:5

Wungusu msa pfinya tsake tsekewuka kopfo. Na njia tsehenda Sioni tsikeri mrimenyifoke.

SHIIMBO SHA DAWIDI 84:7

Waengeṟa iwada pfinya kiheri kyose. Wekewoneka Sioni orio umu oshangunyi lo Ruwa.

MFANANO 10:29

Oshangu lo Mndumii nyi kidichyonyi kya wasumhanyi; Kyaindi nyi inyamaṟika ko wewuta sha wukika.

MFANANO 16:21

Awode wuṟango mrimenyi nelaho nyi menyi wulaanyi; Mlodo fo madedo fokeengeṟa wuṟango.

MFANANO 4:18

Indi njia ya wenyi wusumhanyi ii cha sa iwaa, Ikaweengeṟa iwaa mfiri puti.

YESAYA 1:28

Indi inyamaṟika lyawo wadeko na iwo wenyi wunyamaṟi kochicha kiheri kimu, na iwo walaowoe Mndumii wechirumatso.

YESAYA 17:8

Manya echiambuya rasioni ii iṟunda lya mawokopfo; ma echiambuya shilya shii shiṟunde na shimnyo sha mawokopfo, mbuonyi na sanamu tsa mnengeṟi.

YESAYA 26:7

Okondo lo ulya asumhanyi lui luhoṟotsu; Iyo ui mhoṟotsu nyi ui ihoṟotsa njia ya ulya asumhanyi.

YEREMIA 29:12

Nyo nyi mochinjilaha, mochinjiterewa na inyi njechimuicho.

YEREMIA 9:12

“Nyiu awode wuṟango, naidime imanya ishi? Nyiu awode idedo Mndumii awembiiye namuongoye? Kitewe oruka-lu lunyamaṟike ludi cha nuka ya msanga ma kulawode mndu moidapfo?”

EZEKIELI 11:18

Ili mandi mochiwuya njechiwutapfo orio kindo kyose kisuiṟie na ngafu tsose.

EZEKIELI 18:25

Ambuya nyo mokehamba mbutie fo Mndumii fusumuhanyipfo. Kya indi inyi njikeri imbesa, ngesa nyi mbutie fo Mndumii fulai fo wusumuhanyi ang'u nyi mbutie yo yanu ilai ya wusumuhanyi?

EZEKIELI 36:25

Ambuyenyi njikeri ihenda iwaletsia mṟinga sa mharami, fuhende imusanja oko lonu lose hamu na sanamu tsanu tsose.

DANIELI 12:10

Wafoi wechikuilisha, na ikulaluo wailyi, na ikusanja; indi wawicho wechiwuta mawicho; kuwode mbicho ma umu echimanyapfo; indi iwo walaanyi nyiwo wechimanya.

SEFANIA 3:5

Mndumii nyi awode wusumhanyi; echiwuta wunyamaṟipfo, orio ngamenyi nekeloṟa wucha woke alatsitsa; indi mndu mnyamaṟi nechisonu.

ZEKARIA 10:6

Inyi njechikarisha mba ya Yuda, njechikiṟa mba ya Yosefu, inyi njechiwawihiṟa kipfa ngawaichio makulili; wechiwa ke njiwakumbie pfo kipfa inyi nyi Mndumii-Ruwa owo njechiwaicho.

MATAYO 11:19

Kukakaa kukacha napfo Mano-mndu, ai mndu echilya, na inyo, nawo wakahamba, ‘A ichu ai makilya na makinyo mvinyo, nyi mbuya ya wesana okamba na wenyamaṟa.’ Na wuṟango wo Ruwa wukaṟingishyo ilyi wuiṟunda.”

LUKA 2:34

Na Simeon kawawikia mboṟa, kawia mae oke Maria, “Ichu nyi ambike mohutsa na iira wafoi wa wana wa Israeli; nawewa kichano kyechidedo-dedo wokaṟuo.

LUKA 7:23

Wungusu ulya alamsukie nyi inyi.”

YOHANE 15:24

Kima njilawemetana ipfo kiidi kyawo ngata tsilya, tsilawemtano nyi mndu ungi wawekaa wai na owingo lo wunyamaṟipfo. Kya indi wulalu nyi wahawonyi da wakawensuo inyi na Wande chu oko wakawemsuo.

YOHANE 18:37

Naho Pilato kambia, “Nawo owei ng'u Mangi?” Yesu kahalwo, “Iyo omhamba nawo nji Mangi. Kyannenga ngafeo mndu nyi ikyo, kyawennenga ngacha na kunu wuyana nyi kundu njiṟingishie wukilohi. Orio mndu ose ichu apaṟikye wukilohi echicho ru lyako.”

YOHANE 8:47

Ichu apaṟikye ko Ruwa o nekeadanya madedo ha Ruwa. Nanyo muinjiadanyiapfo kipfa nyo chi wana wa Ruwapfo.”

YOHANE 9:39

Na Yesu kahamba, “Inyi kindo njikucheye na kunu wuyana nyi ianduya, iwa walawonyi kundu wakoye iwona, na iwa wawonyi kundu wawe shipfupfuṟe.”

MAWUTO HA WASU 13:10

“Iyo mndu uichuo mtambo na wuporu wose ui mana o Satana, mkituwa o wusumhanyinyi wose ulada ilemalema njia tsa Mndumii tsii njihoṟotsa

WAROMA 7:12

Kyasiang'u wuwawaso nyi wui wulele na isho wushiwawasye shii shiele shirie wuhoṟotsu na wucha.

NGUMBUO YA MAWAWASO 32:4

Mndumii-Ruwa nyio Iṟaṟa lya okio; maṟunda hake nyi haawukie, njia tsake tsose nyi tsa wusumhanyi. Onyi Ruwa mhendeli alawode ideko, o nekewuta mbonyi tsa wuhendeli na wusumhanyi.

OTAMBAHALUO LO YOHANE 15:3

Wakaimba kiimbo kya Mose awei singa lya Ruwa wakaweimba kiimbo kya kidahina ki wehamba, “Mawuto hapfo, Hoi Mndumii, hoi Ruwa Menyi-pfinya tsose, hai manene haṟihishye. Njia tsapfo, hoi Mangi ya mkambo ya wandu, tso tsiende mdumbuye isumhanyi tsimanyishye kilya kii-lohi.