HOSEA 14:5 - Bibilia Kui Mdedie fo Kimochi

⁵ Mndumii-Ruwa nyi ahamba, “Inyi njechisanja madeko hawo, njihende iwakundase ko ikunda lyako, kyamba njechiwasuo se pfo.

HOSEA 14:5 ပူးပေါင်းရင်းမြစ်များ

2SAMWELI 23:4

Nechiwaa cha mbaṟi fosomoka ngamenyi kulawode mapuchi, nechiwa cha mbaṟi fokeoṟisha, mara mvuo ikameida.

2WAMANGI 19:30

Walya wechitsuhaa wa oshari lo Yuda wechipfumbuka na iwa wafoi chandu ikidi lyekewuta mri ifoi terinyi na ikumbia ndunda tsifoi huye.

YOBU 29:19

Itsinde lyako lyisotsie mri itane mṟingenyi, na ṟauṟa ikakaa maṟambehu kio taṟaṟa.

SHIIMBO SHA DAWIDI 133:3

Cha mlewi fo Herimoni fuisokia mafumvunyi ha Sioni, kyamba npfo kundu Mndumii awawasie mboṟa, Ee da, moo tane mlungana.

SHIIMBO SHA DAWIDI 72:16

Kuwade mboṟa ya mso fufoi, mademehu hai fumvuhu, ndunda tsaho tsifo cha tsa Lebanoni, Na wandu wa mṟinyi waleheke cha maṟa ha orukenyi.

SHIIMBO SHA DAWIDI 72:6

Nechisoka cha mvuo huya maṟa matupure, cha ṟauṟa ya kio yenosa oruka.

SHIIMBO SHA DAWIDI 80:9

Koachikia mwanya mbele yake, nafo fukaala mri ifoi fukaichuṟa oruka.

SHIIMBO SHA DAWIDI 92:12

Mndu o wusumhanyi nechiṟimba cha ikangachi; neching'ana cha mweresi fo Lebanoni.

SHIIMBO SHA DAWIDI 92:13

Waledongio mbenyi ya Mndumii, wechiṟimba ipfo mfiṟihenyi ya Ruwa odu.

MFANANO 19:12

Nyashi ya mangi nyi cha miso fuipoṟohoṟa; Indi ndarama yake cha mlewi fui huya maṟa.

SHIIMBO SHA SOLOMONI 2:16

Mkunde oko nyi oko inyi, na inyi nyi oke; nekelisa po lyake handu maṟa malehetsi hai.

SHIIMBO SHA SOLOMONI 4:5

Mawee hapfo hawi nyi hai cha sariha tsiwi, Tsii mbasa tsa sariha tselya maṟa malehetsi.

YESAYA 12:1

Kiidi kya mkonufo nochihamba, “Hoi Mndumii njechikuana iyo; Manya chandu ulenjisuuya, Nyashi yapfo ilehalukia haleshe, Na iyo omenjiwihiṟia moo.

YESAYA 18:4

Kipfa Mndumii nyi anjiwia adi, “Inyi njechikutsia sau, njiambuya handu hako hekukaya, cha kiheri kya sa ing'anyi njiili wuilyi wo mnengeṟi fuiwaa mnu, cha ipuchi lya mvuo kiidi kya mu kiheri kya shilimu.”

YESAYA 26:19

Wapfu wapfo wechiwada moo, mnying'a yako yechiṟuka; kurenyi, imbenyi, nyo mui kilulinyi, kipfa ṟauṟa yapfo ii cha ṟauṟa ya maṟa, na teri yechiṟutsa wapfiie.

YESAYA 27:6

Mfiri ikeri icha Yakobo nechikapa mri; Israeli nawaṟe shiwaṟo na ialuka; Nawo waichuṟe ndunda wuyanenyi kose.

YESAYA 35:2

Lyewaṟa shiwaṟo shifoi, na ichihiyo, ee, kui ngululu na iimba; lyechiinengo wucha wo Lebanoni, kiṟumi kya Karmeli na Sharoni; wechiwona kiṟumi kya Mndumii, na wunene wo Ruwa odu.

YESAYA 44:3

Kipfa njechiletsia mṟinga foko mdohu ko ichu amwangari na shimeda handu hahadutsu; njechipusuya Mumuyo foko huye ya oshari lopfo, na ona loko ko iwo ochiwafee,

YESAYA 45:8

Ombokenyi, nyo ngina wuka huye, Mapuchi haletse wulohi; Oruka luṟuhuke luende okiṟo, Nalo luwute wulohi shidosane, Inyi Mndumii, njilewika ishi.

YESAYA 57:18

Ngamewona wulalu njia tsake; Inyi njechimchiṟa; njechimsongoya na imbihiṟia moo, hamu na iwo wawei imkapia shilio.

YESAYA 57:19

Inyi njechiwainenga ofoṟo, ofoṟo ko walya wai hafui na walya wai kuleshe, Mndumii ahamba; “Na Inyi njechimchiṟa.”

YEREMIA 3:22

Wuyenyi nyo mui wewuta shindo shilachihiṟa, inyi njechichiṟa mawuto hanu mawicho. “Nanyo mohamba, ‘Ambuya locha kopfo; kipfa iyo nyi Mndumii-Ruwa odu.

YEREMIA 32:41

Njechichihio iwawutia mecha, njechiwadonga kiidi kya orukalu na iwawutia kya sumhana.

HOSEA 6:3

Ko ikyo lumanye, luweengeṟa imanya Mndumii-Ruwa, icha lyake nyi lii lya lohi, cha icha lya mkonu, ambuya nyi echilucheya, cha mataṟataṟa ha mvuo, chandu mvuo ya kisie yekenosa oruka.

MIKA 5:7

Wa oshari lo Yakobo wedeo na moo, wadung'anyie kiidi kya mkambo fo wandu wafoi, wechiwada pfinya ing'anyi cha mwiso kiidi kya mando hai na moo ngeṟenyi, cha ilea lya mwiso kiidi kya po lya machondi, orio handu lyaida, lyikaharundikia na ihahaluo choonga yawo, kulawoneke mohakiṟa.

MIKA 7:18

Hoi Ruwa, nyiu ai cha iyo? Iyo nohoṟia wunyamaṟi wo wandu wapfo waletsuhaa, manya ochiambuya se madeko hawo pfo. Nyashi yapfo yekeaka mlungana pfo, kyaindi nokundi mnu iluloṟa woloru wopfo.

MATAYO 6:28

A nguwo tseraa nyi kiili muwodo mudo nyi makusaṟo kyatso? Kyeṟisenyi ipfo shiwaṟonyi sha mbaṟi tsose sha manjawuhenyi; shekewina na iyoka nguwofo.

LUKA 12:27

Kuloshienyi ipfo shiwaṟonyi sha mademenyi, chando shilekekapa ndusu manyia yoka; indi nyi ngamuwia; manya Solomon ipfo wusuṟinyi woke wose, awei mṟike nguwo cha kimu kyashopfo.

WAEFESO 3:17

Kundu Kristo nakape kanyi koke ipfo ngoonyi tsanu kawe kui wuidiki mochikaa mokapya mri ipfo kiwanjenyi kilya kii kikunda.

NGUMBUO YA MAWAWASO 32:2

Kiloshio kyako kitonyike cha mvuo, madedo hako hatonyike cha mlewi, cha kipuṟashi huya kilimu king'ana, cha kimvuo kisise huya maṟa mawiriwiri,