HOSEA 14:3 - Bibilia Kui Mdedie fo Kimochi

³ Mterewenyi mhoṟie, mudumbuye mochihamba, ‘Uluhoṟie madeko hadu hose, keambia shiinengo shadu, naso nyi lochikuadapfuma ko mrima.’

HOSEA 14:3 ပူးပေါင်းရင်းမြစ်များ

2MBONYI TSA MAHERI 16:7

Kiheri na ikyo, Hanani mlodi o ndodo kahendia mangi Asa o Yuda, kambia, “Ichekeṟo lya mangi o Shamu lyameashuka kopfo, kipfa kya ili ulekusiria na mangi o Shamu, koda ulakusiria na Mndumii-Ruwa, Ruwa opfo.

SHIIMBO SHA DAWIDI 10:14

Kulewona, kipfa nokeambuya mawicho na uneesi Uwade mawokonyi hapfo. Mndu mfari ulelekia mrima fokepfo. Nyi ui mtarami o wangoeda.

SHIIMBO SHA DAWIDI 146:3

Mulakusirie wanene, manya mndu o wandu icho okiṟo lulai koke.

SHIIMBO SHA DAWIDI 146:9

Mndumii nekeowisha wahenu; Nekeṟihika mngoeda na mkusu; kyaindi njia ya walai na wusumhanyi nekeidetsa.

SHIIMBO SHA DAWIDI 33:17

Frasi yekeende o okiṟopfo. Manya mndu echiṟo kipfa kya pfinya ya frasi-pfo.

SHIIMBO SHA DAWIDI 68:5

Ndeye o wangoeada na mtarami o wakusu, Ruwa kiidi kya kanyi koke kwele.

YESAYA 1:29

Kipfa wechidedema kya shindo wawekusirie sha maai, nanyo mochisonu kipfa kya shaahu mulesambuṟa mushiindie.

YESAYA 2:20

Mandi ho orio mndu nechiwakumbia sanamu fuko na nzana, na sanamu tsa fesa na sahabu, shindo walekusungusia kundu washiindie.

YESAYA 27:9

Kyasia wuwicho wo Yakobo wochiilisho wudo, na itso nyitso ndunda tsose tsembuta wunyamaṟi woke; ilyi echihaluo maho hose ha rasioni hawe cha maho maili hamapaṟe-paṟe, mṟasa mbuo na sanamu tsa mnengeṟi tsechihoṟoka-sepfo.

YESAYA 30:16

Indi nyo mlehamba ote, kipfa lochidoya frasi ludiche; kyasia nyi lohi, mochidicha; ngoseṟa, so lochidoya mando hedicha owinyi, na walya wemwosha wechiwa waangu iwikia mteṟa.

YESAYA 30:2

wahenda wechisokia Misri manya walenjiwesa kindopfo; nyi kundu wakuṟike pfinya, pfinya tsa Farao, tsechiwa sonu yanu, na ikusiria ria lya Misri.

YESAYA 31:1

Ochia lo walya waisoka wechihenda Misri wawone ngaya, wechikusiria frasi; wechikusiria magari kipfa nyi hafoi, na wehenda na frasi kipfa nyi wai ngohoda; kyaindi wakeri iambuya ichu ai Mwele o Israeli-pfo, ma wakeri ishiha Mndumii pfo!

YESAYA 31:3

Kyasia Wamisiri nyi wandu ma chi Ruwapfo, na frasi tsawo nyi nyama ma chi mumuyopfo; Mndumii ili echihoṟwo owoko loke, ichu motarama nechikapa mtulia, na ichu motaramo nechioloka, nawo wose wechitsitsa handu hamu.

YESAYA 36:8

Kyasia wulalu, keinengenyi mndumii oko, mangi o Ashuru, wukaṟa, na inyi njechikuinenga frasi shiku shiwi, kokoya iyo ko ora lopfo nochiidima idosa wandu huyawo.

YEREMIA 49:11

Njideyenyi wana wanu wai ngoeda, na inyi njechiwaembeṟa, njideyenyi wakusu wanu wakusihiye koko.”

EZEKIELI 36:25

Ambuyenyi njikeri ihenda iwaletsia mṟinga sa mharami, fuhende imusanja oko lonu lose hamu na sanamu tsanu tsose.

EZEKIELI 37:23

Kyamba wechiidimase ikufanyitsa na sanamu tsa maruwa hawo manya mbonyi tsilya tsawo tsiwichuṟie manya ko madeko hawo sepfo. Ambuya njikeri ihenda iwakiṟa walakiwese wandu wenjidicha, chakipfa wahenda iwa wandu wako na inyi njiwewa Ruwa owo.

HOSEA 12:1

Orio kindo wandu wa Israeli wawuta mfiri puti nyi sha wulya na sherumatsa. Wuṟiingi, wongo, wunesi na wuwahi wuiengeṟeka kiidi kyawo. Wawadana na Waashuru na ikapa mbucha na Wamisri.

HOSEA 13:2

Waefraimu wakaengeṟa ideko, wakasungusia sanamu tsa aṟeṟa, sanamu tsilesungusio ko mawoko hawo, tsilesungusio nyi Waaria wakahamba: “Aitsi, tsiindiyenyi.” Wasoṟo wakahekia momu ihache!

HOSEA 14:8

Ambuya nyi wakeri iwuya wakae wanda ya wuringi woko, nyi wechioṟa cha dema licha lya msabibu. Wewada kiṟumi cha mvinyo fo Lebanoni.

HOSEA 2:17

Kipfa njechitana rina lya Baali lilasendose dumbunyi lyapfo.

HOSEA 4:12

Wandu wako weketerewa wulaanyi ko mashidi; wukidi wowo wo lasha nyiwo wokewainenga otambahaluo. Macha hawo hewuta wuṟuhui nyiho hawadetsa; wawuta wuṟuhui ko ioshana na maruwa hengi, wakanjida inyi Ruwa owo.

HOSEA 5:13

Kiheri wandu wa Efraimu, walemanya ndaṟe yawo, na Wayuda wakawemanya itiinga lyawo, wana wa Efraimu nyi, walehenda ko mangi, o Ashuru kundu nawaikanyie, kyaindi echiidima imukanyia, manya ichiṟa itinga lyanupfo.

HOSEA 7:11

Efraimu nyi awa cha mbeta injitondo ilawode wuṟango, kunu ikeri Misri ang'u Ashuru iterewa.

HOSEA 8:6

Nyo Waisraeli nyi nawudo wudo! Sanamu yo yanu nyi mwaria aleisungusia, ikeri Ruwa manya le pfo, ee, sanamuyo ya ihache, ya Samaria nyi ikeri ihenda ifunjo funjo!

HOSEA 8:9

Ambuya, nyi walehenda iterewa Waashuru wawaikanyie, wakawekuwia cha nzoi iṟahaṟaha njienyi, Efraimu nyi aleakuo wakunde wake,

YONA 2:10

Mndumii kadeda na ikunga lilya, nalyo likadaika Yona wambaṟa ya ipalyipalyi.

ZEKARIA 13:2

Mkonu naafo marina ha sanamu hechidetso, nyi wudo Mndumii menyi Matorito ahamba, kuwode echiidima ihakumbuo sepfo, na wudo na waikimbi, na mumuyo fo ngafu fose wawingio wafuno kiidi kya oruka.

YOHANE 14:18

“Inyi ma njechimda-ho wangoendapfo, nyi njiicha-se na konu.

NGUMBUO YA MAWAWASO 17:16

Ma kudo, mangi nalawade frasi tsifoi tsii tsake amonyi, manya nalawihiṟe wandu na Misri ihuṟapfo frasi; kyamba Mndumii-Ruwa namututuma, ‘Mulawuyese na Misri manyale.’