HOSEA 14:2 - Bibilia Kui Mdedie fo Kimochi

² “Lanye Waisraeli, wuyenyi na ko Mndumii-Ruwa, Ruwa onu;

HOSEA 14:2 ပူးပေါင်းရင်းမြစ်များ

2SAMWELI 12:13

Nahong'u Dawidi kahaluo Nathani kambia, “Ngadekio Ruwa ko wunyamaṟi wu woko.” Kyasia, Nathani kamhaluo kambia, “Ee nyi udo, na Mndumii amekuhoṟia, na ochipfa kipfa kya wunyamaṟi wu pfo.

2SAMWELI 24:10

Kyasia, Dawidi ameambilia mbonyi tsila tsa wandu waitalo, mrima foke fukasokio nyi fowa kadeda na Ruwa kambia, “Mndumii-Ruwa, ngakudekio mnu ko kindoki ngawuta. Ngaterewa nonjileheṟe kipfa kya utondo wu woko wung'anyi mnu.”

YOBU 7:21

Kitewe okenjihoṟia madeko hako, kowenjiletsa na mawicho hako? Ambuya wulalu njilaa kilulinyi; Na iyo nochinjishiha mnu, kyaindi njechikooyo-pfo.

SHIIMBO SHA DAWIDI 119:108

Hoi Mndumii, keidikiawo shiano sha dumbu lyako; na injilosha mdumbuye yapfo.

SHIIMBO SHA DAWIDI 50:14

Inenga Ruwa shidaso sheana; Inutsia kyaasa kyapfo ko icho Ai huye.

SHIIMBO SHA DAWIDI 51:16

Kipfa okechihiṟo nyi kidaso-pfo na mbechidasa, iyo okechihiṟo nyi kidaso kemaya modonyi-pfo.

SHIIMBO SHA DAWIDI 51:17

Kidaso kya Ruwa nyi ngoo ikunyiiṟie; ngoo ikunyiiṟie na ifunjika, hoi Ruwa ochiiminapfo.

YESAYA 44:22

Njilesanja madeko hapfo cha ipuchi linene, na wunyamaṟi wopfo cha ipuchi; wuya na koko; kipfa njilekukiṟa.

YESAYA 6:7

kapaya momu yako na okaa lo kanjiwia, “Ambuya okaa lu lopaya momu yapfo, na wukika wopfo womewutoho na wunyamaṟi wopfo womesanjoho.”

YEREMIA 3:12

Henda onguo madedo ha woambuya ora lo mtsudu nohambe, wuya, iyo Israeli modeko, Mndumii ahamba, njechikuambuyase na nyashi-pfo, njiwode isaṟia, Mndumii ahamba, njechiwada nyashi mlungana-pfo.

HOSEA 12:7

Efraimu nyi afananyi na mndu mokapa mbucha, ekeṟunda na kipimo kekelemba, kawelemba nakyo wandu.

HOSEA 5:5

Ikudosa lya Waisraeli nyi liwonekanyi na pata; Wandu wako Efraimu nyi wechiomboka kipfa kya wuwicho wowo, na wandu wa Yuda nyi wechiomboka handu hamu nawo.

HOSEA 6:6

Kyamba kindo kinjichihiṟie ipfo konu nyi wuhoṟotsu, manya chi shidaso pfo, imanya Mndumii-Ruwa manya chi shidaso shemaya modonyipfo.’”

YOELI 2:17

Makuhanyi na waṟundi wa Ruwa, wahoṟoke kiidi kya wandu na rasionyi wechifihiṟa na iterewa: ‘Saṟia wandu wapfo, hoi Mndumii-Ruwa odu. Kulaleke wandu walaichi Ruwa wawachilie, kipfa nyi wandu wapfo. Makulalekie wandu walaichi Ruwa wawamine na iwataluo wechihamba, ‘Oku Ruwa owo? Nai mfafa na awode pfinya pfo.’”

YONA 2:9

Indi inyi njechikuwutia mwaano kui ṟu lyeana; Njechiawutsiaho shaasa shako shose. Okiṟo luwukie ko Mndumii.’”

ZEKARIA 3:4

Nao kahaluo walya wawehoṟoki oshangunyi loke, mbutenyi nguo tso tsikindie oko. Kiidima kawia Yoshua, Ambuya wunyamaṟi wopfo womewutoho, na inyi njechikuṟika mṟaaye ya wuhuru wung'anyi.

MATAYO 7:11

Kyasia nyo mui wawicho kokooya na mochiidima iinenga shiwana shanu shiinengo shicha, aka-wo Nde-anu o ipfo ruwehu chi echiengeṟa imwinenga shicha ili momterewa?

LUKA 11:13

Kyasia-ng'u, kokooya nyo mui wawicho, nyi mokeidima iinenga shiwana shanu shiinengo shicha, aka chi kya ngoseṟa mnu Nde-anu o ipfo ruwehu echiengeṟa inenga Mumuyo Mwele iwo wamterewa?”

LUKA 18:13

Kyaindi msanyi ulya o okamba kahoṟoka haleshe, nalakarie ma iiria meso huye ruwehu, indi kakukapa kipeeta kahamba, ‘Hoi Ruwa, kenjisaṟia-wo inyi mokudekio!’

YOHANE 1:29

Na ili lya ngama Yohane kawona Yesu kyechimchea kahamba, “Aiki kichondi kya Ruwa kyechiwuta-ho wunyamaṟi wo wuyana.

WAROMA 11:27

Nyifo mkundano foko njiwada nawo ilindi njechiwuta-ho manyamaṟo hawo.”

2TIMOTEO 1:9

O nyi alelukiṟa, kalulaha luwe wandu wake; ndaho njele. Kimtewye chi mawuto hadupfo; kyaindi nyi kyama kiwei kyake amoonyi na wutonga wulya alelusumba kiidi kya Kristo Yesu mandi halya ha maheri halawendewiko.

TITO 2:14

Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

WAEBRANIA 10:4

Kyamba samu ya chau na ya oṟo ilai na pfinya yewuta-ho manyamaṟo.

WAEBRANIA 13:15

Lutsinde lochidambikya Ruwa odambiko lo mwano fochiwa lui nao fui momu-hu yechiichika rina lyake.

1PETRO 2:5

Na wudo nanyo mui maho hai na moo muhende iwiko mba ikeri Mumuyo ya wukohanyi wuele wodambikya-ho shidaso sha kimumuyo shichihiṟie Ruwa kui Yesu Kristo.

1PETRO 2:9

Indi nyo mukeri oshari luu-usambuṟe wamangi wadasi, Wakohanyi wa Mangi wa mkambo fui mwele, wandu wa Ruwa amonyi msanzie fo watale wandu wa Ruwa; kundu muwe mochionguo mawuto mecha ha Ruwa ichu alemlaha ipfo meemenyi kamduo senyi yake iṟihishye idi.

1YOHANE 1:7

Indi kokoya luhendekye hando hai sa chando o ai na sa, nyi luwode kita so luwenyi na wenyi. Na samu ya Yesu Kristo Manoke, yalusanja wunyamaṟi wose.

1YOHANE 3:5

Nanyo muichi ke Kristo nalecha kundu nawute-ho manyamaṟo hadu, na wunyamaṟi wukeri naopfo.