HOSEA 13:6 - Bibilia Kui Mdedie fo Kimochi

⁶ Kyaindi kiheri mulelya mukaihuda, mukawoka ikudosa mukatana monjihadima.

HOSEA 13:6 ပူးပေါင်းရင်းမြစ်များ

NEHEMIA 9:35

Waleidima ikuṟundia kiidi kya wumangi wo wopfo, manya chando walechihio kiidi kya shindo shifoi shicha ulewainenga, kiidi kya oruka lulya lucha ulewainenga, waleidima ida mawuto halya hawo machichopfo.

SHIIMBO SHA DAWIDI 10:4

Kyamu kya mndu o orikiki Kahamba, kuwode kiṟaachepfo Mahiyo hake hose kahamba, “Kuwode Ruwapfo.”

MFANANO 30:9

Ndaihude njilekane na iyo, Njechihamba Mndumii nyiu? Ma njilawe mkiwa mnu njiiwe, Na isenda rina lya Ruwa oko kya maai.

YESAYA 17:10

Kipfa kulehadima Ruwa o Okiṟo lopfo, ma kulekumbuo iṟaṟa lya oṟiho lopfo-pfo; kipfa kya ikyo kowaya madema mecha, kowikapfo msabibu njihenu.

YEREMIA 5:7

“Njechiidima njida ikuhoṟia iyo Yerusalemu? Wana wapfo wanjida inyi, na ilya nyamu ko walya walai ruwa lilya waleihuda, waleṟuhuya wakakumbuhana kiidi kya mba ya wameluki wai wafoi.

EZEKIELI 23:35

Koikyo Inyi Mndumii-Ruwa Menyi Matorito ngahamba kyamba nulenjihadima na injikumba mhongo, nochiambiang'u weri wo wumeluki na wuṟuhui wopfo.”

EZEKIELI 28:5

Kipfa kya wuṟango wopfo kiidi kya mbucha koengeṟa wusuṟi wopfo, Kipfa kya ikyo kokudosa kipfa kya masaa hapfo.

HOSEA 10:1

Waisraeli nyi wawei cha msabibu mcha, msabibu fokeṟaa ndunda. Chandu ndunda tsikeengeṟeka, na wudo waleengeṟa iwika marasio, chandu oruka lowo luleengeṟa ikumbia, nyi wudo waleengeṟa ngo tsawo tseindia.

HOSEA 12:8

Efraimu kahamba, “Inyi nyi njii msuṟi! Inyi njilekusuṟisha!” Kuwode wuwicho wo iwona kiira pfo, manya kudo ilyo chi idekopfo.

HOSEA 2:13

Njechimtaa kiṟache kya mkonu iya ya Baali aleiṟumisha, na maheri aledo ikoṟa ubani, na ikuchopa na rachi tsake na shishelo sha maho sha wuhuru wung'anyi, na ihendia wakunde wake, na injihadima inyi. Nyi inyi Mndumii-Ruwa ngadeda.

HOSEA 2:7

Nechioshana na wakunde wake nalawakoye; ee, nechiwawalia, kyaindi echiwawona-pfo. Oo nyilondi echihamba, “Njiwuya na ko mii oko o kuwoka; kipfa ili mbooko njiwewode nanga kota wulalu.”

HOSEA 4:6

Wandu wako warumara kipfa walanjiichi; kipfa iyo mkohanyi noleha iwapfunda. Ngakuleha ulawe mkohanyi oko. Kipfa nohadima mdumbuye ya Ruwa opfo, na inyi njechihadima iwikia mboṟa wana wapfo.

HOSEA 4:7

Chandu wakohanyi waleongeṟeka, na wudo wose waleengeṟa injitwaṟa. Koikyo, njechihaluo kiṟumi kyawo kiwe sonu.

HOSEA 5:14

Kyamba inyi njechihenda iwa cha miiso ko Efraimu, na imana lya miiso ko wandu wa Yuda. Kyamba inyi njimonyi njihenda iwaranduo randuo na iwaduo, manya kuwode mndu echiidima iwakiṟa pfo.

HOSEA 7:14

Nyi walenjifihiṟia kyaindi chi ko mrimapfo, wakawekupiṟimtsia shitaṟenyi shawo, kundu njiadanyie shiterewo shawo sha mso na mvinyo, kyaindi waengeṟa injidekio inyi.

HOSEA 8:14

Ambuya, Waisraeli nyi walehadima ichu alewaumba, wakakuwikia mba tsawo tsa usuṟi, Yuda wakaengeṟa mṟi ifoi na iikara njomombo tsake, kyaindi njihenda idika modo fuhende ikoṟa mṟi yo na iolotsa njomombo tso tsayo.”

HOSEA 8:4

“Ambuya nyi walekusambuṟia, wamangi sa njilalewasambuṟa. Wakawewika wanene sa njilawewaichi, wakawesungusia maruwa ha fesa na sahabu, ikyo nyi kyo kechiwainenga wasaramaye.

NGUMBUO YA MAWAWASO 32:18

Walehadima Ruwa owo, mkiṟa owo, Walehadima ruwa alewafee.