HOSEA 13:15 - Bibilia Kui Mdedie fo Kimochi

¹⁵ “Manya kokoya Efraimu awechioṟa se cha maṟa, inyi Mndumii-Ruwa njechiende otanu lo ora lo ngamenyi, otanu sa lochiidia ipfo nuka, na maṟungu ha mṟinga haumie, soka tsake natso tsiweumiṟia mṟinga, shioṟa shake shose sha wuhuru wung'anyi nyi shechidao.

HOSEA 13:15 ပူးပေါင်းရင်းမြစ်များ

MAWOOKIONYI 41:23

Na aiha mahaa mfungade masise mafila, haleumiṟo nyi otanu lo ora lo ngamenyi, hakaoṟa numa ya iho.

MAWOOKIONYI 41:52

O kawi kamdumbuya rina nyi Efraimu, kyamba nalehamba, “Ruwa amennenga wufee orukenyi lo matuuro hako.”

MAWOOKIONYI 41:6

Na ambuya-se mahaa mfungade masise, hamaumiṟe nyi otanu lo ora lo ngamenyi hakakumbia numa yaho.

MAWOOKIONYI 48:19

Ndee kaleha, kahamba, “Njiichi, mana oko, nao daa nechiwa mkambo nao daa nechiwa mnene; kyaindi manawo neching'ana kota o, na wufee woke wochiwa mkambo ifoi.”

MAWOOKIONYI 49:22

Yosefu nyi ikidi lya oṟuwe liikumbia, ikidi lyitutu likumbia kufui na soka, maṟamba hake hakualie mawandenyi.

YOBU 18:16

Wanda mri yake yechiumiṟo, Na huye maṟamba hake hechinaa.

SHIIMBO SHA DAWIDI 1:4

Chi wudo wai wamkikapfo, Wo wai cha muulu fuiwiwito nyi otanu.

SHIIMBO SHA DAWIDI 109:13

Oshari loke lukombetso, rina lyawo lyiangatso kiidi kya kishari kya kawi.

YESAYA 14:21

Shinjenyi wana wake. Kipfa kya wuwicho wo ndeawo; Walashike ikure na ikolonyia oruka, Na iichuṟa wuyana wose mṟi yawo.’”

YESAYA 17:13

Wandu wa mkambo waringona cha ndiṟimo ya mṟinga fufoi; Indi nechiwadedia, nawo wadichie kuleshe mnu. Wechiwingio cha muulu fumvuhu kui otanu, Na cha kiluli kundu kui kiwiriwiri.

YESAYA 27:8

Nolemhoṟwo da, lilya kulemfuna; komuela na otanu sa lwapfinya kiidi kya mkonu fo otanu lo ora lo ngamenyi.

YESAYA 41:16

Nochiwaela nawo wadao nyi otanu; otanu sa lwapfinya lochiwarahanyitsa; na iyo nochichihiṟo nyi Mndumii, nochikuṟumisha kiidi kya Mwele o Israeli.

YEREMIA 20:5

Ngoseṟa, masaa hose ha mṟi fu na shilya shekewoneka pfo na shindo sha wuhuru na shisa shose sha wamangi wa Yuda, njechishiwika mawokonyi ha mkituwa owo wechiwawada wapfungo, na iwaduo mṟasa Babeli.

YEREMIA 4:11

Mandi halya wandu wa Yerusalemu wechiwio idedo-li, “Otanu lo modo luwukie owerihu lo nuka kuhoye olele lochihendia mana o waka o wandu wako, lochiwa otanu loela ma otanu loilisha-pfo.

YEREMIA 4:12

Nyi otanu sa luapfinya kota tsose lochicha kipfa kyako; wulalu inyi njechianduo kipfa kya ikyo.”

YEREMIA 51:1

Mndumii-Ruwa nahamba adi: “Njechisuwia otanu lo orumatso lucheye Babeli na wandu wose wekekaa Kalidayo.

YEREMIA 51:36

Mndumii-Ruwa nahamba adi; “Njechideda handu hanu kya mbonyi tsanu, na itaa kirache kipfa kyanu. Njechiumiṟa ipalyipalyi lya Babeli, njiumiṟe maṟungu ha mṟinga.

EZEKIELI 17:10

Nyi fui mdonge a ngesa fochioṟa? A ngesa ili mandi otanu lo ora lo ngamenyi lochiida, chifochihenda imamia? Ma fochihenda iuma oo handu fumdonge.’”

EZEKIELI 19:12

Kyaindi msabibufu fukahenda ikuṟuyo, fukaoloka wanda otanu lukafunjafunja, maṟamba halya hafo na iumiṟa ndunda tsafo daa, nahong'u modo fukahenda ifukoṟa.

DANIELI 11:8

maruwa hawo ha wongo, na sanamu tsawo, na shombo shawo shicha sha fesa na sahabu nechishiduo mṟasa Misri; numa natirime maaka njiliwe alehendia mangi ya mtsudu.

HOSEA 10:1

Waisraeli nyi wawei cha msabibu mcha, msabibu fokeṟaa ndunda. Chandu ndunda tsikeengeṟeka, na wudo waleengeṟa iwika marasio, chandu oruka lowo luleengeṟa ikumbia, nyi wudo waleengeṟa ngo tsawo tseindia.

HOSEA 2:3

Mulamewute kudo, njechimuatuo nguo nadeo kitaṟe, njechimtana nawe chandu alefeo. Njechimtana nawe cha nuka ya msanga, njechimtana naume cha oruka luhadutsu. Njechimbaha ko wuangari.

HOSEA 4:19

Kyasia, wechidao nyi kiwiṟi, na wechiwona sonu kipfa kya wunyamaṟi wowo.

HOSEA 9:11

Wucha wo Efraimu nyi wosaramaya cha shilehe; ambuya wana wechifeosepfo, kuwodese wana wafeosepfo, manya kuwodese waka ikapikapfo.

YONA 4:8

Nalyong'u kiheri kya mfiri mnengeṟi fomedo huye, Ruwa kadika otanu luwuka ora lo ngamenyi lurie ngumia ing'anyi, mnengeṟi fukalasa Yona oo mdohu itane auma, kalanga opfu kahamba, “Nanga ngakupfiia kota ikaa na moo.”

NAHUMU 2:9

Wadenyi fesa Wadenyi sahabu, Kipfa nyi kyooṟa kilechisia kiṟumi kya shindo shichihiṟye mnu

NGUMBUO YA MAWAWASO 33:17

Kiṟumi kyake nyi kiṟumi kya ipung'a lya kuwoka, membe tsake nyi tsa mboho njisoṟo, nechikapa natso mkambo ya wandu, nechiwafunyia mtsitsionyi ya wuyana, Efraimu nechiwada membetso shiku ikumi, membe tsake nyi shiku sha membe tsa Manase.