HOSEA 13:14 - Bibilia Kui Mdedie fo Kimochi

¹⁴ Ambuya njechikiṟa wandu wa wawuke ko waṟumu pfo, ma njechiwakiṟa kiidi kya opfupfo! Iyo opfu nyiku matuuro hapfo hakeri? Na ipfo ko waṟumu nyiku arisikio lyapfo likeri? Inyi njechiwasaṟia se pfo.

HOSEA 13:14 ပူးပေါင်းရင်းမြစ်များ

YOBU 33:24

Naalyo ekembonyia isaṟia, na ihamba, Mringe nalaoloke ṟungunyi. Inyi ngambonyia okiṟo.

YOBU 41:22

Ndeu yalyo ifananyi cha ilyi injishikie na shieko shiohi yekeraha na iranduo teri cha kindo kesea.

SHIIMBO SHA DAWIDI 16:10

Na njiweichi ochinjilekia njideke pfo, Manya ochida mcha opfo nanyamaṟikye pfo.

SHIIMBO SHA DAWIDI 30:3

Omeira mrima foko, Hoi Mndumii Kuwuka terinyi ko wai shi. Konjiwihiṟiya moo konjiwuta Kiidi kya waisoṟowia rinenyi.

SHIIMBO SHA DAWIDI 49:15

Indi Ruwa nyi echinjikiṟa moo foko, Nyi echinjiwuta mawokonyi ha wapfu, kipfa nyiechinjiambiliya.

SHIIMBO SHA DAWIDI 49:16

Kulaowuo ilindi mndu awada wusuṟi; na kiṟumi kya mba yake kikaengeṟeka.

SHIIMBO SHA DAWIDI 71:20

Iyo, uleluloṟa matuuro mawicho, hafoi, nochiluwihiṟia-se moo. Nochiluirya-se huye, kuwokia wanda terinyi.

SHIIMBO SHA DAWIDI 86:13

Kyamba njosaṟio tsapfo koko inyi tsifoi mnu; Kuleashuo mrima foko ko wapfu.

YESAYA 25:8

Nameṟie opfu mṟasa mlungana; na Mndumii-Ruwa nechiangatsa mchenyeṟe oshangunyi lowo; na sonu ya wandu wake nechiiwuta kiidi kya wuyana wose; kipfa Mndumii adeda isho.

YESAYA 26:19

Wapfu wapfo wechiwada moo, mnying'a yako yechiṟuka; kurenyi, imbenyi, nyo mui kilulinyi, kipfa ṟauṟa yapfo ii cha ṟauṟa ya maṟa, na teri yechiṟutsa wapfiie.

YEREMIA 15:6

Nyo mulenjileha inyi, ngahamba inyi Mndumii-Ruwa; mkanjida mkawuya nduma. Ko ikyo ngahoṟotsa owoko loko imurumatsa; ngalehela imusaṟia.

YEREMIA 20:16

Mndu cho nafanane na mṟi, iya Mndumii aleirumatsa nalasaṟe; naicho kipfihiṟo ngamenyi, kifahio kya mesa mfiri.

YEREMIA 31:35

Nyi wudi Mndumii-Ruwa ahamba, ichu rina lyake nyi Mndumii-Ruwa menyi matorito, ichu alehamba mnengeṟi fuwae mfiri, meri na nyenyeri tsiwae kio na iwika ipalyipalyi liwade masinanu.

EZEKIELI 37:9

Nyilyondo Mndumii-Ruwa alenjiwia, “Iyo mndu! Henda onguo handu hako ko otanu uluwie kudi, Mndumii-Ruwa nyi ahamba adi; Iyo otanu njo uwuke njora tsose tsina uifilie mbihu i iwepfie kundu iwade moo.”

HOSEA 6:2

Mfiri iwi ikameida nyi echiluinenga se moo, iyee, na mfiri fo kaṟaṟu nyi echiluṟutsa, kundu luidimese ikaa handu hamu nao.

HOSEA 7:10

Ikudosa lya Waisraeli nyi lya waṟingishia, manya kudo walekunda, iwuya na ko Ruwa Mndumii owopfo, manya impfula ko, shindo shi shose.

MALAKI 3:6

“Kipfa inyi Mndumii njekeweṟukaweṟukapfo; nkyo kitewe mularumatso, nyo wana wa Yakobo.

MAITALA 23:19

Ruwa chi mndu owandu nahambe wongopfo, manya chi mndu o wandu nailache mahio hakepfo! Ngesa, nechiteṟia kindo alekiwuta, ang'u nahambe kindo nade alakiinutsia?

WAROMA 11:15

Kyamba kokoya ipfo kundu wamhenda ileho-wo kukuwukye-ho kisanza wuyana na Ruwa, nyi-ki kyechiwuka ipfo kundo wehenda yambyo nyi Ruwa? Wapfu wechiṟuka!

WAROMA 11:29

Kyamba shisumbo sha wutonga wo Ruwa na ndaho yake, sho sheteṟeshukasho.

2 WAKORINTO 5:4

Kyamba naso ilindi lukeri kunu tengonyi ili nyi lusumukya luiwalemye, cha kipfa lulakunda iheda yatuo kya indi likunda ishikyo ṟao lingi kundu kilya kii kyepfa kihende imeṟo nyi kilya kii mo.

WAFILIPI 3:21

Nao nyio echikaa nailache mbihu fodu fo wunyonge fuwute-ho ifanana na mbihu foke fui na wuitoṟi. Kechiwa kidi kisumhanye pfinya iya awode yemnenga echilaṟa shose shi yake.

1WATESALONYIKYE 4:14

Kipfa kokoya lokusirya ke Yesu alempfa kaweṟuka, na wudo Ruwa echiduo walya wai wainutsye njia imu nao iisume nyi Yesu.

YAKOBO 1:17

Orio kisumbo kyose kii kicha, orio kinego kyose kii kya sungusihu kichee huye, kisokie kyechiwuka ko Wande mowika sa tsose. Na ipfo koke kuwode ma mhaluye mliwe manya mṟishe mangu fo masehyanopfo.

OTAMBAHALUO LO YOHANE 20:13

Na ipalyipalyi lyikaende wapfu walya lyiwewawode. Na opfu na mfiṟiha foshingya-ho wapfu shikaweende wapfu walya shiwewawode. Wakaanduyo kyawo orio mndu chando kimsumhanye mawuto hake.

OTAMBAHALUO LO YOHANE 21:4

Nao echiangatsa mchenyeṟe yawo yose ipfo mesonyi hawo, na opfu lochikikaa-ho-sepfo, manya mbadiko manya kifuhyo manya mawawyo, kyamba shilya sha mbika ya kuwoka shilemsia.”

OTAMBAHALUO LO YOHANE 6:8

Na ili njileambuo, ke-ambuya-wo aii frasi iwefanyi mpfumpfu na ichu awedamye mhongo-hu foyo rina lyake nyi opfu, na o Gehena awerianyi nao. Nawo walehenda idambikyo kienga kya kaana kya wanda ii ikuwahyaho wandu kui pfinya ya oshu na ya njaa na ya makonu na ya mando ha ngeṟenyi.

1SAMWELI 15:29

Ruwachu ai mng'ano fo Waisraeli ekelembapfo, manya ekeilacha makusaṟo hakepfo. O chi mndu o wandu ailacha makusaṟo hakepfo.”