HOSEA 13:11 - Bibilia Kui Mdedie fo Kimochi

¹¹ Ngawemuinenga mangi ko nyashi, na kui nyashi yako ngamusoka.

HOSEA 13:11 ပူးပေါင်းရင်းမြစ်များ

MFANANO 28:2

Kipfa kya wunyamaṟi wo oruka wanene wekewa wafoi, Indi ko wandu wawode wuṟango oruka lokekaa lui olele.

HOSEA 10:3

Kiheri kyo nyi wechihamba luwode se mangipfo, kyamba lukeindiyase Mndumii-Ruwapfo, a ngesa mangi nechiidima iluwutiaki?

HOSEA 10:7

Mangi o Samaria ni echidao, cha ikidi lidao nyi mṟinga;

HOSEA 3:4

Na nyi wudo, Waisraeli wechiwa: Wechikaa ko kiheri kileshe walawode mangi ang'u msongoru; ma shidaso, ang'u shimnaṟa shiele, ma shisibau sha kipeeta, ma sanamu ang'u mfanano yeindia.

HOSEA 8:4

“Ambuya nyi walekusambuṟia, wamangi sa njilalewasambuṟa. Wakawewika wanene sa njilawewaichi, wakawesungusia maruwa ha fesa na sahabu, ikyo nyi kyo kechiwainenga wasaramaye.

1SAMWELI 10:17

Samweli kalaha wandu wose wakusanze oshangunyi lo Mndumii-Ruwa ipfo Mispa.

1SAMWELI 10:19

Inu kudi monjileha inyi Ruwa onu msa njilemuashuo kuwuka ngapo na fowa tsanu; nanyo mohamba, ‘O manyale!’ Luinengenyi mangi moluchilia. Mui shisharinyi shanu na kui shiku shanu.”

1SAMWELI 12:1

Samweli kawia Waisraeli wose, “Shose mulenjiwia, njilemwadanyia. Ngawika mangi momuchilia.

1SAMWELI 12:13

Wulalu mangi mulemsambuṟa nyio ichu iya. Muleterewa Mndumii-Ruwa namuinenga mangi, nao kamuinenga.

1SAMWELI 15:26

Samweli kambia, “Njechiidima iwuya na iyo mantapfo. Iyo noleleha iwawaso lya Mndumii-Ruwa nao amekuleha kulawe mangi o Waisraeli.”

1SAMWELI 16:1

Mndumii-Ruwa kawia Samweli, “Nochiichio Sauli makulili mṟasa indi. Iyo kumonyi noichi ke inyi njilemleha nalawe mangi ya Waisraeli. Wulalung'u, ichuṟa ombe lopfo mafuda, nokure. Njechikuduma ko mndu elaho nyi Yese o mṟinyi fo Bethlehemu. Cha kipfa ngamekuwonyiapfo mangi kiidi kya wanake wake.”