HOSEA 13:10 - Bibilia Kui Mdedie fo Kimochi

¹⁰ Mangi onu nyi ku ahenda nache imukiṟa? Wanene walya wanu nyiku wai wamuringe? Nanyo muwenyi muleterewa mangi kundu namuchilie.

HOSEA 13:10 ပူးပေါင်းရင်းမြစ်များ

1WAMANGI 12:20

Kiidima Israeli wose wekiicho ke Yeroboamu nawuya, wakaduma wandu wahende imlaha nache na chilenyi, wakambia nawe Mangi huye ya Israeli yose, ma kuwode mndu ose alewadana na mba ya Dawidi pfo shile na Oshari lo Yuda tupu.

2WAMANGI 17:4

Kyaindi kiheri kimu Hoshea kadika ndumi ko mangi o Misri yeterewa ndarama, naalyo kada alatae okamba ko Mangi Shalmanesa o Ashuru chandu aweichiwie iwuta orio maka. Shalmanesa kekiwona ado nalepfunga Hoshea ko mshe kamkumba kipfungonyi.

SHIIMBO SHA DAWIDI 10:16

Mndumii nyi mangi ya mlungana; Wandu wa mkambo warahanyikie isangenyi lyake.

SHIIMBO SHA DAWIDI 149:2

Israeli nachihio nyi Icho alembika, wana wa Sioni wakapie mangi yawo, ngululu.

SHIIMBO SHA DAWIDI 44:4

Hoi Ruwa iyo nyi mangi yako! Kyewawasia mbonyi tsa okiṟo ko Yakobo.

SHIIMBO SHA DAWIDI 74:12

Kake Ruwa nyi mangi yako wokia kacha, ekewuta mbonyi tsekiṟa kiidi kya oruka.

SHIIMBO SHA DAWIDI 89:18

Kyamba ngawo yadu ii na Mndumii; na mangi yadu nawukie kopfo iyo mwele o Israeli.

YESAYA 33:22

Kipfa Mndumii nyi modumbuo kyadu; Mndumii nyio modeda kyadu; Mndumii nyio mangi yadu; nyio echilukiṟa.

YESAYA 43:15

“Inyi nyi Mndumii Mwele onu, mowumba Israeli, mangi yanu.”

YEREMIA 2:28

“Kyaindi heku maruwa halya hapfo ulehawika? Hahoṟoke luhawone kokoya hechiidima ikukiṟa kiheri kya kiwi kyapfo; kipfa itala lya maruwa hapfo nyi kimu na itala lya mṟi yapfo iyo Yuda.

YEREMIA 8:19

Aikyo kilio kya wandu wako, kyaichuo orukenyi lui kuleshe mnu, ngesa Mndumii ai kiidi kya Sioni? Mangi yake ii kiidi kyake? “Nyi kitewe kya iki wanjipfulutsa nyashi na ofano lowo walepacha, na iwuta sha wukika sha wahenu?

SHILIO 4:20

Wakawada ulya luwemkusirie, Mangi ulya awemshimbuo nyi Mndumii-Ruwa, ulya ewekehamba ke nyi echiluringa na wakituwa wawekeri iluterengia.”

HOSEA 10:3

Kiheri kyo nyi wechihamba luwode se mangipfo, kyamba lukeindiyase Mndumii-Ruwapfo, a ngesa mangi nechiidima iluwutiaki?

HOSEA 13:4

Mndumii-Ruwa nyi ahamba adi; “Inyi nyi Mndumii-Ruwa njii Ruwa onu, ambuya nyi njilewawuta kulya Misri, manya kuwode se ruwa ungi sile na inyi, manya kuwode se mndu echiidima iwakiṟapfo.

HOSEA 3:4

Na nyi wudo, Waisraeli wechiwa: Wechikaa ko kiheri kileshe walawode mangi ang'u msongoru; ma shidaso, ang'u shimnaṟa shiele, ma shisibau sha kipeeta, ma sanamu ang'u mfanano yeindia.

HOSEA 7:7

Ambuya wose nyi waledosa nyashi ing'anyi cha nungu ya modo, wakawewaha wanene wawo, na wamangi wawo wose wakaoloka, manya kuwode ma mndu, umu alecha injiterewa njimwikanyiepfo.

HOSEA 8:4

“Ambuya nyi walekusambuṟia, wamangi sa njilalewasambuṟa. Wakawewika wanene sa njilawewaichi, wakawesungusia maruwa ha fesa na sahabu, ikyo nyi kyo kechiwainenga wasaramaye.

ZEKARIA 14:9

Mndumii nyio echiwa Mangi huya shose; mkonufo Mndumii nechiwa umu na rina lyake limu.

YOHANE 1:49

Natanaeli kamhaluo, “Hoi Rabi, iyo nyi ukeri Mana o Ruwa, Iyo nyi Mangi ya Israeli.”

1SAMWELI 8:7

Mndumii-Ruwa kambia, “Adanyia orio kindo wandu waikuwia; kyamba wamekuleha iyopfo, sile wanjileha inyi njilawe mangi yawo.