HOSEA 12:6 - Bibilia Kui Mdedie fo Kimochi

⁶ Wuyenyi ko Mndumii-Ruwa onu, kuwadenyi na ikunda na wukiilohi, muwekaa mkusirienyi ko Mndumii-Ruwa kiheri kyose.

HOSEA 12:6 ပူးပေါင်းရင်းမြစ်များ

MAWOOKIONYI 49:18

Okiṟo lopfo njileluwedia, Hoi Mndumii-Ruwa.

SHIIMBO SHA DAWIDI 123:2

Cha meso ha waṟundi, kui owoko lo wandumii wawo; Cha meso ha isinga lya kika, kui owoko lo kekuye oke; nyi wudo meso hadu hahalukie Mndumii, Ruwa odu. Tane echilusaṟia.

SHIIMBO SHA DAWIDI 27:14

Wedia Mndumii, nowe ngohoda Kupfunge tse, ee, uwedie Mndumii.

SHIIMBO SHA DAWIDI 37:7

Tsia sau oshangunyi lo Mndumii; na iyo umbedie wotirisia. Ulasuuye ichu mowona osu njienyi tsake; ma mndu mowuta sha mtambo.

IWUKA 3:15

Ruwa kawiase Mose, “Wia wana wa Waisraeli madedo ha, MNDUMII Ruwa o ndeanu, Ruwa o Abrahamu, Ruwa o Isaki, Ruwa o Yakobo nanjiduma konu; ili nyilyo rina lyako tane mlungana, nalyo nyi ngumbuo yako tane marika hose.

MFANANO 1:23

Halukenyi kipfa kya wuwawaso woko; ambuya njechimuletsia mumuyo foko; Na imumanyishya madedo hako.

MFANANO 21:3

Iwuta sumhana na iwawaso Shichihiṟiye Mndumii kota shiano

YESAYA 1:16

Kusanjenyi, kuilishenyi; kuatuonyi wuwicho wo mawuto hanu, wukae kuleshe nanyo; lehanenyi na mawicho;

YESAYA 30:18

Kui kipfa kya isho Mndumii nechiweda, kundu namusaṟie, na kui kipfa kya isho nechiṟumisho kundu namsaṟie, kipfa Mndumii nyi Ruwa o mwanduye; nanga wose wekemmbeda.

YESAYA 31:6

Halukienyi ichu mulemleha nyo wana wa Israeli.

YESAYA 40:31

Kyaindi iwa wewedia Mudumii wechiinengo pfinya njihya; wechido huye na makungo cha mbeṟo; wechiwika mteṟa, ma walechilehela; wechichumia na madende, walechiuma.

YESAYA 58:6

Ngesa inyi njilewawasa ke ikuotoya njikundi nyi ileheṟuo walya wapfungiṟie wuwicho wowo na mhanda yawo ianguṟo, walya wai wapfunge wapfunguyo, muwewuta shi shicha shose ko walya wai wawonyie?

YESAYA 8:17

Na inyi njechiwedia Mndumii, moṟika kyaamu kyake ko wandu wa mba ya Yakobo na inyi njechimwambuya.

YEREMIA 22:15

Alewo! Nochichilia kipfa kehodana, na wandu kiu mashidi ha meresi? Ndeo nalelya na inyo, na ianduo, kya sungusihu nyi hondo aleiṟimiṟa.

EZEKIELI 18:30

“Koikyo njikerihenda ikuanduya iyo mba ya Israeli, orio mndu mbutie foke, nyi wudo Mndumii-Ruwa ahamba. Dumbuyenyi muhaluke, muhende ida mawicho hanu hose kundu njonyamaṟo tso tsanu tsilahende imunyamaṟa.

HOSEA 10:12

Wayenyi wucha ko kiira kyanu, ambuya nyi mochisambuo ikunda; demenyi madema ho hake hasiie moo, kyamba kiheri kyenjipfula inyi Mndumii-Ruwa kyameshika. Na inyi njechiwaletsia mboṟa.

HOSEA 14:1

Wandu wa Samaria nyi wechikapo ko ideko lyawo, kyamba nyi walelekana na Mndumii-Ruwa owo, nyi wechiwoho ko oshu, shiwana shawo nyi shechipoṟipotso, na waka wawo wakapikie nyi wechirandulio.

HOSEA 4:1

Adanyienyi Mndumii-Ruwa, nyo Waisraeli. Mndumii-Ruwa nanunuwa kipfa kya wandu wa oruka lu. Kuwodese wuhendeli ma mrima mcha orukenyi-pfo; kuwodese mndu aichi Ruwa kunu orukenyi-pfo.

YOELI 2:12

“Kyaindi Ma ulalu, Inyi Mndumii-Ruwa ngahamba, ‘Njihalukienyi na mrima yanu yose, ko ikuotoya na ifihiṟa na iwado nyi fowa.

YOELI 2:13

Ma mularanduo nguo tsanu mochiloṟa fowa, randuonyi mrima yanu.’ Wuyenyi Mndumii-Ruwa, Ruwa onu. O naichuo wutonga na isaṟia ling'anyi; ekesuo owinyi-pfo, nawode wucha wung'anyi wo mrima; ma ekechihiyo ikapa wandu-pfo.

AMOSI 4:13

Kipfa, ambuya, icho awikye mafumvu na iumba otanu, na iinenga mndu o wandu makusaṟo hake, awikie mfiri na kio, kawechuma wuyanawu handu hakuiriye; Mndumii, Ruwa menyi matorito nlyo rina lyake.

AMOSI 5:24

Indi mwanduye fusoke cha mṟinga, na ukiilohi cha mṟinga fufoi.

MIKA 6:8

Iyo mndu, Ruwa amekuloṟa kilya kii kicha, kindo Mndumii-Ruwa akundi kikeri kiile; iwuta mbonyi tsa wulohi, ukunde isaṟia na ikunyiiṟa oshangunyi lo Ruwa opfo kiidi kya mchumie mcha.

MIKA 7:7

Kyaindi inyi njikusiria Mndumii-Ruwa, njiwedia Ruwa ai monjikiṟa; Ruwa oko nechinjiadanyia.

HABAKUKI 2:3

Ndodo ii nyi ya kiheri kiteseheṟe, ikambiṟa mtsitsionyi foyo manya yechihamba wongopfo; ma ikakeleo, iwede, kipfa na kikaki na iche ilechikeleo.

SEFANIA 3:8

Kyasia njiwedenyi Mndumii ahamba, mṟasa mkonu fulya njekure njiduo wandu wapfungo kipfa njikuteseheṟie isanya wandu wa mkambo, kundu njikoyanyishe mangi tsose, njiwaloshe kui nyashi yako yee, wulang'a wo nyashi yako, kipfa wuyana wose wochirumatso kui modo fo wunyenyi woko.

ZEKARIA 1:3

Walahe uwawie, Mndumii menyi matorito nahamba adi, wuyenyi na koko, na inyi njechiwuya na konu nyi inyi Mndumii menyi matorito ngahamba.

ZEKARIA 7:9

“Mndumii Menyi Matorito nahamba, anduonyi muwedumbuo kya lohi, orio mndu nasaṟiye odoe

ZEKARIA 8:16

Ishi nsho mochiwuta; orio mndu na odoye wawiane lohi; anduonyi lohi mwaanduye fo ofoṟo ipfo kanyi konu;

MAWUTO HA WASU 2:38

Petro kawawia, “Dumbuyenyi, na orio umu nahende ipatisyo rina lyo lya Yesu Kristo lyembonya mhoṟye fo njonyamaṟo tsanu mushike yambya kimasyo kya Mumuyo Mwele.

MAWUTO HA WASU 26:20

Indi ndehenda yongoya wandu ke wadumbuye na ihalukya Ruwa wawe wewuta mawuto hasumhanye mdumbye fowo; ndewoka iwaongoya njido ipfo Damasiko na ipfo Yerusalemu itane sanga lya Yudaya lyose na mkambo ya wandu ingi.

YAKOBO 1:27

Wuindi wuharami wulafanyi oshangunyi lo Ruwa Wande wukeri wule, isenguda wana wangoeda na waka wa kusu iwa wai walise wukiwa na ikuṟisa ihenda fanytso nyi wuyana wu.

YAKOBO 2:13

Kyamba mndu alekesaṟya, mdumbuye ii yechimhoya inletsane na isaṟia. Isaṟia lyashika iwikyo kiṟumi na ipfo mdumbuyenyi.