HOSEA 12:13 - Bibilia Kui Mdedie fo Kimochi

¹³ Kui wuikimbi Mndumii-Ruwa nalewuta Waisraeli orukenyi lo Misri; na kui wuikimbi, Mndumii-Ruwa nalewaringa.

HOSEA 12:13 ပူးပေါင်းရင်းမြစ်များ

MAWOOKIONYI 28:2

Kure, nohende Padan-aramu, mṟasa kanyi ko Betueli washidio, nokudaayepfo mka kiidi kya wana wa kika wa Labani washidio.

MAWOOKIONYI 29:20

Yakobo kaṟunda maaka mfungade kundu nainengo Raheli. Koke kikawa cha nyi mkonu njiangu tupu kipfa kya ili awemkundi.

SHIIMBO SHA DAWIDI 77:20

Kuleteteṟa wandu wapfo cha machondi, kui owoko lo Mose na Aroni.

IWUKA 13:3

Mose kawia wanduwo, “Kumbuonyi mkonu fu, mulewuka orukenyi lo Misri; kuwuka mmbenyi ya wusinga; cha kipfa Mndumii-Ruwa, nalemuwuta handu ho kui pfinya ya owoko loke; ma kulalyio mkate fumtarang'ashe.

IWUKA 14:19

Nahong'u malaika ulya o Ruwa, awesongoya itorito lya Waisraeli mbele, kakure kawuya na numa yawo; na ngo iya ya ipuchi ikakure alya kusonguo kowo, ikahoṟoka numa yawo;

HOSEA 11:1

Kuwokia Israeli awei mana mtutu nyi njiwemkundi, kuwokia Misri nyi njilemlaha nyi mana oko.

HOSEA 2:15

Ipfo njechimbihiṟia madema hake ha msabibu, na mfo fo Akori, njechifutana fuwe kichumi kya ngaya. Nechinjiosha ko ikunda lyake chandu awekewuta kiheri awei manake, cha kiheri awewuka kiidi kya oruka lo Misri.

MIKA 6:4

Inyi njilemuwuta Misri, ngamukiṟa wusingenyi ngamwinenga Mose, Aroni na Miriamu wamusongoe.

MAITALA 12:8

Inyi njekededa nao napata kyamu kui kyamu chi kui semeṟipfo. O nekewona mbihu foko inyi Mndumii-Ruwa. Nkiling'u mlaleowuo ideda owicho mṟundichu oko Mose?”

NGUMBUO YA MAWAWASO 26:5

nochihamba madedoha oshangunyi lo Mndumii-Ruwa, Ruwa opfo: “Wande oko nawei Mwarameo alewuṟiwuṟi masangenyi ipfo na ipfo alawode kanyi, numa kasoka na Misri. Kakaapfo na wa kanyi koke. Wawei wandu waangu tupu kiherikyo; kyaindi wakapfumbuka wakawa mkambo fung'anyi, wandu wawode pfinya na wafoi.

1SAMWELI 12:8

Kiheri Yakobo na wa mba yake walehenda Misri, na Wamisri wakawapfinyia, wasahuyanu waleeṟeṟia Mndumii-Ruwa; nao kawadikia Mose na Aron sa walewuta wasahuyanu kulya orukenyi lo Misri na imuende na kunu orukenyi.