HOSEA 11:9 - Bibilia Kui Mdedie fo Kimochi

⁹ Ambuya njikeri itirisiya, ambuya njihenda irumatsa se Efraimu pfo, kyamba inyi nyi Ruwa manya chi mndu o wandu pfo, njikeri mwele kiidi kyanu, koikyo njechicha inyamaṟapfo.

HOSEA 11:9 ပူးပေါင်းရင်းမြစ်များ

2SAMWELI 20:10

Kasoṟomuo oshu loke na owoko loke lo kumoso, kakapa nalo Amasa ndeunyi na iranduo ndeu yake na maula hake hakasoṟomoka na ipusukia wanda. Nahong'u ko ikapo oshu lumu tupu Amasa kalekia moo. Kyasia, Yoabu na manao maye o Abishai wakada Amasa apfie alee alya wanda, wakahenda iwalia Sheba.

SHIIMBO SHA DAWIDI 46:5

Ruwa nyiai makidi hawi hake hechidedemapfo; Ruwa nyiechikutarama ngamenyi kilawo.

SHIIMBO SHA DAWIDI 78:38

Kyaindi O; kyamba nawode osaṟio, nekehoṟia wuwicho manya ekerumatsapfo. Kafoi nekeatsiṟia nyashi yake kuleshe; manya ekeamtsa nyashi yake yosepfo.

SHIIMBO SHA DAWIDI 85:4

Ruwa o okiṟo lodu, kyeluwihiṟe, utirisie nyashi yapfo uwode kipfa kyadu.

YESAYA 12:6

Koṟoṟoma, fahia, wenyi wa Sioni; Kipfa Mwele o Israeli nyi ang'anyi kiidi kyapfo.”

YESAYA 31:1

Ochia lo walya waisoka wechihenda Misri wawone ngaya, wechikusiria frasi; wechikusiria magari kipfa nyi hafoi, na wehenda na frasi kipfa nyi wai ngohoda; kyaindi wakeri iambuya ichu ai Mwele o Israeli-pfo, ma wakeri ishiha Mndumii pfo!

YESAYA 41:14

“Ulaowuo, Yakobo nyi ishinu, nanyo wandu wa Israeli, inyi njechimutarama, Mndumii ahamba, na mkiṟa opfo nyi Mwele o Israeli

YESAYA 41:16

Nochiwaela nawo wadao nyi otanu; otanu sa lwapfinya lochiwarahanyitsa; na iyo nochichihiṟo nyi Mndumii, nochikuṟumisha kiidi kya Mwele o Israeli.

YESAYA 48:9

Kipfa kya rina lyako njechiilacha nyashi yako, na kipfa kyapfo njechikwima, kundu njiṟumisho, njilawone njekuarisia wanda.

YESAYA 5:24

Ko ikyo chandu olewo lo modo lokerumatsa mashaku maumu, na natsi yaoloka modonyi na wudo rina lyawo lyechiwa owicho, na kiwaṟo kyawo kiwiwito huye nyi otanu cha kiluli; kipfa waleha iwawaso lya Mndumii menyi Matorito, na ipiṟa idedo lya ichu Mwele o Israeli.

YEREMIA 26:3

Kofia weicho na ida mawuto hawo mawicho, kundu njide mawicho njiwekundi iwawutia kipfa kya mawicho ha mawuto hawo.

YEREMIA 30:11

Kipfa inyi njikeri hamu na iyo njikukiṟe. Inyi Mndumii-Ruwa ngahamba. Njechirumatsa piu mkambo yose, njilekurahanyitsa koyo; indi iyo njechirumatsa pfo. Njechikuhoṟuo chandu kikuwaṟi njechikuda uhende njilakuhoṟuopfo; Nyi inyi Mndumii-Ruwa ngahamba.’

HOSEA 12:1

Orio kindo wandu wa Israeli wawuta mfiri puti nyi sha wulya na sherumatsa. Wuṟiingi, wongo, wunesi na wuwahi wuiengeṟeka kiidi kyawo. Wawadana na Waashuru na ikapa mbucha na Wamisri.

HOSEA 14:4

Kyamba Ashuru yeidima ilukiṟapfo, lochiidima ikusiriase frasi tsa shida se pfo. Ambuya manya lochilahase shindo sho lushisungusie luwenyi ke nyi Ruwase pfo. Ipfo kopfo hoi Mndumii ngoeda tsekesaṟio.”

MALAKI 3:6

“Kipfa inyi Mndumii njekeweṟukaweṟukapfo; nkyo kitewe mularumatso, nyo wana wa Yakobo.

MAITALA 23:19

Ruwa chi mndu owandu nahambe wongopfo, manya chi mndu o wandu nailache mahio hakepfo! Ngesa, nechiteṟia kindo alekiwuta, ang'u nahambe kindo nade alakiinutsia?

NGUMBUO YA MAWAWASO 13:17

Orio kindo kyameendo kikoṟo na modo mulakiduose, kundu Mndumii-Ruwa nahooṟe nyashi iya yake njiwawo, nawaloṟe osaṟio na wucha, namupfumbutse, mufo mnu nakamu chando aweteṟie waku wanu,

1SAMWELI 26:8

Absai kawia Dawidi, “Inu Ruwa amedambika mkituwa opfo mawokonyi hapfo. Kyasiang'u, leka njimtochie o wanda terinyi ili limu tupu na pfumulyi; njechimtocha kawipfo.”