HOSEA 11:8 - Bibilia Kui Mdedie fo Kimochi

⁸ A nyi wuda njechiidima ikuda iyo Efraimu? A ngesa nyi wuda njechiidima ikukumba iyo Israeli? Ngesa njechiidima ikuhaluo cha mṟi fo Adma? Njechiidima ikuwutia cha mṟi fo Seboimu ? Mrima foko fokenjiima; isaṟia lyako likaengeṟa iwada mrike kiidi kyako.

HOSEA 11:8 ပူးပေါင်းရင်းမြစ်များ

MAWOOKIONYI 14:8

Mangi ya Sodoma na ya Gomora, na mangi ya Adma, na mangi ya Seboimu na mangi ya Bela nyio Soari wakakure wakaamtsa shida kulya rendewelenyi lya Sidimu,

2SAMWELI 24:16

Kiheri msu ulya o Ruwa awekuṟeheṟa irumatsa mṟi fo Yerusalemu, Ruwa kahoṟia Waisraeli walya kawia msu ulya awekeri iwaha wandu, “Tirima; Leka ulawawahese.” Msu ulya o Ruwa nawekeri kufui na handu wawekehuya Ngano ko Arauna, Myebusi.

1WAMANGI 3:26

Nalyo ulya mana oke ai na moo kawia Mangi kipfa nalewawio nyi moo, “Hoi Mndumii oko, mnenge mana cho ai na moo ma kulambahe.” Kyaindi ulya ungi kahamba, “Nalawe opfo ma oko; napaṟo.”

2WAMANGI 13:23

Mndumii-Ruwa, kawasaṟia kawaichio wukiwa, kawaambuya, kipfa kya mkundano foke na Abrahamu na Isaka, na Yakobo, ma nalakunde iwarumatsa, ma nalawakumbe kuleshe na kyamu kyake.

2MBONYI TSA MAHERI 36:15

Kyasia, Mndumii-Ruwa, Ruwa o wasahuye wawo, nalewadumia waikimbi wewakanga mkonu na mkonu, kipfa nalewasaṟia wo na Hekalu lyake.

SHIIMBO SHA DAWIDI 106:45

Kakumbuo mkundano foke; kawasaṟia kui mfoeṟa fo osaṟio loke.

YESAYA 16:11

Kui kipfa kya ikyo mrima foko fui ililia Moabu cha wuda wo ndusu, na ndeu yako ikadosa mtara kipfa kya Kir-Heresi.

YESAYA 63:15

Ambuya wokia ruwehu, uwone wuka handu ha wuitoṟi wopfo na wumangi wose; iṟisa-ṟisa na pfinya yapfo sheku? Msiha fo mrima fopfo,

YEREMIA 18:8

Kokoya mkambo fulya njilefuhamba fukahaluka na ida mawicho hafo njechiilacha mahio hako njilechiwuta chando mbekusirie iwuta.

YEREMIA 3:12

Henda onguo madedo ha woambuya ora lo mtsudu nohambe, wuya, iyo Israeli modeko, Mndumii ahamba, njechikuambuyase na nyashi-pfo, njiwode isaṟia, Mndumii ahamba, njechiwada nyashi mlungana-pfo.

YEREMIA 31:20

Efraimu nyi manoko mkunde; o nyi manoko mkunde mnu. Nkyo kitewe orio mandi ngamwowesha, ngaweengeṟa imkumbuo. Mrima foko fumwindukie ko mecha; na lohi njechimsaṟia. Nyi inyi Mndumii-Ruwa ngahamba.

YEREMIA 42:10

Kokoya mochikaa kiidi kya oruka lu, kyasia njechimuwika, ma njechimuwunduopfo, njechimuwaya ma njechimukuṟuopfo; kipfa njechiilacha mahiyo kya mawicho halya njilemuwutia.

YEREMIA 9:6

Wakawumbia mbaka huya mbaka, na wongo huya wongo. Walakunde injimanya inyi. ‘Nyi inyi Mndumii-Ruwa ngahamba.’”

YEREMIA 9:7

Kyasia Mndumii menyi matorito nahamba, “Njechisalaṟa wandu wa iwahesha! Kipfa njilamewuta njidi njechiwika kuda na wandu wa wawode wuwicho?

SHILIO 1:20

“Keambuya wo hoi Mndumii-Ruwa chando njii mrohie. Mumuyo foko nyi fofana, mrima foko fukasokio nyi fowa. Kyamba nyi njilelekana na iyo ili iwicho. Kyamba ipfo nja nyi kuichuo wuwahi, na kunu mba nyi opfu tupu.

SHILIO 3:32

Kokoya aluendie fowa, ikunda lyake na woloru woke shechisia kodupfo.

SHILIO 3:33

Mndumii-Ruwa ekechihiyo iluendie fowa na wukiwapfo.

EZEKIELI 33:11

Kipfa kya ikyo nyi ochiwawia kudi, so Mndumii-Ruwa ai na moo njekeseka ili mandi mndu apfa kipfa kya wunyamaṟi wokepfo, kyaindi kindo kinjichihiṟie nyi mndu cho ai mnyamaṟi nalekane na wunyamaṟi na mkao foke mmbicho kundu naidime ikaa na moo. Dumbuyenyi, wukanenyi na mawuto hanu mawicho nyo Waisraeli. Nki ili mukundi ipfa?

EZEKIELI 6:9

Iwo waangu wechikia kiidi kyanu kyaindi wakadao wusingenyi nyi wechinjikumbuo kiidi kya wandu wo wahenu, chandu njilewakapa kipfa kya wulemeri wo mrima yawo ilenjida inyi ikahenda iindia maruwa hengi. Wawesukiose kya wuwicho wowo wose walewuta.

HOSEA 6:4

“Kyaindi Mndumii-Ruwa nyi ahamba adi, ‘Njikuwutie ki iyo Efraimu? Njikuwutie ki iyo Yuda? Ikunda lyanu koko nyi likeri cha mtiima fo ngamenyi, likawefanana na ṟauṟa ya ngamenyi yekehaduka owinyi.

HOSEA 7:1

Ambuya kiheri njikundi ichiṟa wandu wako Israeli, wuwicho wo Efraimu nyi wokekuloṟa, handu hamu na mawuto mawicho ha Samaria. Kyamba wo nyi wawuta sha wongo, miwi nyi aifunja mba tsa wandu, na wasoki nyi wasaṟikia, wandu ipfo paṟepaṟenyi.

AMOSI 4:11

Maata wanu ngawaarisya wanda, cha kiheri kilya Ruwa alekombetsa Sodoma na Gomora, nyo mukawa cha menya ilewuto modonyi, mulakunde ihaluka munjiwuuye, Mndumii ahamba.

AMOSI 7:3

Mndumii kailacha mahiyo ha kindo kilya awerie iwuta kahamba njechiwutasepfo nyi Mndumii ahamba.

AMOSI 7:6

Mndumii kaweda-se na ilyi kahamba mbonyi tsi njechiwutasepfo, nyi Mndumii ahamba.

MIKA 5:3

Msongoru cho nechilisa wake kwi pfinya ya Mndumii-Ruwa, kwi kiṟumi kya Mndumii-Ruwa, Ruwa oke, wandu wake wekusaya olelenyi, kipfa nechikuwia mnene mṟasa mtsitsionyi fo oruka.

SEFANIA 2:9

Inyi Mndumii menyi matorito, Ruwa o Israeli, lohi Moabu yechiwa cha Sodoma wana wa Amoni cha Gomora, handu hawo hado nduo na marina ha monyo na ilya wukiwa maheri hose, wandu wako waletsuhaa wawawade na iwaduo wupfungo, wandu wa oshari waletsuhaa waoṟe oruka lowo na iwaitoṟia.

MATAYO 23:37

“Iyo Yerusalemu, iyo Yerusalemu, kui mowaha waikimbi na iwo wai wadume kopfo kowakumbya maho, na sa kafoi da mbekundi isanya shiwana shapfo na chando nguku yekesanya malea hayo ipfo shi ya makungo hayo nanyo ma malakunde.

NGUMBUO YA MAWAWASO 29:22

“Wufee wochiituma, luwa lyanu na wahenu wawuka orukenyi lo kuleshe wechiwona chandu Mndumii-Ruwa aleendie orukalu ndenga na matuuro:

NGUMBUO YA MAWAWASO 29:23

luichuo kiberiti na monyo, luhiiye lukowa lo wulya, kukuwae mbeupfo ma kwipfo kindo kechialukahopfo. Nyi lui cha kiheri kilya Mndumii-Ruwa alerumatsa Sodoma na Gomora, Adma na Seboimu, ko nyashi yake njiwawo.

NGUMBUO YA MAWAWASO 32:36

“Mndumii-Ruwa nechikapanyia wandu wake na iichio waṟundi wake makulili, ili echiwona pfinya tsawo tsawasiia, manya kuipfo mndu atsuhaapfo, mpfungo ang'u alai mpfungo.

2PETRO 2:6

Na mṟi ya Sodoma na Gomora Ruwa kaikombetsa kombi kaikoṟa na modo kiwe kichano kya shindo shechihoya wandu wechikaa wapiṟe Ruwa.

YUDA 1:7

Kumbuonyi chando Sodoma na Gomora, na mṟi iweṟasanyi nayo; iwefananyi na wasu walya kui uṟuhui na wulala na mbonyi tsilawaṟi mbihunyi na yala mbihu ya wahenu yo ii-mbike-ho kitaanyo kya wudeheli wuende modo fulechirumika, wuwe wuikimbi ko wandu wose.

OTAMBAHALUO LO YOHANE 11:8

Na mnying'a yawo yechideo pate-hu lya mṟi fulya fung'anyi fokesendo kui mfanano Sodoma ang'u Misiri, hondo na Mndumii owo alemkapyo msalabe-hu.

OTAMBAHALUO LO YOHANE 18:18

Na ifihiṟa wakafihiṟa ilindi wawewonyi mtsu fo modo fulya fuikombetsa mṟi wehamba, “Kulemmbonekye mṟi mnene cha ifu-pfo!”

WACHILI 10:16

Kiidima wakaṟukuta maruwa halya mahenu kuleshe, wakawuya isingia Mndumii-Ruwa menyi matorito. Mndumii-Ruwa nalaidime itirisia ngoseṟa iwona wukiwa wo wana wa Israeli wailiso.