HOSEA 11:6 - Bibilia Kui Mdedie fo Kimochi

⁶ Oshu nyi luhenda isokia mṟinyi yawo, luwehenda ifunja funja mongo yawo, luwewarumatsa ipfo njomombonyi tsawo.

HOSEA 11:6 ပူးပေါင်းရင်းမြစ်များ

SHIIMBO SHA DAWIDI 106:39

Nyi wudo walefanyitso kui maṟunda hawo, wakawuta wuṟuhui kui mawuto hawo.

SHIIMBO SHA DAWIDI 106:43

Kafoi nalewachiṟa, indi wawempiṟa kui kyama kyawo, wakakunyiiṟa ipfo wuwichonyi wowo.

YESAYA 18:5

Kipfa shilimu shilamewono, shiwaṟo shikaomboka, na shiwaṟo shikawa sabibu tsiwoka iwiṟa, nhondo ekemanya maṟamba na mndo, na iaṟawuo shiṟamba shilai necha.

YESAYA 27:10

Kipfa mṟi fuwode omombo fukeri fuenyi, handu kuledeo mrapu cha nuka, mpfo kundu echilisa mahache, na mpfo kundu echilaa, na ilya maṟamba hake.

YESAYA 30:1

“Ochia lo wana wanyamaṟi; Mndumii ahamba; wakundi madedo ha chile indi chi koko inyipfo; wakushikia indi chi kui mumuyo fokopfo; kundu waengeṟe wunyamaṟi huye ya wunyamaṟi;

YESAYA 9:14

Kui kipfa kya ikyo Mndumii nechidumbuo kiidi kya Israeli mdo na mṟehese, idawa na natsi, kiidi kya mkonu fumu.

YEREMIA 5:17

Wo nyi wechilya shilimu shapfo, na mkate fopfo, wechimarisa wana wanu wa kisoṟo na wa kika; wechilya mapo hapfo ha machondi na ha mbe, wechilya msabibu yapfo na mashidi hawode ndunda tseloda; wechinyamaṟa mṟi yapfo injiiṟihiye omombo, iya uwekusirie ee da, wechiinyamaṟa na oshu.

YEREMIA 50:35

“Opfu ko Wakalidayo, ko wandu wa Babeli na wandu walaanyi wa koke!

SHILIO 2:9

Mongo yatso ikaoloka wanda, makofuli hayo kawehanyamaṟa na ihafunjafunja. Mangi na wanene wawo nyi wakeri wusingenyi kiidi kya mkambo ya wandu. Wusongoru wo wuwawaso wulesia piu, Waikimbi wawo wakedambuyose mbonyi, tsiwuka ko Mndumii-Ruwapfo.

EZEKIELI 20:47

Ongoya wandu wo wa Negebu ochiwawia, nyi wudi Mndumii-Ruwa ahamba, nakeri iatsa modo fuhende ikoṟa mashidi hose mawishi na halya maumu kiidi kyapfo, modo fo nyi fochiwokia ora lo nuka mṟasa ora lo huye manya kuwode mndu echiidima ifurumishapfo, na orio mndu nechiicho ngumia yafo.

HOSEA 10:14

Ambuya, mrundumo fo shida nyi fochichea wandu wapfo, njomombo tso tsechirumatso, kiwekuwia chandu Shalmani alenyamaṟa Beth-arbeli shidenyi, kapoṟipotsa waka handu hamu na wana wawo.

HOSEA 10:6

Samuyo nyi yechidao Ashuru, ikeri itao cha okamba ko mangi ang'anyi; Wandu wa Efraimu nyi wahenda iwado nyi sonu, Waisraeli nyi wahenda iwado nyi sonu kipfa kya sanamu yo yawo.

HOSEA 13:16

Kikiwaṟi Samaria Wakoṟo yo kipfa kya injileha, Wandu wake wechipfia shidenyi; Wakoku wawo wechipfa; Waka wakapikie wechiranduyo ndeu tsawa.”

HOSEA 4:16

Waisraeli wai walang'a cha nzoi. Nkili Mndumii-Ruwa echiwalisa, cha machondi patenyi ling'anyi lya maṟa?

HOSEA 4:17

Wandu wa Efraimu wamekupfunga na sanamu. Koikyo! Waleke waengeṟe ichumia chandu wakunda!

WALEWI 26:25

Njechimwendie oshu lochitaa kiṟache kipfa kya mkundano mulefufunja. Mochidichia mṟinyi yanu, kyaindi njechimudikia ndaṟe njiwicho njimuwike mawokonyi ha wakituwa wanu.

WALEWI 26:31

Mṟi yanu njechiirumatsa, handu hanu haele njechihahaluo nuka ilawode mṟinga na njopfamo tsanu njicha tsa mwano yanu njechitsiidikia mantapfo.

WALEWI 26:33

Njechimupaṟatsana nyo kiidi kya wandu wa mbaṟi tsingi na isomuo oshu kipfa kyanu. Oruka lonu lochiwa mrapu na mṟi yanu yechiwa injisame.

AMOSI 6:8

Mndumii nyalelya nyamu yake, so Ruwa Menyi Matorito; Ngamina kiṟumi kya Yakobo, ngasuiṟo nyi mamba hake; kipfa kya ikyo, njechiwutaho mṟi fo hamu na wose waipfo.

MIKA 5:11

Njechirumatsa mawuto hanu ha wusawi, nanyo mochiwada-se walasha-pfo.

MALAKI 4:1

“Kipfa ambuyenyi, mkonu fulya fuicha fuiaka cha wuhyu. Wandu wose wawode orikiki na wewuta sha mkika wechiwa makanjo, na mkonu fulya fuicha fochimrumatsa,” Mndumii menyi Matoṟito ahamba, “Manya fochimudeeya itsuwa ma iṟamba-pfo.

NGUMBUO YA MAWAWASO 28:52

Wanduwo wechimutengetia ipfo mṟinyi yanu yose, tane njomombo tsa mfiṟiha yanu muikusirie yawunduyo wanda orio handu ipfo orukenyi muleinengo nyi Mndumii-Ruwa, Ruwa onu.

NGUMBUO YA MAWAWASO 32:25

Shida tsechiende njopfu tsifoi nja na mba na wuowu wochiwachilia warika wa kisoṟo na wa kika wechiwooho, na walya waionga na wameku wa mhasa, manya umu echitsuhaapfo.