HOSEA 11:2 - Bibilia Kui Mdedie fo Kimochi

² Kikawa chandu njileengeṟa iwalaha, na wudo nawo waleengeṟa injidicha; Wakaengeṟa iindia Baali na idutsia uvumba sanamu tsa maruwa hengi.

HOSEA 11:2 ပူးပေါင်းရင်းမြစ်များ

1WAMANGI 12:33

Kawuta mwano fomaya modonyi huya kitaṟa kilya alekiwika Betheli mkonu fo ikumi na katanu fo meri fo nyanya 8; meri alekusaṟa mrimenyi foke; kawawasa wana wa Israeli wawade mkonu fo mnene, kado kashika rasionyi napfamiṟe uvumba.

1WAMANGI 18:19

Kyasia, wulalu, dika wandu usanyie Waisraeli wose alya fumvuhu lya Karmeli, na waikimbi walya wa Baali mahana hana na makumi hatanu 450, na waikimbi walya wa Asheri mahana hana 400 walya wekedamia ilya na Yezebeli.’”

NEHEMIA 9:30

Ambuya ko maka ifoi, nyi ulewaikimba ko wuhoo, koweduma waikimbi wapfo wawaikimbe, kyaindi wandu wapfo walakunde iwaadanyia. Koikyo na iyo kowewada, wakawingo nyi wandu wa mkambo ingi.

YESAYA 65:7

mawicho hanu na mawicho ha wandeanu handu hamu nyi Mndumii ahamba, nyo mulepfamiṟa mafumvuhu na injiruma shitoṟomosonyi, kyasia kipfa kya isho njechimuheshia kuwoka iṟunda lyawo shipetenyi shawo.”

YEREMIA 18:15

Kipfa wandu wako walenjihadima, wakapfaamiṟia maruwa hawo uvumba; wakakukahaṟa na injihadima, wakahalukia mkao yawo ya kuwoka, kundu waide kihadi kundu kulaikusungusie.

YEREMIA 35:13

“Inyi Mndumii-Ruwa Menyi Matorito, Ruwa o Israeli, ngahamba njidi: Henda uwie wandu wa Yuda na wose wa ipfo Yerusalemu kuile: Ngesa nyo mochiidima iambia kiloshio kyako na madedo hako?

YEREMIA 44:5

Indi kuwode alenjiicho ma ideha kudu koke pfo. Nyo muleleha ida wuwicho wonu na ida ipfaamiṟa ubani maruwa hengi.

HOSEA 11:7

Ambuya wandu wako nyi walenjidicha, wakakukumba wusingenyi, manya kuwode mowaashuo pfo.

HOSEA 2:13

Njechimtaa kiṟache kya mkonu iya ya Baali aleiṟumisha, na maheri aledo ikoṟa ubani, na ikuchopa na rachi tsake na shishelo sha maho sha wuhuru wung'anyi, na ihendia wakunde wake, na injihadima inyi. Nyi inyi Mndumii-Ruwa ngadeda.

HOSEA 4:13

Wakeri iwuta shidaso shawo shitonyohu sha mafumvu; ee da, wawuta shiano mafumvunyi, wanda ya Mialoni, Migude na Moya, kipfa maṟinje hayo nyi mecha. Koikyo wana wanu wa kika wechiwuta wumelukimeluki, na wamali wanu wechiwa waṟuhui.

HOSEA 4:17

Wandu wa Efraimu wamekupfunga na sanamu. Koikyo! Waleke waengeṟe ichumia chandu wakunda!

ZEKARIA 1:4

Mulawe cha Wandeanu, waikimbi wa kacha walewafihiṟia, wehamba, Mndumii menyi matorito nahamba adi, Wuyenyi wulalu, na ida njia tsanu njiwicho, na mawuto hanu mawicho; indi waleichopfo, manya injiadanyiapfo, Mndumii ahamba.

ZEKARIA 7:11

Kyaindi iwo waleleha iadanyia, wakakumba madedoho mhongo wakashinga madu hawo.

LUKA 13:34

Ee-Yerusalemu, Yerusalemu, okewaaha wadedi wa Ruwa kowekumbia na iwo wawadume kopfo maho, nyi kafoi kada njiwekundi isanyia wana wapfo handu hamu chando nguku yekesanyia malea hayo makungonyi nanyo mulakunde!

YOHANE 3:19

Na owingo lu lukeri luile: Nyi sa ilecha na kunu wuyana na wandu wakakunda meema kota sa. Kitewe kipfa nyi shindo watanye shiwei shiwicho.

MAWUTO HA WASU 7:51

Nyo nyi mui mudi na okuchu mulunganyi ilehya Mumuyo Mwele mulai wadine ngoo manya madu; chandu waku wanu wawewutye nanyo na wudo da.

WACHILI 10:6

Waisraeli wakawuta mawicho oshangunyi lo Mndumii-Ruwa wakasingia Mabaali, Maashtarothi na maruwa ha Shamu, ha Sidoni, ha Moabu, ha Amoni na ha Wafilisti. Wakada Mndumii-Ruwa ma walamwindie se.

WACHILI 2:13

Waleda Mndumii-Ruwa wakaṟundia Mabaali na Maashtarothi.

WACHILI 3:7

Waisraeli wakawuta wunyamaṟi oshangunyi lo Mndumii-Ruwa; wakahadima Mndumii-Ruwa, Ruwa owo wakaindia Mabaali na Maashera.