HOSEA 11:11 - Bibilia Kui Mdedie fo Kimochi

¹¹ Wechicha wawuka Misri wechichumia cha shilehe, wechirunduka wawuka Ashuru cha mbeta, na inyi njechiwawihiṟa kanyi kowo, nyi inyi Mndumii-Ruwa ngahamba.

HOSEA 11:11 ပူးပေါင်းရင်းမြစ်များ

YESAYA 11:11

Na kechiwa mkonufo, Mndumii nechihoṟuo owoko loke lya kawi, kundu nakuwadie wandu wake waletsuhaa, kuwuka Ashuru, na kuwuka Misri, na kuwuka Patrosi, na kuwuka Kushi, na kuwuka Elamu, na kuwuka Shinari, na kuwuka Hamathi, na kuwuka hahadutsu kiidi kya ipalyipalyi.

YESAYA 60:8

Nyi waki iwa wairunduka cha ipuchi, cha mbeta tsihenda sungunyi tsawo?

YEREMIA 31:12

Wechicha wechiimba ko maṟu huya fumvu lya Sioni, wechiwona kiṟumi huya wucha woko, inyi Mndumii-Ruwa. Ko shilimu sha moo, mvinyo na mafuda njekemuinenga, ko machondi na mmbe da; ohendo lo moo yawo, yechiwa cha mdemi funose, manya fochipooka sepfo.

EZEKIELI 34:27

Mashidi ha mdemehu nyi hechiwika ndunda, na mademaho hawewuta ndunda tsifoi, nawo nyi wechikukaya na ofoṟo orukenyi lowo. Kiherikyo njechiwaashuo mshenyi ya wusinga na iwaashuo mawokonyi ha iwo walewahaluo masinga, nyilyondi wechihenda imanya ke Inyi nyi Mndumii-Ruwa.

EZEKIELI 34:28

Kyamba kuwodese mkambo ya wandu wechihenda iwatengetiapfo. Manya mando ha ngeṟenyi hechiidimase iwawaha na iwalyapfo. Kii kidi nyi wechihenda ikaa na ofoṟo kulawodese kindo kechiwaowesha.

EZEKIELI 37:21

Uhende uwawia Inyi Mndumii-Ruwa ngahamba njidi: Nyi njihenda iwuta Waisraeli wuka mkambonyi ya wandu wawerahanyikie, njiwehenda iwasanyiasanyia wuka njora tsose njiwawihiṟe orukenyi lowo.

EZEKIELI 37:25

Nawo nyi wechihenda ikaa orukenyi lo waku wawo ilu njiweinengie Yakobo. Kyamba wana wawo na wachuku wawo nyi wechihenda ikaapfo mlungana.

HOSEA 3:5

Kyaindi kiheri kechicha mandi wandu wa Israeli wechihaluka na ishiha Mndumii-Ruwa, Ruwa owo, na ishiha mangi owo, o luwa lya mangi Dawidi. Nyilyondi wechiowuo Mndumii-Ruwa, na imkunda, na iambilia mboṟa tsake kiheri kya ifurumia.

HOSEA 7:11

Efraimu nyi awa cha mbeta injitondo ilawode wuṟango, kunu ikeri Misri ang'u Ashuru iterewa.

OBADIA 1:17

Indi kiidi kya fumvu lya Sioni kochikaapfo sa wechikia, nalyo lyechiwa liele, na mba ya Yakobo wechiikolonyia wuikolonyi wowo.

ZEKARIA 10:10

Ngoseṟa njechiwawihiṟa wawuke Misiri, njechiwasanyia wawuke Ashuru, njiwaende na orukenyi lo Giliadi na Lebanonyi wechiichuo orio handu.

ZEKARIA 8:7

Mndumii nahamba adi, ambuya njechikiṟa wandu wako njiwokia ora lo ngamenyi mṟasa ora lo kiukanyi,

ZEKARIA 8:8

na inyi nyi njechiwaende, njiwadamiṟe Yerusalemu; wo wechiwa wandu wako na inyi njechiwa Ruwa owo kiidi kya wulohi na wusumhanyi.”