HOSEA 10:8 - Bibilia Kui Mdedie fo Kimochi

⁸ Handu wawekeindia shifumvunyi sha Aweni, wunyamaṟi wo Waisraeli nyi kochihenda inyamaṟo, ambuya msha na sangari, nyi shechioṟa marasionyi hawo, nawo nyi wechiwia mafumvu, “Lushikie” na shitoṟomotso, “Luolokienyi!”

HOSEA 10:8 ပူးပေါင်းရင်းမြစ်များ

MAWOOKIONYI 3:8

Nahong'u wakaicho ṟu lya Mndumii-Ruwa kechichumia kulya mhundenyi kiheri mnengeṟi fomeembeṟuka; Mnducho na mka oke wakaowa kulya kiidi kya mashidi ha kulya mndenyi, kundu Mndumii-Ruwa nalawawone.

1WAMANGI 13:2

Kyasia mndu cho kakapa kitohio kya rasio lilya, kui idedo lya Mndumii kahamba, “Iyo rasio, rasio, Mndumii nahamba, ‘Ambuya mana nechifeo kiidi kya mba ya Dawidi, rina lyake nyi Yosia, nao nechisingia wakohanyi wa handu ha huye, wekepfamiṟa uvumba handu hapfo na huye, na mafuo ha wandu hechikoṟo hasenekie piu.’”

1WAMANGI 13:34

Orio msa alekukundia kamshimbuo, nawe mkohanyi o handu ha huye. Kindoki kikawa wunyamaṟi ko mba ya Yeroboamu, mṟasa ikanyamaṟika na ifunjika oshangunyi lo wuyana.

1WAMANGI 14:16

Nao nechilekana na Israeli kipfa kya madeko ha Yeroboamu, aledetsa naho Israeli.

2WAMANGI 23:15

Na ngoseṟa, kanyamaṟa, ipfo Betheli handu heterewia handu mangi Yeroboamu awewikie mana o Nebati ulya aletewa wandu wa Israeli wawute wunyamaṟi; kanyamaṟa rasio tso kawepaṟapaṟa maho hatso shipeṟengu peṟengu, kashisa mṟasa shikawa kiluli, kiidima kakoṟa sanamu ya Ashera.

2MBONYI TSA MAHERI 31:1

Kyasia, mfuho fulya fukasia, na wandu wose wa Israeli, wakahenda mṟinyi yose ya Yuda, wakafunjafunja ngo tsose tsa maho, na idumbuodumbuo sanamu tsose tsa Ashera, ruwa o kika, na ngoseṟa wakanyamaṟa rasio na handu hose heindia maruwa hengi ha wongo. Nawudo walewewuta kundu kungi kose kiidi kya Yuda, Benyamini, Efraimu, na Manase, mṟasa kiheri walemarisa ishirumatsa shose. Nyilyondi walewuya na mṟinyi yawo, orio mndu na wuitoṟinyi woke.

YESAYA 2:19

Idenyi kiidi kya njopanga tsa ngaṟahamba, kiidi kya mṟeshe ya orukenyi, kipfa kya wuowu wo owuo Mndumii menyi Matorito na wuitoṟi woke, ili echikure nadedemishe mnu wuyana.

YESAYA 2:21

Nawo wechiida kiidi kya njopango ngaṟahambenyi, na kiidi kya mruma iya ilepaṟika ngaṟahambenyi, kipfa kya wuowu wo owuo Mndumii menyi Matorito na Wuitoṟi woke, ili echikure nadedemishe mnu wuyana.

YESAYA 32:13

Oruka lo wandu wako lochialutsa msha na mbeche; ee da, kiidi kya mba tsa sia, mṟi fui na ngululu;

YESAYA 34:13

Osha lochido kanyi kowo, mbawa na mbeche kiidi kya mfiriha yake; naho kochiwa kanyi ko mapaara na, kiwaṟo kya nyaha.

HOSEA 10:2

Mrima yawo iwenjiichuṟe ngeṟo, Wulalu nyi kikiwaṟi wawone ngapo ya wuwicho wowo, Mndumii-Ruwa nyi echiwunduo marasio ho hawo, na inyamaṟa shitaṟa sho shaho.

HOSEA 10:5

Wasamaria nyi waihenda idedema kipfa kya ihache lyo lya Betheli, wandu wake nyi wechisumukia kipfa kya ihachelyo, wakohanyi wekemwindia nyi wechimfihiṟia, kyamba kiṟumi kya ihache lyo kyawutoho, nyi kyasia.

HOSEA 10:9

Ambuyenyi nyo Waisraeli, nyo nyi mulewuta wunyamaṟi wokia kulya Gibea, mṟasa inu nyi muhenda inyamaṟa, Nyi kya lohi shida nyi yechimumarisia ipfo Gibea.

HOSEA 2:6

Kyasia, njechishinga njia yake na msha, njechimṟingichia omombo, nalawone njia yewuka nja.

HOSEA 4:13

Wakeri iwuta shidaso shawo shitonyohu sha mafumvu; ee da, wawuta shiano mafumvunyi, wanda ya Mialoni, Migude na Moya, kipfa maṟinje hayo nyi mecha. Koikyo wana wanu wa kika wechiwuta wumelukimeluki, na wamali wanu wechiwa waṟuhui.

HOSEA 4:15

Kya lohi nyo Waisraeli mui wamelukimeluki! Kyaindi mulatewe wandu wa Yuda wawade mti! Ma mulahende handu haele ipfo Gilgali, manya mulahende kulya Beth-aweni. Manya mulalye nyamu mochihamba, Chandu Mndumii-Ruwa ai na moo!

HOSEA 5:8

Kapenyi ombe ipfo Gibea na taṟumbeta ipfo Rama. Kapenyi king'oṟa ipfo Beth-aweni. Nyo wana wa Benyameni wakituwa wapfo nyi wakeri nduma yapfo.

HOSEA 8:5

Nyo Wasamaria ambuya nyi, njisuo sanamu yo yapfo ya ihache. Nyashi yako nyi ikeri iwaakia, nyi mochikaa mui wadeko mudo itane indii?

HOSEA 9:6

Kiheri kyo mochidicha ngapo tsa oruka lonu, Misri yechiwaambia koke kyaindi shipfu shanu shimuwedie kulya Memfisi. Sangari yechioṟa kiidi kya shisa shanu sha fesa; na msha nyi yechioṟa ipfo mahemenyi hanu.

AMOSI 1:5

Na inyi njechifunja ngiṟi ya Damasiko na iwarumatsia wenyi wa pichi lya Aven kuleshe, na icho awode ndichi ya wuitoṟi ipfo Bet-Adini; na wandu wa Shamu wedao wai wapfunge itane Kiri, nyi Mndumii ahamba.

AMOSI 3:14

Kipfa mkonu fulya njechiwuwuya manyamaṟo ha Israel njechiwuwuya rasionyi tsa Beteli, na ndumba tsa rasio tsemanyo manyo tsose na ioloka wanda.

AMOSI 7:9

na handu hakuirie ha ko Isaki hechiwa ngafu; na handu haele ha Israeli hechinyamaṟika; na inyi njechikure njilimbane na mba ya Yeroboamu kui oshu.

AMOSI 8:14

Na iwo wekelya nyamu kui wunyamaṟi wo Samaria, na ihamba So Ruwa opfo ai na moo iyo Dani na so njia yapfo iyo Beer-sheba, nawo wechioloka, walechiidima se ikure.”

MIKA 1:13

Lanye wandu wa Lakishi, lungenyi frasi na magari ha shida. Nyo mulesanga wunyamaṟi wo wandu wa Sioni, madeko ha Waisraeli hawei konu.

MIKA 1:5

Ishi shose shechihoya, kipfa kya madeko ha oshari lo Israeli. Ngesa, deko lya Yakobo lyawono hanga? Kiidi kya mṟi foke fung'anyi Samaria. Ngesa, deko lya Yuda lyawono hanga? Kiidi kya Yerusalemu kwenyi?

NAHUMU 3:11

Ngoseṟa nochinango, nochiowisho; nochishiha omombo kipfa kya wakituwa.

LUKA 23:30

Nlyondo wechiwooka iwia mafumwu, keluhoyenyi, na shitoṟomoso, kelushikienyi.

NGUMBUO YA MAWAWASO 9:21

Kindo kilya kiwicho, ihache lilya mulekusungusia, njileliira, ngalirumatsia modonyi, ngalipochapocha na ilisa likawa cha kiluli kya kimamile; kiidima ngaokumba kilulyikyo kiidi kya kimeda kiwesokie kulya fumvuhu.

OTAMBAHALUO LO YOHANE 6:16

Wakawefuhya mafumwu na njopanga, “Ke-luolokenyi muluṟikishye oshangu lo ichu adamye loṟike-hu lu lo wuitoṟi mulowishie matuuke ha kidahina ki.

OTAMBAHALUO LO YOHANE 9:6

Mfiriyo wandu wechipfulapfula opfu walelukoya. Wechilanga mnu ihenda ipfa na opfu lochiwadicha.