HOSEA 10:6 - Bibilia Kui Mdedie fo Kimochi

⁶ Samuyo nyi yechidao Ashuru, ikeri itao cha okamba ko mangi ang'anyi; Wandu wa Efraimu nyi wahenda iwado nyi sonu, Waisraeli nyi wahenda iwado nyi sonu kipfa kya sanamu yo yawo.

HOSEA 10:6 ပူးပေါင်းရင်းမြစ်များ

2WAMANGI 17:3

Mangi Shalmanesa o Ashuru nalekapana nao na Hoshea kawa mṟundi oke kawa momtaa okamba.

YOBU 18:7

Ndifo tsake tsa pfinya tsechipeṟehetso, na mbonyi yake amonyi yechimuolotsa wanda.

YESAYA 1:29

Kipfa wechidedema kya shindo wawekusirie sha maai, nanyo mochisonu kipfa kya shaahu mulesambuṟa mushiindie.

YESAYA 30:3

Kyasia, pfinya tsa Farao tsechiwa sonu yanu, na ikusiria ria lya Misri lyechiwa iangalala lyanu.

YESAYA 45:16

Wechisonu, ee wechieṟewe, wose piu; walya wesungusia sanamu wechiwado nyi wuowu wung'anyi mnu.

YEREMIA 48:13

Wamoabu wechiwadia ruwa owo Kemoshi sonu chandu wandu wa Israeli walewadia sonu Betheli, ruwa ulya wawemkusirie.

YEREMIA 7:24

Indi wo waleichowo ma walemanya kundu kowopfo, indi wakawechumia weindia mtambo ya wumbafu wo mahio hawo mawicho walenjikumba mhongo chi oshangunyipfo.

EZEKIELI 16:28

“Ambuya chandu ulekeshiko, nulekapa wuṟuhui na Waashuru kyaindi kula shiko.

EZEKIELI 36:31

na ilimandi mochikumbuo mchumie yanu mmbicho na mawuto hanu mawicho, nyi mochihenda ikusuo nyo muwenyi kipfa kya mawicho ho hanu muwewutie.

DANIELI 11:8

maruwa hawo ha wongo, na sanamu tsawo, na shombo shawo shicha sha fesa na sahabu nechishiduo mṟasa Misri; numa natirime maaka njiliwe alehendia mangi ya mtsudu.

HOSEA 4:19

Kyasia, wechidao nyi kiwiṟi, na wechiwona sonu kipfa kya wunyamaṟi wowo.

HOSEA 4:7

Chandu wakohanyi waleongeṟeka, na wudo wose waleengeṟa injitwaṟa. Koikyo, njechihaluo kiṟumi kyawo kiwe sonu.

HOSEA 5:13

Kiheri wandu wa Efraimu, walemanya ndaṟe yawo, na Wayuda wakawemanya itiinga lyawo, wana wa Efraimu nyi, walehenda ko mangi, o Ashuru kundu nawaikanyie, kyaindi echiidima imukanyia, manya ichiṟa itinga lyanupfo.

HOSEA 8:6

Nyo Waisraeli nyi nawudo wudo! Sanamu yo yanu nyi mwaria aleisungusia, ikeri Ruwa manya le pfo, ee, sanamuyo ya ihache, ya Samaria nyi ikeri ihenda ifunjo funjo!

MIKA 6:16

Nyi muosha ofano luwicho lo mangi Omri, na ofano luwicho lo kishari kya mangi Ahabu, na ofano luwicho lo kishari kya mana o Ahabu, mukaweosha makusaṟo hawo. Ko ikyo njimuendie orumatso, orio mndu nechimumina. Wandu wechiwapiṟa orio handu.”