HOSEA 10:13 - Bibilia Kui Mdedie fo Kimochi

¹³ Ambuya nyo mulewaya wuwicho, mochisambuo shindo sha mkika, nyi mochilya ndunda tsa wongo tsanu, kyamba iyo Israeli nyi ulekusiria pfinya tsapfo kumonyi, kowekusiria wasikari wapfo wafoi.

HOSEA 10:13 ပူးပေါင်းရင်းမြစ်များ

YOBU 4:8

Inyi kindo njiichi, wewaaya wuwicho, wechesambuo iwonyio.

SHIIMBO SHA DAWIDI 33:16

Kuwode mangi ekekia kipfa kya mfoeṟa fo wuidimi woke pfo, Manya mbahanyi ekyekia kipfa kya mfoeṟa fo pfinya pfo.

SHIIMBO SHA DAWIDI 52:7

Ate! Ichu nyi mndu ulya, alekeidikia ke Ruwa nyi pfinya tsake. Alekusiria mfoeṟa fo masaa hake, na ikuhaluo mkari kya mawicho hake.

SHIIMBO SHA DAWIDI 62:10

Mulakusirie mbaka, manya mulakushelie isoka wandu; masaa hakapfumbuka mulahaambuye mnu, na iwika mrimenyi.

MFANANO 1:31

Wechilya ndunda tsa ohendo lowo, Wechiihuda chila tsawo wawenyi.

MFANANO 12:19

Dumbu lya lohi lyechiwanga maheri hose, Indi olimi lo wongo lo kioweṟe.

MFANANO 13:2

Mndu nechilya mecha kui ndunda tsa dumbu lyake; Indi moo fo mndu mbicho fochilya ikuiwita.

MFANANO 19:5

Mṟingishi o wongo nechikapo; Ma mohamba wongo echikiapfo.

MFANANO 22:8

Mowaaya mawicho nechisambuo opfu, Na ndichi yake yehoṟwo yechitsitsa.

KOHELETI 9:11

Ngawuya ngaambuya kunu wuyana, ngawona chi wose wekewikia mteeṟa wakawa wawinzi pfo, ma chi waapfinya wekewinga shidenyi pfo, ma chi waṟango wekewona kando pfo, ma chi wandu waichi wekewona masaa pfo, ma wandu waaria wakundikepfo; indi kiheri kya osu kekeshikia wose.

YESAYA 17:11

Wokia mkonu fulya kulewaya, kulewewika mṟishe, na kiheri kya ngamenyi koalutsa mbeu tsapfo, kyaindi shilimu shechideka mkonu fo wukiwa, na isokionyi fowa yewaha.

HOSEA 11:12

Efraimu nanjiṟingichia ko madedo ha wongo, na mba ya Israeli ko wulembi; ma wulalu Yuda nakeri iangalala ko Ruwa, nao nyi akeri mwele, nao nyi mhendeli.

HOSEA 4:2

Ilya nyamu, wongo, uwahi, wuiwi na wuṟuhui wuichuopfo. Wunyamaṟi wuongeṟa ifo, na samu ipusuyo orio mkonu.

HOSEA 4:8

Kipfa wakuihutsa ko shiano sha wunyamaṟi wo wandu wako. Wawodo mnu nyi macha hewawona wewuta wunyamaṟi.

HOSEA 7:3

Ambuya nyi wachihiṟa mangi ko mawicho hawo, na wanene wengi ko wongo tsawo,

HOSEA 8:7

“Ambuya nyi wakeri iwaya otanu, nawo waihenda isambuo kiwiriwiri. Ambuya shilimu shawo shikeri mdemenyi, shechioṟa shilimu pfo. Manya kokoya shechikumbia shilimu sho nyi shechilio nyi wahenu.

1SAMWELI 24:14

Wulalu iyo mangi ya Waisraeli ambuya mndu okundi imbaha! Ngesa, nokeri iṟinjawia u? Nuiṟinjawia kite kipfiie? Nuiṟinjawia sawa ang'u fusa?.