HAGAI 2:4 - Bibilia Kui Mdedie fo Kimochi

⁴ Indi wulalu kuwanze tse ukarie, Iyo Zerubabeli, Mndumii akuwia, na iyo Yosua wa mkahari mana o Yehosadaki, mkohanyi ang'anyi nanyo wandu wose wa oruka lu, Mndumii ahamba, muhende iṟunda kipfa inyi njii nanyo Mndumii menyi matorito ahamba;

HAGAI 2:4 ပူးပေါင်းရင်းမြစ်များ

2SAMWELI 5:10

Kyasia, wunene wo Dawidi wukaengeṟeka ing'ana kipfa ili Mndumii awekeri nao.

1MBONYI TSA MAHERI 22:13

Kokoya ochiidima iindia mawawaso na mapfundo halya Mndumii-Ruwa aleinenga Mose hechilia Israeli, nochihuyo. Kuwanze mnu na ikaria, manya kulapfiio nyi mdo, ma iowuo kindo kyose.

1MBONYI TSA MAHERI 28:20

Kyasia, Dawidi kawia mana oke o Solomoni, “Kutumuhaṟe, nowade mrima mtumuhari, nuṟunde kudo; makulaowuo ma ikangaṟika, cha kipfa Mndumii-Ruwa, Ruwa oko, nakeri hamu na iyo. Echikuda kumonyi pfo, nechiwa na iyo mṟasa iṟunda lyose lyesungusia hekalu lya Mndumii-Ruwa lisie.

EZRA 10:18

Wasoṟo wawealikie waka wahenu ko ora lo wakohanyi nyi Maaseya, Eliezeri, Jaribu, na Gedalia, wai wana wa Yeshua mana o Yehosadaki na mana o mae.

EZRA 5:2

Zerubabeli mana o Shaeltieli hamu na Yeshua mana o Jehozadaki wekiicho ṟu lyo wakawokase iwika hekalu lilya alya Yerusalemu na wechiikanyio nyi waikimbi walya.

IWUKA 3:12

Na Mndumii-Ruwa, kahamba, “Nkya lohi njechikaa hamu na iyo na kichano ke nyi inyi ngakuduma nkyo iki; komemarisa iwuta wanduwo ipfo Misri, mochiindia Ruwa kunu fumvunyi.”

HAGAI 1:13

Nahong'u Hagai mdume o Ruwa kiidi kya Mndumii kawia wandu, “Inyi njii nanyo,” Mndumii ahamba.

ZEKARIA 4:6

Kanjihaluo kechihamba, Ilyi nlyo idedo lya Mndumii ko Zerubabeli, lyechihamba chi kui wuidimi ma chi kui pfinya pfo, indi nyi kui Mumuyo foko, nyi wudo Mndumii menyi matorito ahamba.

ZEKARIA 8:9

Mndumii menyi Matorito nahamba adi, “Mawoko hanu hakarie, nyo mukeri iadanyia madedo ha waikimbi maheri-ha, walya waweipfo kiheri walesuma otende lo mba ii ya Mndumii menyi Matorito, hekalu lyi kundu lyiwiko.

MARIKO 16:20

Na walya wa kiloshionyi wakahenda wakaongoya-pfo kose, Mndumii kechiwatarama na idedo lilya wahamba kaliwanza na shiṟingishyo shilya awainengye shewaimya.]

MAWUTO HA WASU 7:9

“Waku walya wadu wakanyenyia Yosefu wakamkumba wuhuru nadao Misiri. Ruwa kamkayapfo,

1 WAKORINTO 16:13

Laenyi choowe, hoṟokenyi na wuhoṟotsu wo mwidikye, muwe womi muwewa ngohoda.

WAEFESO 6:10

Kya shingi shose mukuwanzye Mndumii-hu na wunene-hu wo pfinya tsake.

NGUMBUO YA MAWAWASO 31:23

Numa Mndumii-Ruwa kawawasa Yosua mana o Nuni, kambia, “Kutumuhaṟe nowe ngohoda kyamba nochisongoya Waisraeli kulya orukenyi njilelya nyamu njechiwainenga, na inyi njechikaa hamu na iyo.”

2TIMOTEO 2:1

Na wudo iyo, manoko, ukuwangie wutongenyi iwu wui Kristo-hu Yesu.

2TIMOTEO 4:17

Indi Mndumii alenjikaya-ho kanjikapya owanzo. Iki kileenenga ngaidima ionguo mwongoye fuhende imariso necha wamkambo wakafuicho wose, na inyi ngaashuka ianduyo lya opfu.

YOSHUA 1:6

Nyi kikuwaṟi uwe ngohoda na mndu mwidimi, kyamba nyi uhenda iwa msongoru o wandu wa wahende iwada orukalu njilewateṟia waku wawo ke njechiwainenga.

YOSHUA 1:9

Ambuya, nyi inyi Mndumii-Ruwa opfo njikeri ikuwawasa uwade ngoo njikari uwewa ngohoda, manya ulaowuo ma ipfiiyo nyi mdo kyamba njikeri handu hamu na iyo handu hose ochiida.”

WACHILI 2:18

Orio kiheri Mndumii-Ruwa amewadikia mchili, Mndumii-Ruwa nawekekaa na msongurucho; kawaashuo mawokonyi ha wakituwa wawo kiheri kyose kya moo fo msongorucho. Mndumii-Ruwa nalewaichio wukiwa mandi aleicho kieṟeṟo kyawo kya matuuro na mbaka walewutio.

1SAMWELI 16:18

Manake umu kiidi kya waṟundi kahamba, “Njilewona manake umu o Yese, o mṟinyi fo Bethlehemu. Manakecho nai mwaria moimba na uda. Manakecho namkari na ngohoda o shidenyi, nawode osaaṟe kiidi kya ideda na oloho. Nawode mbihu mcha; Mndumii-Ruwa nakeri nao.”