HAGAI 2:22 - Bibilia Kui Mdedie fo Kimochi

²² Njechipfuluo loṟika lo mangi na inyamaṟa pfinya tsa wamangi wa mkambo ya wandu; njechipfuluo makari, na iwo wadamye pfo, iwo wadamye huya frasi wechioloka wanda, orio mndu kwi oshu lo manomae.

HAGAI 2:22 ပူးပေါင်းရင်းမြစ်များ

2MBONYI TSA MAHERI 15:6

Kuwewode ngaluko tsifoi, isanga limu likakapana na isanga lingi, na mṟi fumu fukakapana na mṟi fungi, kipfa Mndumii-Ruwa nalewahoṟuo koiwaendie mpaṟakano ya mbaṟi tsifoi.

2MBONYI TSA MAHERI 20:22

Na kiheri walewoka iimba na iichika, Mndumii-Ruwa, kaweṟuwetsa oṟongo lo walemali wa Amoni, Moabu na wandu wa Fumvu lya Seiri sa walecha ikapana na Yuda. Na walemali wo wawo wakawinzo.

2MBONYI TSA MAHERI 20:23

Kyasia, wandu wa Amoni na wa Moabu, wakapufukia wandu wekekaa fumvuhu lya Seiri, na iwarumatsa kichikichi. Nduma ya irumatsa wandu wa fumvu lya Seiri, wakawoka ikapana wo wenyi ko wenyi, na irumatsana.

SHIIMBO SHA DAWIDI 46:9

Nalemarisa shida mṟasa mtsitsionyi fo oruka; Kafunja wuda, kamanya mapfumu, kakoṟa magari modo.

SHIIMBO SHA DAWIDI 76:6

Kui ipomia lyapfo, hoi Ruwa o Yakobo; makari na frasi shilewado nyi mado malemeri.

IWUKA 14:17

Na inyi, njechiumiṟa mrima ya Wamisri, nawo wechimuosha waide napfo, na inyi njechikuwonyia, kiṟumi ko Farao, na ko itorito lyake lyose ko makari hake na ko walya wake wekedoya frasi.

IWUKA 14:28

Mṟinga fulya fukawuya fukafihisuo makari na wedoya frasi, na ichekeṟo lyose lya Farao lyileida na ipalyipalyinyi numa yawo; kuletsuhaa mndu ma umupfo.

IWUKA 15:19

Kyamba frasi tsa Farao na makari hake na wedoya frasi wake waleida na ipalyipalyinyi, Mndumii-Ruwa, kawihiṟa mṟinga fo ipalyipalyi huyawo; kya indi wana wa Waisraeli walechumia handu hahadutsu kulya ipalyipalyinyi.

IWUKA 15:4

Makari ha Farao na ichekeṟo lyake nalewakumba ipalyipalyinyi, wachili wake wasambuṟe walesoṟowia ipalyipalyinyi lya Shamu.

YESAYA 19:2

Na inyi njechiamtsa Wamisri huye ya Wamisri; nawo wechikapana, orio mndu na manomae, na orio mndu na wamṟasa oke, mṟi, na mṟi, wumangi na wumangi.

YESAYA 60:12

Kipfa orio oshari na wumangi wo wandu, Walya walakunda ikuṟundia wechiarisika; Ee, wandu wa mkambo-yo wechinyamaṟo kichikichi.

YESAYA 9:19

Kipfa kya nyashi ya Mndumii menyi Matorito oruka lu luirumara piu; wandu wa nawo wai cha ngu tsewika modonyi; kuwode mndu mosaṟia manomaye pfo.

EZEKIELI 21:27

Inyamaṟika! Inyamaṟika! Ambuya kuwode ma kindo kimu kechikia kiidi kya mṟi fu pfo, kyaindi isho shilameawukia, nyi echicha ulya njikeri ihenda imnenga momu forumatsa mṟi fu, na nyi njechihenda imdambikia mṟi fu.”

EZEKIELI 26:16

Kii kidi wanene wose wa njoruka tsii wambaṟa ya ipalyipalyi wechisoka wanda wawuka shidihu shawo sha wunene, wawekuatuo maṟao hawo ha wuitoṟi na kanzu tsawo njichope; nawo nyi wechisokio nyi wuowu wung'anyi, wawekudamia wanda wechidedema, na iṟihiyo mnu kya ishi shose shilekuhoya.

EZEKIELI 38:21

Na inyi njechiamtsa shindo sheowesha Gogu. Nyi wudo Inyi Mndumii-Ruwa ngahamba. Mbahanyi tso tsa Gogu nyi tsechihenda ikapana wenyi ko wenyi ko njoshu.

EZEKIELI 39:20

Iya mesenyi yako nyi wahenda iihutso na frasi, na walya wekedoya frasi, na mbahani tsilya njilang'a tsa shida nyi Inyi Mndumii-Ruwa ngahamba.”

DANIELI 8:25

Na kui chila yake nechiṟunda kui mtambo na ikuichika amonyi ipfo mrimenyi foke nawerumatsa walya wakukerie na wuhoo; nao nechihoṟoka wahodane nao ichu ai mnene o wanene; kyaindi nechifunja kulawode mawoko heṟunda.

AMOSI 2:15

Ichu alemye wuda echihoṟokapfo; Manya ichu awode madende maangu ekiapfo; modoya frasi echikiṟa mrima fokepfo;

MIKA 5:10

Njechinyamaṟa mṟi ya oruka lonu na iwunduo omombo lo mfiṟiha yanu.

MIKA 5:15

Na kui nyashi yako ing'anyi njechitaa kiṟache ko mkambo iya yose ileleha injiindia.

MIKA 5:8

Waisraeli wechiwinza wakituwa wawo na iwarumatsa piu.

MIKA 5:9

Mndumii-Ruwa nahamba, “Kiheri kyo njechiwuta-pfo frasi tsanu, na inyamaṟa magari hanu ha frasi.

MIKA 7:16

Kundu wandu wa mkambo ili wechiwona, isho waichuo sonu ma kokoya wawode pfinya. Wawe mkahai wawuṟe kededa, wawe cha wapfu madu.

SEFANIA 3:8

Kyasia njiwedenyi Mndumii ahamba, mṟasa mkonu fulya njekure njiduo wandu wapfungo kipfa njikuteseheṟie isanya wandu wa mkambo, kundu njikoyanyishe mangi tsose, njiwaloshe kui nyashi yako yee, wulang'a wo nyashi yako, kipfa wuyana wose wochirumatso kui modo fo wunyenyi woko.

ZEKARIA 10:11

Nechiida kiidi kya ipalyipalyi lya wukiwa, nakape masinamu ha ipalyipalyi, maṟumbuchu ha meda fo Nili heuma; orikiki la Ashuru lochisotso; na ndichi ya wumangi wo Misri yechideka.

ZEKARIA 10:5

Wandu wa Yuda wechiwa cha wandu wa mbahanyi, wekechumachuma wakituwa wawo cha odoko lo njia; wo nyi wechikapana shida kipfa Mndumii nai nawo. Iwo wedo frasi wechilehela.

ZEKARIA 12:9

Nakyo kechiwa mkonu fo njechishiha irumatsa wandu wa mkambo wose wakunda icha ikapana na Israeli.

ZEKARIA 14:3

Numa Mndumii-Ruwa nechicha nakape shida wandu wo chando elewuta mkonu ya shida.

ZEKARIA 4:6

Kanjihaluo kechihamba, Ilyi nlyo idedo lya Mndumii ko Zerubabeli, lyechihamba chi kui wuidimi ma chi kui pfinya pfo, indi nyi kui Mumuyo foko, nyi wudo Mndumii menyi matorito ahamba.

ZEKARIA 9:10

Na igari lya shida njechiliwuta likae kuleshe na Efraimu, na frasi ikae kuleshe na Yerusalemu, welasa na mfi ya shida shirumatso nechiongoya wandu wa mkambo mbonyi tsa ofoṟo; na uikolonyi woke wochidung'ana kose wokia ipalyipalyi itane ipalyipalyi na wokia meda itane mtsitsionyi fo oruka.

MATAYO 24:7

Nyi kipfa oruka lu lochiamkya oruka lungi. Na wumangi wuweamkya wumangi wungi. Kuwewada-ho na njaa na shiding'ashi shiweida-pfo kui handu kui handu.

OTAMBAHALUO LO YOHANE 11:15

Na msu ulya mwele o mfungade kakapa ombe. Kukaamka maṟu hededa hang'anyi ipfo ruwehu hakahamba, Wumangi wo wuyana wu womba wo Mndumii odu na wo Kristo oke. Nao echiwa mowuikolonya maheri hose ha mlungana.

WACHILI 7:22

Wandu wa Gideoni kiheri walekapa maranda hawo mahana haṟaṟu (300), Mndumii-Ruwa katewa Wamidiani wawoke iwahana wenyi na wenyi ipfo kiṟaṟonyi, waletsuhaa walekusheṟuo wakadicha mṟasa Serera wohenda Beth-shita, itane mṟasenyi fo Abel-Mehola kufui na Tabathi.

1SAMWELI 14:16

Waringi wa Sauli ipfo Gibea orukenyi lo Benyameni walewona wandu wafoi wechidicha ipfo na kunu.