HAGAI 2:21 - Bibilia Kui Mdedie fo Kimochi

²¹ Deda na Zerubabeli mchili o Yuda uhambe, Njechisingi-tsa ruwehu na oruka;

HAGAI 2:21 ပူးပေါင်းရင်းမြစ်များ

1MBONYI TSA MAHERI 3:19

Pedaya nawewode wana wawi wa kisoṟo; Zerubabeli, na Shimei. Zerubabeli nawewode wana wawi wa kisoṟo; Meshulamu na Hanania; na Shelomithi mbe mshiki owo.

EZRA 2:2

Wasongoru wawo nyi Zerubabeli, Yeshua, Nehemia, Seraya, Reelaya, Mordekai, Bilshani, Mispari, Bigwai, Rehumu na Baana. Ili nyilyo itala lya Waisraeli sa walewuya iwuka wusamiṟonyi.

EZRA 5:2

Zerubabeli mana o Shaeltieli hamu na Yeshua mana o Jehozadaki wekiicho ṟu lyo wakawokase iwika hekalu lilya alya Yerusalemu na wechiikanyio nyi waikimbi walya.

SHIIMBO SHA DAWIDI 46:6

Wandu wa mkambo walesukio, wamangi wakasambahada; nyi alekoṟoṟoma, oruka lukasalaa.

EZEKIELI 21:27

Inyamaṟika! Inyamaṟika! Ambuya kuwode ma kindo kimu kechikia kiidi kya mṟi fu pfo, kyaindi isho shilameawukia, nyi echicha ulya njikeri ihenda imnenga momu forumatsa mṟi fu, na nyi njechihenda imdambikia mṟi fu.”

EZEKIELI 26:15

“Inyi Mndumii-Ruwa njikeri ikuwia kudi iyo Tiro: Wandu wo wakeri wambaṟa ya ipalyipalyi nyi wechidedema ili mandi wechiicho chandu ochioloka ling'anyi na kilio kya iwo wakeri ifihiṟa kipfa kya shifaṟe shawo hamu na wandu wo wakeri iwoho.

YOELI 3:16

Mndumii-Ruwa naiṟuṟuma ipfo Sioni; iṟu lyake liṟuṟuma liwuka kulya Yerusalemu; ruwehu na wuyana shidedema. Kyaindi Mndumii-Ruwa nyi kidichio kya wandu wake, na nyi mṟi mwiṟihiye na omombo lo ofoṟo ko Waisraeli.

HAGAI 1:1

Maka fo kawi fo Mangi Dario meri fo kaṟandaṟu, meri limu, idedo lya Mudumii lilechea Zerubabeli, mana o Shealitieli, mchili o Yuda, na Yosua mana o Yehosadaki, mkohanyi ang'anyi kui dumbu lya miikimbi Hagai kehamba,

HAGAI 1:14

Nalyo Mndumii kaira mrima fo Zerubabeli, mana o Shealitieli, mchili o Yuda, na mrima fo Yosua, mana o Yehosadaki, mkohanyi ang'anyi, na mrima fo iwo wawetsuhee; wakahenda, wakaṟundya mba ya Mndumii menyi matorito, Ruwa owo;