HAGAI 2:17 - Bibilia Kui Mdedie fo Kimochi

¹⁷ Njilemkapa na kwari na mu fung'anyi, na mtiima na mvuo ya maho, kiidi kya maṟunda hanu hose; indi mulenjihalukiapfo Mndumii ahamba.

HAGAI 2:17 ပူးပေါင်းရင်းမြစ်များ

MAWOOKIONYI 42:23

Ma walamanye ke Yosefu nawaichuo, kyamba kuwewode motambahaluo kiidi kyawo.

MAWOOKIONYI 42:27

Umu owo kapfunguo ikunyia lyake kundu nainenge nzoi yake kelya wai mmbenyi ya wahenu, kawona pesa tsake; ate, tsikeri o momunyi ya ikunyia lyake

MAWOOKIONYI 42:6

Nao Yosefu nawei mchili o oruka, nyio aweiwakumbia wandu wose wa orukenyi. Na wana wa mae wa Yosefu wakacha, wakaarama wanda na kyamu oshangunyi loke.

1WAMANGI 8:37

“Kokoya kuwode njaa orukenyi, ang'u ndaṟe ya makokoi, ang'u mbaṟi fung'anyi, ang'u ohonjo, ang'u wandu wapfo wakatengetio nyi wakituwa ora lose lo mṟi fose, kokoya kuwode ngapo yose ang'u ndaṟe yose,

2MBONYI TSA MAHERI 28:22

Kiheri mbonyi tsileengeṟa iwa njiumu mnu koke, mangi chu Ahazi, naleengeṟa wutahachi woke ko Mndumii-Ruwa.

2MBONYI TSA MAHERI 6:28

“Kokoya kuwode ngumia na kelya kikawuṟika orukenyi, na shilimu shikauma, ang'u ipuo, ang'u shikalio nyi nzihe ang'u mashinu; na wandu wakawado nyi njaa ing'anyi; na kokoya waturi wawo waṟingicha oruka na mṟi yawo, ang'u wandu wapfo wakawado nyi ndaṟe tsinjiwicho tsa mbaṟi tsifoi.

YOBU 36:13

“Walakundi Ruwa wakundi isuo, wekefihiṟia ndarama ilyi-awafiṟita-pfo.

SHIIMBO SHA DAWIDI 128:2

Wukiwa wo mawoko hapfo kya lohi nochikulia; nochiwa wungusu, na ikaapfo necha.

SHIIMBO SHA DAWIDI 78:46

Shilimu shawo kashiinengia ohonjo, na nzihe iṟunda lyawo.

YESAYA 28:2

Ambuya Mndumii nawode umu ai mkahari, menyi pfinya; cha masinanu ha mvuo ya maho, isinanu lyenyamaṟa na otanu lurie mṟinga fui mfu fung'anyi, nyi wudo echikumba wanda kui owoko.

YESAYA 37:27

Nkyo kitewe wenyi mṟi walawade pfinya wakawuko madima, na ieṟewe, wakawa cha machuwo ha patenyi, cha njana tsa maṟa, cha maṟa hai kai, cha mdemi fo ngano ilamewiṟa.

YESAYA 42:25

Kipfa kya isho kaletsa nyashi yake huyadu, na pfinya ya shida; ikaatsa modo fukamṟingichia njora tsose, ma nalamanye, fukamrumatsa, ma isho nalashiwike mrimenyi foke.

YESAYA 62:8

Mndumii nalya nyamu kui owoko loke lo kulyo, na owoko loke lo pfinya tsake, nyi lohi njechiinenga wakituwa wapfo mso fopfo fuwe kelya kyawopfo, na mhenu echinyo mvinyo yapfo-pfo iya uleiṟundia.

YESAYA 9:13

Indi wandu wo walehalukia ichu alewakapa-pfo, na ishiha Mndumii menyi Matoṟito.

YEREMIA 3:24

“Kyaindi kindo kya sonu kyalya irunda lya wandeadu wokia uwanake wodu, mapo hawo ha machondi na mmbe, wana wawo wa kisoṟo na wa kika.

YEREMIA 5:3

Meso hapfo iyo Mndumii hekeambuya wuhendeli nulewakapa, indi walesokio nyi fowa pfo; kowadedia wakaleha iwuya; wakawada orikiki kiwicho, wakahaluo shamu shawo iho lya iṟaṟa; walehiye iwuya.

AMOSI 4:6

Na inyi njilemuinenga wuili wo maheho kiidi kya mṟi yanu yose, na iwu? A mkate handu hose; ma kudo mulenjiwuuyapfo Mndumii ahamba.

HAGAI 1:11

Njechiende kuari na mbaṟi fung'anyi fucheye madema hose, na mafumvu, na mvinyo mhya, na mafuda, na orio kindo kii kunu shi, na huya wandu na shii na moo, na maṟunda hanu ha mawoko.”

HAGAI 1:6

Ambuyenyi mulewaaya mbeu tsifoi mukasambuo kitutu; mkowelya manya mulaihude; mukanyo mulawute wuangari; mkaṟaa nguwo indi kuwode moicho mrikepfo; na icho moambia wueri kawika mfukonyi futochikyetochikye.

HAGAI 1:9

Muwelangye shifoi, ate mkawona shyangu; lilya muleende na kanyi ngashiwiwita. Nkipfa kya iki? Mndumii menyi matorito ahamba. Nyi kipfa kya mba yako ii ikeri inyamaṟika, nanyo mukadichya orio mndu kanyi koke.

HAGAI 2:16

Maheri ho mndu aleshikia kiheo kya makumi hawi kuwewode ikumi tupu; na mndu kiheri aleshika hekamya mvinyo naambiṟe kiheo kya makumi hatanu, ate nyi makumi hawi tupu.

MALAKI 3:11

Na inyi kipfa kyanu njechidedia molya, manya echinyamaṟa mbeu tsa demenyipfo; ma msabibu fonu fochiolotsa ndunda kiheri kilameshika-pfo, Mndumii menyi Matoṟito ahamba.

NGUMBUO YA MAWAWASO 28:22

Mndumii-Ruwa nechimudikia ndaaṟe ya kipeeta, iseng'u, maode, mrike fung'anyi; mbaṟi, kiwiṟi kenyamaṟa shilimu; shindoshi shechimutuura tane moarisika.

OTAMBAHALUO LO YOHANE 2:21

Na inyi njilemnengya mwaanya fodumbuya wunyamari woke ma alakundi idumbuya kya wulala woke.