HAGAI 2:12 - Bibilia Kui Mdedie fo Kimochi

¹² Mndu kaduo nyama njele ikakuwasha nao nguwonyi yake, kakushia na mkate ang'u ikato, ang'u mvinyo ang'u mafuda, ang'u kando kose, ngesa kindo kyo kechiwa kyele? Wakohanyi wakahaluo ote!

HAGAI 2:12 ပူးပေါင်းရင်းမြစ်များ

IWUKA 29:37

Na iyo nochiwika kisanza kipfa kya rasio lyo mkonu mfungade, na ilyiheṟemtsa; nlyondi rasio lyechiwa liele mnu nakamu; orio kindo kechipaaya rasio kechiwa kiele.

KOHELETI 10:1

Manzi hapfiiye hekepfuṟa mafuda ha opfudano ko ulya mokumba; Na wudo kii ke wutondo kitutu nyi wulemeri kota wuṟango na wuindi.

EZEKIELI 44:19

Mandi ho waihenda njoshangunyi lo wandu ipfo mbelyamba, nyi wechiatuo nguwo tsawo tsilya waweṟee lilya waweiṟunda, wawetsisuṟuma shiṟihenyi shii shiele. Kii kidi, nyi kiwawaṟi waṟae nguo tsingi kundu wandu walawone wechikuwasha na nguwo tso tsawo tsa wuindi kipfa tsi njiele.

WALEWI 6:27

Orio kindo kechipaaya nyama ya kidasokyo kechiwa kiele; kingise ili samu yake yechipusukia nguwonyi yose, nochiisanja nguwoyo ilepusukio nyi samu, handu haele.

WALEWI 6:29

Orio msoṟo kiidi kya wakohanyi nechikuliaho, nyi kii kiele mnu nakamu.

WALEWI 7:6

Orio msoṟo kiidi kya wakohanyi nechikulia kya mwanofo, yechiliiyo kiidi kya handu haele; nyi kii kiele mnu nakamu.

MATAYO 23:19

Mui wandu wapfu meso. A iki kineneho nyi kiki? Ngesa nyi kilya kedasa ang'u nyi kitaṟa kedasya ikyo kiinengye kindo kedasa kikawa kyele?

NGUMBUO YA MAWAWASO 33:10

Wakelosha luwa lya Yakobo mawawaso hapfo; waloshe wandu wa Waisraeli chile tsapfo. Walewi wapfaamiṟe opfamo oshangunyi lopfo, shidaso shiawukie shekoṟa rasionyi lyapfo.