HAGAI 1:14 - Bibilia Kui Mdedie fo Kimochi

¹⁴ Nalyo Mndumii kaira mrima fo Zerubabeli, mana o Shealitieli, mchili o Yuda, na mrima fo Yosua, mana o Yehosadaki, mkohanyi ang'anyi, na mrima fo iwo wawetsuhee; wakahenda, wakaṟundya mba ya Mndumii menyi matorito, Ruwa owo;

HAGAI 1:14 ပူးပေါင်းရင်းမြစ်များ

1MBONYI TSA MAHERI 5:26

Kyasia, Ruwa o Israeli, kaamtsa mrima fo mangi ang'anyi Pulu, o Ashuru, sa awemanyikiese cha Tiglath-pileseri III, kamtewa kapufukia oruka lowo. Nao kaṟahanyitsa wandu wa oshari lo Reubeni, na Wagadi, na wandu wa Oralu lo ngamenyi lo Manase; kawaduo wusingenyi kulya Hala, na Habori, na Hara, na mbai ya Meda fo Gozani, nyi wakeripfo mṟasa inu.

2MBONYI TSA MAHERI 36:22

Kiheri kya maka fo kuwoka fo wuitoṟi wo Koreshi mangi o Persia, Mndumii-Ruwa katana kilya alededa kui dumbu lya mwikimbi Yeremia kiinutsio. Kaamtsa mrima fo Koreshi, mangi o Persia, kawuta iwawaso sa liliṟehie, lisomo ko iṟu ling'anyi kiidi kya wumangi woke lehamba:

EZRA 1:1

Maka fo kuwoka fo wumangi wo Koreshi awei mangi o Waajemi, Mndumii-Ruwa naleawutsia kilya awededie kui dumbu lya mwikimbi oke Yeremia. Nyi alewawasa Koreshi nakape ombe kiidi kya wumangi woke wose, na ombe lu luwehambie le (kui maṟeho).

EZRA 1:5

Wakakurepfo wanene wa shishari wa mbari ya Yuda na Benyamini, Wakohanyi na Walewi na walya wose sa Mndumii-Ruwa alewasumba mumuyo fo henda iwikase hekalu lilya lya Yerusalemu.

EZRA 5:2

Zerubabeli mana o Shaeltieli hamu na Yeshua mana o Jehozadaki wekiicho ṟu lyo wakawokase iwika hekalu lilya alya Yerusalemu na wechiikanyio nyi waikimbi walya.

EZRA 5:8

Lukaundi ikumanyisha mangi, ke lulehenda kulya orukenyi lo Yuda, kulya kuwode mba ya Ruwa ang'anyi. Lukaaida kulya mṟinyi lukokoya hekalu lilya lya Mndumii-Ruwa lilewikose ko wuhya. Lilewiko na maho hang'anyi na mriti ing'anyi injiwike ipfo omombohu loke. Iṟundalyi lilewuto ko wurahari wung'anyi mnu.

NEHEMIA 4:6

Kyasia lukaengeṟa iwika omombo lulya itane makidi hawi halo, kyamba wandu walya wawekeri iwika nyi wawewode mrima fo ṟunda.

SHIIMBO SHA DAWIDI 110:3

Wandu wapfo wekekuwuta kui mrima, mkonu ochihenda ikapa watuuri wapfo; wanake wapfo wechikuchea huye ya mafumvu hapfo maele; cha mlewi fuioloka ngamenyi kilawo.

HAGAI 1:1

Maka fo kawi fo Mangi Dario meri fo kaṟandaṟu, meri limu, idedo lya Mudumii lilechea Zerubabeli, mana o Shealitieli, mchili o Yuda, na Yosua mana o Yehosadaki, mkohanyi ang'anyi kui dumbu lya miikimbi Hagai kehamba,

HAGAI 1:12

Nahong'u Zerubabeli, mana o Shealitieli, na Yosua, mana o Yehosadaki, mkohanyi ang'anyi hamu na iwo wawetsuhee, wakaindiya ṟu lya Mndumi Ruwa owo na madedo ha muikimbi Hagai, chando Mndumii-Ruwa owo awemdumye, wandu wakaowuo oshangunyi lo Mndumii.

HAGAI 1:15

meri makumi hawi na kaana, meri fo kaṟandaṟu maka fo kawi fo mangi Dario.

HAGAI 2:2

“Wulalu deda na Zerubabeli, mana o Shealitieli, mchili o Yuda na Yosua, mana o Yehosadaki, mkohanyi ang'anyi, na wandu watsuhee uhambe,

HAGAI 2:21

Deda na Zerubabeli mchili o Yuda uhambe, Njechisingi-tsa ruwehu na oruka;

1 WAKORINTO 15:58

Nkyo kimwenenge, wanawawama mui wakunde, mukae mui wawanzi mulechisingida, muitike itana kyando kya Mndumii kui mwengeṟya mfiri yose ochimanya owino lonu lulai lo maai mukukerye Mndumii-hu.

2 WAKORINTO 8:16

Indi Ruwa nawikyo mwaano kipfa kya wuidimi wulya wulya alemwamtsya nyo ipfo ngoonyi ya Tito.

WAEBRANIA 13:21

Ruwa chu namsumbe pfinya ya orio kii kicha kyose muwe mowuta shilya akundi. Nao nyio ai-msanze nanyo echiwa mowuta kilya kichihianyi nao kikawa kui Yesu Kristo. Nyio nawe mowikyo mng'ano maheri hose halunganyi. Amenyi.