HABAKUKI 2:3 - Bibilia Kui Mdedie fo Kimochi

³ Ndodo ii nyi ya kiheri kiteseheṟe, ikambiṟa mtsitsionyi foyo manya yechihamba wongopfo; ma ikakeleo, iwede, kipfa na kikaki na iche ilechikeleo.

HABAKUKI 2:3 ပူးပေါင်းရင်းမြစ်များ

2WAMANGI 6:33

Kededa adi ulya aledumo kamchea, nao kahamba, “Ambuya mawicho ha hose hawukie ko Mndumii; nyi ki kitewe inyi njiwedie Mndumii se?”

SHIIMBO SHA DAWIDI 102:13

Iyo kumonyi nochihoṟoka, na isaṟia Sioni, Kipfa nkyo kiheri kyeisaṟia; ee da, kiheri kileteṟio kileafukia.

SHIIMBO SHA DAWIDI 27:14

Wedia Mndumii, nowe ngohoda Kupfunge tse, ee, uwedie Mndumii.

IWUKA 12:41

Kiwei masionyi ha makayo mahana haana na makumi haṟaṟu (430), nyi kiwei mkonu fulya fulya ke matorito ha Mndumii-Ruwa, halewuka orukenyi lo Misri.

YESAYA 30:18

Kui kipfa kya isho Mndumii nechiweda, kundu namusaṟie, na kui kipfa kya isho nechiṟumisho kundu namsaṟie, kipfa Mndumii nyi Ruwa o mwanduye; nanga wose wekemmbeda.

YESAYA 7:4

umbie-wai ambuya, notsie, kulaowuo ma kulapfe mrima, kipfa kya mchola ii iwi ya shimunyi shidosa mtsu; kipfa kya nyashi ya Resini na Shamu na mana o Remalia.

YESAYA 8:17

Na inyi njechiwedia Mndumii, moṟika kyaamu kyake ko wandu wa mba ya Yakobo na inyi njechimwambuya.

YEREMIA 27:7

Na masanga hose wamṟundie o na wana wake na kishari kyake kiheri kechicha o amonyi na masanga hose na mangi tsing'anyi wechihaluka masinga.

EZEKIELI 12:25

Kyamba inyi inyi Mndumii, na orio idedo njechilideda nyi lyechihenda iwutika kudo. Kochikaasepfo ikeleṟapfo iyo mba iwode wuminyi. Kyamba njechideda idedo nalyo liwehenda iwutika kudo nyi wudo Mndumii-Ruwa ahamba.”

EZEKIELI 30:9

Ambuya kiheri kyo nyi njihenda iduma wandu wako ko wandu wa Ethiopia , kyamba wo nyi wekekuichika nyi wawode ofoṟo, Kyaindi wechidedema ili mandi Misri yechioloka. Ee, Nyi kya lohi mkonufo fukeri icha.

DANIELI 10:14

Wulalu ngacha ikuwia mbonyi tsechikoya wandu wapfo maheri ha ifurumia; kipfa mawonesio ha nyi ha kiheri kileshe daa.”

DANIELI 11:27

Na kui mbonyi tsa wamangi wo wa wawi, mrima yawo wechikusaṟa itana mawicho, wechideda wongo ilyi wadamie shelyenyi; indi ikyo kechitarama pfo; kipfa ifurumia na lihoye kiheri kii kiteṟie.

DANIELI 11:35

Na kiidi kya walya walaanyi wechioloka, kundu wakuilishe, wailisho na isanjo na iila peṟu, mṟasa ifurumia; kipfa nyi kikiteṟie nakyo kyameshikepfo.

DANIELI 8:17

Kyasia kasembelia alyando mbehoṟoki; na inyi ngaowuo lilya alecha na afui ngaho wanda na kyamu, kyaindi o kanjiwia, “Manya iyo mndu o wandu mawonesio ha nyi ha kiheri kya ifurumia.”

DANIELI 8:19

Kanjiwia, “Ambuya, njikumanyishia mbonyi tsechikaa tsiwutike alya masiionyi ha maheri ho hai mateṟie; kipfa nyi wudo kechiwa kui nyashi ya Mndumii.

DANIELI 9:24

“Ambuya chandu ki kiteṟie, maka mfungade ka makumi mfungade (490) kya wandu wako, na kya mṟi foko mwele, kundu njechitirimisha wunyamaṟi na iwika ho mhoṟie njechiwutaho wukika wose na iende wukiilohi mlungana, na iwikaho ofano lo kiwonesio kya wuikimbi na ishimbuo na mafuda ichu ai mwele.

MIKA 7:7

Kyaindi inyi njikusiria Mndumii-Ruwa, njiwedia Ruwa ai monjikiṟa; Ruwa oko nechinjiadanyia.

SEFANIA 3:8

Kyasia njiwedenyi Mndumii ahamba, mṟasa mkonu fulya njekure njiduo wandu wapfungo kipfa njikuteseheṟie isanya wandu wa mkambo, kundu njikoyanyishe mangi tsose, njiwaloshe kui nyashi yako yee, wulang'a wo nyashi yako, kipfa wuyana wose wochirumatso kui modo fo wunyenyi woko.

MAITALA 23:19

Ruwa chi mndu owandu nahambe wongopfo, manya chi mndu o wandu nailache mahio hakepfo! Ngesa, nechiteṟia kindo alekiwuta, ang'u nahambe kindo nade alakiinutsia?

LUKA 2:25

Maheri halya kuwekeri mndu kulya Yerusalemu, rina lyake nyi Simeon, na mndu-chu nyi awei mndu mcha, asumuhanyi, aweowoye mnu Ruwa, kechiwedia ulya mowihiṟa Israeli moo, na Mumuyo Mwele nyiawekeri nao.

MAWUTO HA WASU 1:7

Nao kawawia, “Chi kyanu kimusumuhanyi imanya shiheri na hando isho Wande awoshye sha pfinya yake amonyipfo.

MAWUTO HA WASU 17:26

Nao nyio awikye ichu umu mopaṟa mkambo ya wandu yose wakahenda ilaa masangeny ha wanda ii hose, kekimaa iwateṟya maheri na mṟasa ya mkae yawo.

WAGALATIA 4:2

Akaa ai mbike shi ya mngari na mwiṟichi momwiṟichya masaa hake itane ashika ikoya kiheri kilya kilesongwo iteṟyo nyi wandie.

2PETRO 2:3

Ili wawodo nyi wuehi wechikapa nanyo mbucha kui sumu tsawo tsa wongo. Indi kui kiheri kileshe Moanduya owo nakuṟeheṟie, na Morumatsa owo nawonyi.

2PETRO 3:9

Mndumii akeleṟye yawutsa kyasapfo chando waipfo wandu wafoi wakusaṟie aikikeleṟa. Kya indi ai momleelya nyo kipfa alakundi kuedekye mndu manya umu indi washike idumbuya na ihaluka wose.