EZRA 9:9 - Bibilia Kui Mdedie fo Kimochi

⁹ Ma chandu luwei masinga, Ruwa odu alekunda iluda luengeṟe iwa masingapfo. Kyaindi naleluloṟa ikunda lyake kodu oshangunyi lo wamangi walya wa Persia iwa walelulekia lukacha iwika mba i ya Ruwa odu na iachikia kulyando iwewundukie. Lukaowewona oringo loke iya Yuda na Yerusalemu.”

EZRA 9:9 ပူးပေါင်းရင်းမြစ်များ

EZRA 2:68

Wandu wo walewuka wusamiṟonyi na ishika kulya Yerusalemu, wanene walya wawo wakalekia masaa hawo kui mrima kundu waidime ihoṟotsa mba iya ya Ruwa alya handu iweinjiwike kuwoka.

EZRA 7:6

Ezra naledo awuka Babiloni. Nawei mlosha (mṟehi) mcha o mawawaso ha Mose halya Mndumii-Ruwa aweinengie Waisraeli; na mangi ulya kainenga Ezra orio kindo alemterewa kipfa kuwoko ko Mndumii-Ruwa oke luwei nao.

EZRA 7:8

Waleshika kulya Yerusalemu mfiri fo kuwoka fo meri fo katanu fo maka fo mfungade fo wumangi wo Artashasta.

EZRA 9:10

“A wulalu, luhambeki Ruwa odu kya ishi shose, kyamba luletehia mawawaso hapfo.

NEHEMIA 2:17

Kyasiang'u ngawawia, “Ambuyenyi, nyo nyi muwonyi wufafa wodu, ke mṟi fu fo Yerusalemu nyi funyamaṟikie na mongo yafo nyi injikoṟe ko modo. Kipfa kya ikyo luwikese se ko wuhya mṟi fu fo Yerusalemu kundu fulaengeṟe uluendie sonu.”

NEHEMIA 9:17

Wakaleha iosha; walakikumbuo ṟiho uletsiwuta kiidi kyawo. Wakawada mrima njiumu, nalyo wakasambuṟa mṟundi mowawihiṟa wusingenyi kulya Misri. Kyaindi iyo nyi Mndumii-Ruwa okehoṟia, uwode isaṟia na ikunda, manya ulekewado nyi nyashi owinyi. Isaṟia lyapfo nyi ling'anyi; ulakunde iwawihitsa.

SHIIMBO SHA DAWIDI 109:12

Nalawone mndu mombonyia wuoloru, manya mndu mosaṟia ngoeda tsake.

SHIIMBO SHA DAWIDI 138:7

Ma ngawechumia kiidi kya wukiwa nochinjiamtsa, nochihoṟuo owoko huye ya nyashi ya wakituwa wako, na owoko lopfo lo kulyo lochinjikiṟa.

YESAYA 14:3

Kake kechiwa mkonu fulya, Mndumii echikuinenga sia na ikuwihiṟia moo numa ya iyo ilya wukiwa na iwona mawina hafoi chandu uletano isinga;

YESAYA 5:2

Kasuma mfongo kaṟingichia riti, Katola pfo maho kulya demenyi, Kawaaya pfo mbeu njicha tsa msabibu, Kawika mnaṟa fo ringa kiidi kya mdemi, Kasuma na kiwaha kekamia, Kakusira ke msabibu fulya fuwechiṟaa. Ate fukawika ndunda tsa nduo.

YESAYA 5:5

Kyakusia, wulalu njimuwia, chando njechitana mdemi fo msabibu; njechisanja kilya keshikia nafo fochilio; njiwewunduo na omombo lokyo, nalo lochichumochumo;

YESAYA 61:4

Nawo wechiwika mba handu ha kuwoka handu hanyamaṟe, wechiira handu haweolokie na ihadimo ili mboko, wechisungusia mṟi iya iwewundukie, handu kuwei kude kishari numa ya kishari.

EZEKIELI 11:16

Koikyo wia wandu wo wakeri wusingenyi ke nyi inyi njilewasamiṟia ipfo kuleshe kiidi kya mkambo ya wandu wahenu, manya kudo njikeri kiidi kyawo ipfo wuhenunyi.

DANIELI 9:25

Kyasia wulalu umanye, wokia wuwawaso wo isungusia na iṟeheṟa wuhya Yerusalemu mtano kiheri kya icha lya ichu amshie mafuda ang'anyi; kochiwa mfungade mfungade. Ko mfungade makumi haṟandaṟu na iwi (62), mṟi fo Yerusalemu fochiwiko se ko wuhya na fochiwada mtandaṟa mnene na mṟeshi kyaindi kiheri kyo kochiwada wukiwa.

HAGAI 1:9

Muwelangye shifoi, ate mkawona shyangu; lilya muleende na kanyi ngashiwiwita. Nkipfa kya iki? Mndumii menyi matorito ahamba. Nyi kipfa kya mba yako ii ikeri inyamaṟika, nanyo mukadichya orio mndu kanyi koke.

ZEKARIA 2:5

Kipfa inyi Mndumii njechiwa omombo lo modo, njitengete njora tsose, na inyi njechiwa kiṟumi kiidi kyake.