EZRA 9:8 - Bibilia Kui Mdedie fo Kimochi

⁸ Kyaindi wulalu Mndumii-Ruwa odu ameluloṟa mkundie foke so lui waangu, kaweluinenga ikaa na ofoṟo iya handu haihaele. Koikyo Ruwa odu kaluwuta usinga kaweluinenga sia na moo mhya.

EZRA 9:8 ပူးပေါင်းရင်းမြစ်များ

2WAMANGI 19:4

Kofia kechiidimika ke Mndumii-Ruwa, Ruwa opfo naleicho madedo ha mnene o wanzenge, ichu aledumo nyi mangi o Ashuru, mndumii oke, kundu narume Ruwa menyi moo, na Mndumii-Ruwa, Ruwa opfo nechideda kya madedo ho alehaicho, ko ikyo terewia wandu wa waletsuhaa.’”

EZRA 9:9

Ma chandu luwei masinga, Ruwa odu alekunda iluda luengeṟe iwa masingapfo. Kyaindi naleluloṟa ikunda lyake kodu oshangunyi lo wamangi walya wa Persia iwa walelulekia lukacha iwika mba i ya Ruwa odu na iachikia kulyando iwewundukie. Lukaowewona oringo loke iya Yuda na Yerusalemu.”

NEHEMIA 1:11

Hoi Mndumii, keadanyiawo kiterewo ki kyako na kya waṟundi wapfo wekechihiyo ikuindia iyo. Kyamba nyi njikuterewa njihende iidikio na iwona osaṟio oshangunyi lo Mndumii oko. Kyasia inyi njiwei mheṟi o mvinyo o mangi.’”

NEHEMIA 9:31

Manya kudo, kipfa kya isaṟia lyapfo ling'anyi, ulekunda iwawihitsa na iwaṟahanyitsa-pfo, kyamba iyo nyi Ruwa uwode isaṟia na wuhoo.

YOBU 33:30

Kundu nawihiṟe moo foke fuwuke ṟungunyi, kundu nawe sa ko sa ya wai na moo.

SHIIMBO SHA DAWIDI 13:3

Hoi Ruwa, Mndumii oko, njiambuya unjiicho, Ambuṟa meso hako, Njilalae mado ha opfu.

SHIIMBO SHA DAWIDI 13:4

Mkituwa oko nalahambe, ngamiidima, Watuuri wako walachihiyo ili njechisamiṟo.

SHIIMBO SHA DAWIDI 138:7

Ma ngawechumia kiidi kya wukiwa nochinjiamtsa, nochihoṟuo owoko huye ya nyashi ya wakituwa wako, na owoko lopfo lo kulyo lochinjikiṟa.

SHIIMBO SHA DAWIDI 34:5

Wakamwindutsia meso wakawona ngeela, manya shamu shawo shechisonupfo.

SHIIMBO SHA DAWIDI 85:6

Ngesa! Ukundi iwuya na iluṟutsa, wandu wapfo wachihio kipfa kyapfo?

MFANANO 29:13

Mkiwa na mowuta kinyala, wekooyana handu hamu; Mndumii nekelimika meso hawo wose wawawi.

KOHELETI 12:11

Madedo ha walaanyi hafananyi na heolongia; cha msumari yekapia na iwadia kindo, nyi wudo wakeri walya madedo hawo iwo wai wanene wa wandu madedo hawukie ko mlisi umu.

YESAYA 1:9

Kokoya Mndumii menyi Matoṟito alaleludeeya mtsuhaṟo mwaangu, luwechiwa cha Sodoma na ifanana na Gomora.

YESAYA 14:3

Kake kechiwa mkonu fulya, Mndumii echikuinenga sia na ikuwihiṟia moo numa ya iyo ilya wukiwa na iwona mawina hafoi chandu uletano isinga;

YESAYA 56:5

njechiinenga iwa kanyi koko na ngumbuo shiṟihenyi shako wawade rina na orio kii kicha kota iwada wana wa womi na wa waka, rina lyawo lechikaa mlungana lilechiwa ihadimo.

YESAYA 57:15

Kipfa ichu ai huye amng'anyishe, mokaa mlungana; ichu amlahe Mwele nahamba adi, “Njekekaa handu hakuirie, haele, hamu na ichu akunyiiṟie mrima na idumbuya, kundu njiṟutse ngoo tsa walya wakunyiiṟie na mrima ya walya waledumbuya.”

YESAYA 6:13

Manya chandu kutsihae ora lumu kiidi kya ikumi, yechelio mayo da; cha mchihiyo, cha mfuṟuhanje, itsinde liwonyio likamemanyo.” (itsinde lyo nyi mbeu njele ya mawookionyi mahya).

YEREMIA 42:2

wakahendia Yeremia, wakambia, “Hoi keadanyia kiterewo kyadu na iluterewia ko Mndumii-Ruwa, Ruwa opfo, so luletsuhaa kipfa luwefoi, kyaindi wulalu lui waangu tupu, chandu uwonyi.

YEREMIA 44:14

Koikyo kochiwada mndu ma umu kiidi kya wandu wa Yuda waletsuhaa na ihenda ikaa orukenyi lo Misri echikia ang'u nakae na moo, ang'u iwuya orukenyi lo Yuda pfo lulya walangie iwuya na ikaapfo. Wechiwuya pfo, shile nyi waangu walya wai wadichi.”

EZEKIELI 14:22

Walya wechiashuka hamu na wana wawo wa kisoṟo na wa kika, waṟisenyi mbutie yawo na mawuto hawo, nyi lyondo mochimanya ke ngapo yo njilekapa Yerusalemu nyi ya sumuhana.

HOSEA 6:2

Mfiri iwi ikameida nyi echiluinenga se moo, iyee, na mfiri fo kaṟaṟu nyi echiluṟutsa, kundu luidimese ikaa handu hamu nao.

HABAKUKI 3:2

“Hoi Mndumii, ndeicho mbonyi tsapfo, na inyi ngaowuo; Hoi Mndumii, ṟutsa iṟunda lyapfo kiidi kya maka; Kiidi kya maka, onguo mbonyi tsake Kiidi kya nyashi kumbuo isaṟia.

SEFANIA 3:12

Indi njechitsuhaṟa wandu waangu walya waiwawonyie na wakiwa, nawo wechiidikia na ikusiria rina lyako inyi Mndumii.

ZEKARIA 10:4

Koke kuwukeho iho lya ndumba, kuwukeho msumari, kuwukeho wuda wo shida, kuwukeho mchili.

ZEKARIA 8:12

Kipfa kochiwada mbeu ya ofoṟo; msabibu fochiwika ndunda, na wanda iweṟaa, ruwehu kuoloke ṟauṟa; na inyi njechiinenga wandu wa watsuhee shose shiwe kyooṟa kyawo.

ZEKARIA 8:6

Mndumii menyi Matorito nahamba, “Ma chando idedo lyi lyilyiumu na ilyimanya ko wandu wa watsuhee ngesa lyiweuma na koko daa?

WAROMA 9:27

Na Yesaya apoṟohoṟya Israeli, “Kukoye mfoye fo wana wa Israeli wueshikya cha mbuṟusanga tsa mbai ya ipalyipalyi lya wuyana sa wechikiṟo-ho nyi waangu tupu.

OTAMBAHALUO LO YOHANE 3:12

Walya wechiwinza nyi njechiwamtana ngo tsa ipfo Hekalunyi lya Ruwa oko wechiwukapfo manyalepfo. Na inyi njechirehya huya yawo rina lya Ruwa oko na rina lya mṟi fo Ruwa oko, nyi Yerusalemu iya njihya yechisoka iwukye ipfo ruwehu ko Ruwa oko, Njechiṟehya-ho na rina lyako lilya lihya.

1SAMWELI 14:27

Kyaindi Yonathani awemeicho kyechilisiṟa wandu nyamupfo. Ko ikyo kalesha ndichi iya awewode, kakapa ihuonyi lya wuki,

1SAMWELI 14:29

Yonathani kamhaluo, “Wande oko naimuwinyisha. Wulalu inyi njikuichuo njiwode pfinya cha kipfa ngasonja wukiwu sa kitutu.