EZRA 9:6 - Bibilia Kui Mdedie fo Kimochi

⁶ “Hoi Mndumii-Ruwa njiwodo nyi sonu tsing'anyi iiria mdo foko oshangunyi lopfo. Nyi kipfa njonyamaṟo tsadu tsikuumbie tsikaika huye ya mdo yadu, natso nyi tsidoye tsikaida ipfo ruwehu.

EZRA 9:6 ပူးပေါင်းရင်းမြစ်များ

MAWOOKIONYI 13:13

Kyaindi wandu wa Sodoma wawei wawicho, wenyamaṟia mnu Mndumii.

1WAMANGI 8:47

Wakakumbuo mrimenyi yawo ipfo kiidi kya oruka lulewaduo wapfungo, wakadumbuya na ikueṟeṟia ipfo orukenyi waledao wupfungonyi wechihamba, ‘Lonyamaṟa, lukahenda mpuria na iwuta sha mkika.’

2MBONYI TSA MAHERI 28:9

Mndu umu elaho nyi Obedi, mwikimbi o Mndumii-Ruwa, nawekekaa mṟinyi fo Samaria. Nalewuka kahenda ikoyana na maaskari walya wa Waisraeli na masinga hawo ha Kiyuda kiheri wawekeri kufui na ianga mṟinyi, kawawia, “Mndumii-Ruwa, Ruwa o wasahuye wanu, nawewode nyashi na Wayuda, kamutana muwawinze, kyaindi ameicho chandu mulewawaha ko wunesi.

EZRA 9:13

Ma chando shindo sho shose shileluhoya kipfa kya njonyamaṟo tsadu na mkao yadu njiwicho, luwonyi nalelukapa sa kitutu koṟinganyisha na mawicho ha hadu chandu hawefoi. Koweludase na moo so waangu lukeri iya.

EZRA 9:15

Hoi Mndumii-Ruwa o Israeli, nyi iyo kumonyi ui mhoṟotsu indi koluashuo lukakaa na moo mṟasa inu. Kyeambuyawo, ke so nyi lui wadeko oshangunyi lopfo ma kuwode umu odu echiidima ihoṟoka oo oshangunyi lopfo pfo.”

NEHEMIA 1:6

Inyi mṟundi opfo, njikeri ikuterewa kio na mfiri kya waṟundi wapfo wana wa Israeli. Kyeambuya wo inyi nyi ngakutochia wunyamaṟi wo Waisraeli luletsiwuta oshangunyi lopfo. Inyi na wandu wako wa Israeli nyi lulekudekio.

YOBU 40:4

"Ambuya inyi chi kindo-pfo njikuhaluo-ki? Ngawika owoko loko aa-dumbunyi lyako.

YOBU 42:6

Ko ikyo matumatu hamu na ikushia kiluli na ifu, ngakuwona inyi njimonyi chi kindo-pfo."

SHIIMBO SHA DAWIDI 38:4

Kipfa njonyamaṟo tsako tsinjishikie mdohu koko. Cha mhanda tsinjilemeri mnu.

SHIIMBO SHA DAWIDI 38:5

Matiinga hako hadaa, hamaporu, kipfa kya wutondo woko.

IWUKA 32:31

Mose kawuya na ko Mndumii-Ruwa, kahamba, “Apaa! Wanduwa wawuta wunyamaṟi wung'anyi mnu, koisungusia ruwa lyawo lya sahabu.

YESAYA 1:18

“Kyasia nchonyi lukape sumu, Mndumii ahamba. Wunyamaṟi wonu wukafana kimande, wochiila cha makuṟeṟa ha mtsudu; wukawa kimande cha bendeṟa wochiila cha sufi.

YESAYA 59:12

Kipfa madeko hadu haengeṟeka na ifo oshangunyi lopfo, na manyamaṟo hadu hakawa wuṟingishi huye yadu; kipfa luwode madeko lukakaa naho, mawicho hadu lomehamanya;

YEREMIA 3:3

Kipfa kya ikyo luleimo mlewi, manya kuwode mvuo ya fuli pfo, ma kudo nuwode meso ha wumeluki, koleha idumbuya ma kulawado nyi sonu.

YEREMIA 31:19

Kipfa ngamekudekio, njiledumbuya, na ngamemaa ilosho, njilehamba samanya, ngaṟeenze na isonu, kipfa tewe tsa uwanake woko tsilenjiosha.’

YEREMIA 51:9

Luleheṟie ichiṟa Babeli, indi kechiwa-pfo Denyi mṟifu, luhende, orio mndu oruka loke, kipfa mwanduye foke nyi fung'anyi mnu, fukuirie mṟasa mapuchinyi.

YEREMIA 6:15

Ale walesokiyo nyi fowa lilya walewuta mawicho? Ote walesokio nyi fowa ma waleṟeenze pfo wai; kyasia wechioloka kiidi kya iwo weoloka; kiheri njechiwachea wechiolotso wanda, Mndumii ahamba.

YEREMIA 8:12

Ngesa na waleṟeenze lilya walewuta sha mkika? Ote waleṟeenze-pfo, ma walewado nyi sonu-pfo; kyasiang'u wechioloka kiidi kya weoloka; kiheri kecheo wechiolotso wanda. Mndumii ahamba.

SHILIO 3:42

Nyi lulekunyamaṟia na ikudicha, hoi Mndumii-Ruwa, kyaindi iyo omeluhoṟiepfo.

EZEKIELI 16:63

Kyamba njihenda ikuhoṟia mawicho hapfo hose, na ili mandi ochihakumbuo uhende wado nyi sonu ulekaria iiria dumbu lyapfo udede kindo.” Nyi wudo Mndumii ahamba.

WALEWI 26:40

“Kyaindi kokoya wadumbuya wuwicho wowo, na wo wafee wawo kya wupiṟi walenjiwutia Inyi, na chandu walewingana na Inyi,

LUKA 15:21

Mana kambia, ‘Wande, nyi njilenyamaṟa huye ruwehu na sumuhana na iyo; ma njikisumhanyi ilaho nyi manopfosepfo.’

LUKA 18:13

Kyaindi msanyi ulya o okamba kahoṟoka haleshe, nalakarie ma iiria meso huye ruwehu, indi kakukapa kipeeta kahamba, ‘Hoi Ruwa, kenjisaṟia-wo inyi mokudekio!’

WAROMA 6:21

Nyi kiira kiki mulewona ho mandi halya? Chi kiwei kya mbaṟi imwinengye mopfia kyayo sonu wulalu? Cha kipfa kiira kyakyo nyi opfu.

OTAMBAHALUO LO YOHANE 18:5

Kipfa manyamaṟo hafo hafoi mnu, hekeṟindikana tane ruwehu, na Ruwa amekumbuo mawuto hafo mawicho.