EZRA 9:5 - Bibilia Kui Mdedie fo Kimochi

⁵ Lilya mandi saa ya kyukanyi ileshika yehenda iwika kidaso, ngakure alya wanda kundu njiwekuwihitsie, ngaweṟaa nguwo tsako tsirandukie, naiiria mawoko hako ko Mndumii-Ruwa oko njipfirie ndi ngamterewa njechihamba,

EZRA 9:5 ပူးပေါင်းရင်းမြစ်များ

1WAMANGI 8:22

Kyasia Solomoni kahoṟoka sumuhana na rasio ya Mndumii hamu na mamiingi fo Israeli, kalesha mawoko hake ruwehu,

1WAMANGI 8:38

hoi uicho shiterewo sho shose shechiterewo na wandu wapfo, Israeli, ang'u shechiterewo na mndu ose ulya ang'u wandu wose wa Israeli, orio mndu kamanya mhanda fui kiidi kya mrima foke, kakuterewa kechileshia mba i mawoko hake.

1WAMANGI 8:54

Kyasia, Solomoni kekimaa iterewa na ieṟeṟia Mndumii-Ruwa, kakure alya rasionyi lya Mndumii-Ruwa handu awepfirie ndi airie mawoko hake huye.

2MBONYI TSA MAHERI 6:13

Solomoni nawesungusie kitaṟa kya aṟeṟa njiiwu kehoṟokia kya rasio, wuleshe na wulandari wokyo nyi mita (2:2), na wuleshe wokyo ko ido huye nyi mita (1:3). Kawika kitaṟa kilya makidi hawi ha kiṟiha kilya kya mbele ya mba kekoyanyia. Kadoya huye yakyo, kaipfira ndi tsake, oshangunyi lo kisanzio kilya kyose kya Waisraeli, katambaṟuya mawoko hake kya ruwehu.

NEHEMIA 1:4

Njekiicho njiido ngadamia wanda ngafihiṟa ngawado nyi makulili, ngawekaa kiidi kya kilio ko mfiri maata. Ngawekuotoya na iterewa Mndumii-Ruwa chu o ruwehu,

SHIIMBO SHA DAWIDI 141:2

Kiterewo kyako kido kishike oshangunyi lopfo cha opfamo; njechiiria mawoko hako cha kidaso kya kyukanyi.

SHIIMBO SHA DAWIDI 143:6

Ngakuleshia mawoko hako; mrima foko fukuichuo uwangari cha oruka luumu.

SHIIMBO SHA DAWIDI 95:6

Kenchonyi luichike luichimbiṟe, lupfire ndi oshangunyi lo Mndumii aleluwumba.

IWUKA 9:29

Mose kambia, “Ngamekure kunu mṟinyi njechiiria Mndumii-Ruwa mawoko hako, na makuṟuṟuma ho hechitsitsa, manya kochikaapfo mvuo ya manzahopfo; kundu nowuteho imanya ke wuyanawu nyi wo Mndumii-Ruwa.

IWUKA 9:33

Mose kakure kulya mṟinyi, kawuka ko Farao, kaleshia Mndumii-Ruwa mawoko hake; makuṟuṟuma halya na mvuo iya ya manzaho shikatsitsa, manya mvuo ilakapese orukenyi.

YESAYA 1:15

Nanyo mkahoṟuo mawoko hanu, njechishinga meso hako njilechimuambuya; yee, mukaterewa shiterewo shifoi njechiichopfo; kipfa mawoko hanu haichuo samu.

DANIELI 10:2

Kiidi kya mafiri halya inyi, Danieli, njiwekeri ikapa kilio handu ha mfungade iṟaṟu iichuo.

LUKA 22:41

O kahenda kyaada, handu ha mkumbie fo songoṟo, kapfira ndi, katerewa kahamba,

MAWUTO HA WASU 21:5

Loikimaa iinutsya mafiri halya lukakure lukahenda. Na wandu wose handu hamu na waka na wana wawo wakaluimya lukatana loshika mbele ya mṟi lukapfiria ndi alya mbai ya ipalyipalyi lochiterewa.

WAEFESO 3:14

Nkyo kimaduma mkundie fo Kristo ngapfira ndi tsako oshangunyi lo Wande.