EZRA 9:4 - Bibilia Kui Mdedie fo Kimochi

⁴ Kyaindi wandu walya waleicho mbonyi tsilya tsa wusutsu tsilewuto nyi wandu walya walewuya wusingenyi, wakacha ikuṟingichia na inyi alya wanda njiwedamie ko fowa ing'anyi itane kiheri kilya kewuta kidaso.

EZRA 9:4 ပူးပေါင်းရင်းမြစ်များ

2MBONYI TSA MAHERI 34:27

na iyoometerewa mhoṟie na ikunyiṟa oshangunyi loko, na iranduo maṟao hapfo na ilia, kiheri uleicho chandu njileteṟia ikapa Yerusalemu, na wandu wake. Ngameicho kiterewo kyapfo.

EZRA 10:3

Ko kipfa kya ikyo luwikese kiteṟio na Ruwa odu. Luhende ilekana na waka wa wahenu hamu na wana wawo. Luwute chandu iyo hamu na walya waowoye Ruwa wechilulosha. Luhende iwuta kudo chando mawawaso hahambie.”

EZRA 10:9

Nahong'u kiidi kya mfiri iya iṟaṟu kushikie meri fo kenda mfiri fo makumi hawi, wandu wose wa Yuda na Benyamini wakakuumbia alya osehu lo hekalu lilya lya Yerusalemu. Wandu wose wakadamia wawodo nyi wuowu na idedema kipfa kya kilya walahio na kipfa se kuwekapa mvuo ing'anyi.

SHIIMBO SHA DAWIDI 119:136

Meso hako haitonyitsa meda ya mṟinga, kipfa welekeindia mawawaso hapfo.

IWUKA 29:39

Ichondi limu nochilyishinja ngamenyi; na ichondi lya kawi nochilyishinja kyukanyi.

IWUKA 29:41

Na ichondilyo lya kawi nochishinja kiheri kya kyukanyi, nowewuta kudo cha kidaso kilya kya mso kya ngamenyi, na cha kidaso kilya kya kindo kenyo, kiwe opfamo lucha, nyi odambiko loinenga Mndumii-Ruwa kui njia ya modo.

YESAYA 66:2

Owoko loko nyilo lulewika ishi shose, shindo shi shikawutika Mndumii ahamba; kyaindi mnduchu nyio njechimwambuya, mndu ai mfafa, awode ngoo ikunyiiṟie, ichu ekeicho idedo lyako kaliowuo.

YESAYA 66:5

Adanyienyi idedo lya Mndumii, nyo muidedema kipfa kya idedo lyake; Wana wa wama wanu wamsuo nyo, walemukumba kipfa kya rina lyako, wahamba, “Mndumii naichiko, luidime iwona sia yanu; indi nyi wechisukio.

EZEKIELI 9:4

Nalyo Mndumii kambia, “Ncho uhende iida ipfo kiidi kya mṟi fu fo Yerusalemu, uṟehiye kitanyio oshangunyi lo orio mndu amsokie nyi fowa kipfa kya mawicho ha haiwutika kiidi kya mṟi fu.”

DANIELI 10:2

Kiidi kya mafiri halya inyi, Danieli, njiwekeri ikapa kilio handu ha mfungade iṟaṟu iichuo.

DANIELI 9:21

Kiheri mbededa na iterewa, mndu ulya Gabrieli ulya njilemmbona ndodonyi ilyi mawookionyi, kechirundutso owinyi, kanjipaya kiheri kedasa ilyi kyukanyi.

MAITALA 25:6

Kiheri na ikyo mndu umu kaende mndumka umu o Wamedi na kanyi koke, Mose na mamiingi fose fo wandu wa Israeli wakakapa kilio alya mongo fo ihema lyesanzia.

MAWUTO HA WASU 3:1

Mkonu fumu Petro wakadosana na kulya hekalunyi na Yohane saa kenda mandi kochihenda iterewo.