EZRA 9:12 - Bibilia Kui Mdedie fo Kimochi

¹² Kuṟisenying'u, mulaalikie wana wanu wa kika ko wana wawo, ma ialikia wana wawo wa kika ko wana wanu. Ma mlapfule ofoṟo ang'u wusuṟi wowo; kudo nyi kundu wuwade pfinya na ikulia mawucha ha oruka lo, lyefurumia muhende ideya wana wanu luwe kyoṟa kyawo.’

EZRA 9:12 ပူးပေါင်းရင်းမြစ်များ

1MBONYI TSA MAHERI 28:8

Kyasia, nyo wandu wako, ngamuwia oshangunyi lo kisanzio ki kya Waisraeli wose na oshangunyi lo Mndumii-Ruwa, ke ambuyenyi na iindia mawawaso hose ha Mndumii-Ruwa, Ruwa onu; kundu muidime iwada oruka lu lulucha, na ioṟisha luwa lyanu lya wulalu na ili lyechicha itane mlungana.

2MBONYI TSA MAHERI 19:2

Kyaindi mlodi, Yehu mana o Hanani, kahenda imwambilia, kambia, “Ate, nokusaṟa ke nyi kicha itarama wandu wa mkika, na ikunda wandu wasuo Mndumii-Ruwa?” Shindo shi owuta yakuendie nyashi ya Mndumii-Ruwa.

EZRA 9:2

Cha kipfa nyi walealika wanawawo wa kika na ialikia wana wawo wa kisoṟo waka wa kihenu. Koikyo wandu wa waele wa Ruwa odu nyi walesangana na wandu wa mbaṟi njihenu. Kindo kiwicho ngoseṟa nyi wanene wa Waisraeli nyiwo wasongoru wewuta mawichoho.

IWUKA 23:32

Kulawade mkundana nawo manya handu hamu na maruwa hawo.

MFANANO 13:22

Mndu mcha nechideea wachuku wake kyooṟa, Na masaa ha mdeko nyi kisa kya mndu o wusumhanyi.

MFANANO 20:7

Msa asumhanyi kachumia kiidi kya wuhoṟotsu woke-le, Wana wake wechiwikyo ona iya mafurumienyi hawo.

YESAYA 1:19

Kokoya moidikia mukaindia, mochilya mecha ha oruka;

NGUMBUO YA MAWAWASO 23:6

Ko ikyo mulawatarame wawone ofoṟo na ona.

NGUMBUO YA MAWAWASO 23:7

“Mulasuo Waedomu; iwo nyi wana wa mayanu. Mulasuo Wamisri, kipfa mulekaa orukenyi lowo cha wahenu kiheri kimu.

NGUMBUO YA MAWAWASO 7:3

Mulaalikane nawo, wana wanu walaaliko kowo ang'u wanake wanu walaalike wana wawo wa kika.