EZRA 8:22 - Bibilia Kui Mdedie fo Kimochi

²² Cha kipfa njilewado nyi sonu yeterewa manya waaskari weluringa wakituwa wacha ipfo kyaṟonyi kyadu, kyamba ngiwemesonguo immbia ke Ruwa nekewikia mboṟa iwo wose wekemuosha, na nyashi yake ikeri huya ya iwo wose wakeri kuleshe nao.

EZRA 8:22 ပူးပေါင်းရင်းမြစ်များ

1MBONYI TSA MAHERI 28:9

“Na iyo Solomoni mana oko, manya mnu Mndumii-Ruwa o ndeyo, nomṟundie ko mrima fumsalari, na mahiyo ha mwidikie; cha kipfa Mndumii-Ruwa, nekesauṟa mrima ya wandu yose, na imanya mahiyo na lango tsawo tsose, komshiha nochimbona; kyaindi kulamemshihe, nechikuda mlungana.

2MBONYI TSA MAHERI 15:2

nao kakure kahenda ioshana na mangi Asa, kambia, “Njiadanyia, ee mangi Asa na wandu wose wa Yuda na Benyamini! Mndumii-Ruwa, nakeri hamu nanyo, kokoya nyo mukeri hamu nao. Mukoshiha Ruwa, mochimbona, kyaindi mukamda nao nechimuda.

2MBONYI TSA MAHERI 16:9

Mndumii-Ruwa, nekeringa ko mamiingi wuyana wose, kundu nainenge pfinya walya wose wai wahendeli koke. Iyo nowuta kindo kya wutondo, ko ikyo wokia wulalu, nochikapo shida orio mkonu.”

EZRA 7:28

Na kui osaṟio lo Ruwa ngawewona ngaya yake oshangunyi lo mangi, njama tsake, na waṟundi wake wanene, ngawewona pfinya kipfa owoko lo Ruwa luwei huyako, ngaweidima isambuṟa wandu wasongoru wa Israeli kundu njiwuye nawo kulya Yerusalemu.

EZRA 7:6

Ezra naledo awuka Babiloni. Nawei mlosha (mṟehi) mcha o mawawaso ha Mose halya Mndumii-Ruwa aweinengie Waisraeli; na mangi ulya kainenga Ezra orio kindo alemterewa kipfa kuwoko ko Mndumii-Ruwa oke luwei nao.

EZRA 7:9

Mndumii-Ruwa kawasongoya kiidi kya kyaṟo kedo na Yerusalemu.

EZRA 8:31

Kushikie mfiri fo ikumi na kawi fo meri fo kuwoka lukawuka alya medenyi fo Ahava lukahenda Yerusalemu. Ruwa odu kaluringa na wakituwa wadu na ndenga tsose tsa ipfo njienyi.

NEHEMIA 2:9

Kiheri njileida kiidi kya oruka lo ora lo kyukanyi lo meda fo Efrati, ngainengia wanene wa orukalo paruo tsilya tsiwewukie ko mangi. Nao mangi nyi aleduma wanene wa mbahanyi tsake na wedoya frasi handu hamu na inyi.

SHIIMBO SHA DAWIDI 20:8

Wo wahongoma wakaoloka, Indi so lokuiria na ihoṟoka.

SHIIMBO SHA DAWIDI 34:22

Mndumii nyieketalaa mrima ya waṟundi wake, Manya Wechianduyo wose wemdichia-pfo.

SHIIMBO SHA DAWIDI 90:11

Nyiu aichi wuidimi wo nyashi yapfo? Na tuke yapfo chando kiwaṟi iichiko lyapfo?

SHILIO 3:25

Mndumii-Ruwa nyi akeri mcha ko walya wose wakumsirie, kawekuwia mhoo ko walya wose wakeri impfula.

WAROMA 8:28

Na luichi kya shindo shose Ruwa nekeṟunda hamu na walya, wamkundi na iwaonyisha wucha wose, nawo nyiwo wai-walahe kui kyama kilya kyake.

1 WAKORINTO 9:15

Indi inyi njiwekutambye na pfinya i ma kya kimupfo. Manya chi ngaṟehya isho kundu kinyiwiie kidi inyipfo. Nanga njikupfie! Kuwode mndu ma kawa wu echifurunja kiṟumi kyakopfo.

2 WAKORINTO 7:14

Ma kokoya kuwewode kindo njiwekushelye ipfo koke kyemhamba nyo ngamhutso sonupfo, kya indi chando lulemuwia shose njia ya wulohi na wudo ikushela lilya lyadu lya ko Tito likawemba lya lohi.

WAEBRANIA 10:38

“Na mosumhana oko echiwada moo fuṟukye wuidikinyi. Indi kokoya awuya numa mrima foko fochihio kyakepfo.”

YOSHUA 22:16

Siṟi yose ya Mndumii-Ruwa ikeri iwesa idi, “Nyi kiki kya wulembi wu wung'anyi wudi mowutia Mndumii-Ruwa o Israeli mukawika rasio li mukalekana na Mndumii?

YOSHUA 23:16

Kokoya mowumbuya mawawaso hake na itehiya mma fulya mulie nao mukawoka iindia maruwa hengi na ihaṟundia, nyi wudo ng'u nyashi ya Mndumii-Ruwa yechimusokia muhende isaramaya ko oweṟe muwuke kunu orukenyi luilucha alemwinenga.”

1PETRO 3:12

Kipfa meso ha Mndumii nyi haiambuya walya wasumhanyi na madu hake haiadanyia shiterewo shawo. Indi oshangu lo Mndumii luichihie ko walya wewuta mawicho-pfo.”