EZRA 8:21 - Bibilia Kui Mdedie fo Kimochi

²¹ Ngawawasa lukuotoye alya medenyi fo Ahara, lochikunyiiṟa oshangunyi lo Ruwa lochimterewa naluringe na ilusongoya kiidi kya kyaṟo kyadu hamu na wana wadu na masaa hadu.

EZRA 8:21 ပူးပေါင်းရင်းမြစ်များ

2MBONYI TSA MAHERI 20:3

Kyasia, Yehoshafati kawado nyi wuowu, katerewa Mndumii-Ruwa, wulaanyi. Kawawasa ke, wandu wose orukenyi lo Yuda wakuotoye walalye kelya ma inyo mṟinga.

2MBONYI TSA MAHERI 20:4

Wandu wakacha Yerusalemu wawuka mṟinyi yose ya Yuda, wakakusanyia handu hamu kundu waterewe Mndumii-Ruwa nawatarame.

EZRA 8:15

Njilesanyia wandu wose mbai ya meda fusokie na mṟi folaho nyi Ahava. Lukaakaa kiṟaṟonyi handu ha mfiri iṟaṟu. Ngaambuya wandu wose hamu na wakohanyi kyaindi njilewonaho mana o ko Lewi pfo.

EZRA 8:31

Kushikie mfiri fo ikumi na kawi fo meri fo kuwoka lukawuka alya medenyi fo Ahava lukahenda Yerusalemu. Ruwa odu kaluringa na wakituwa wadu na ndenga tsose tsa ipfo njienyi.

NEHEMIA 9:1

Nalyo mkonu fo makumi hawi na kaana (24) fo meri fo mfungade, Waisraeli wakakoyana, wakakuotoya wechiṟaa makunyia na ikushia mafu mdonyi yawo wechiloṟa mtochie.

ESTA 4:16

“Henda usanyie Wayuda wose wai kunu mṟinyi fo Susa handu hamu. Kuotoenyi, mulalye ma inyo komfiri iṟaṟu, kio na mfiri, kipfa kyako. Inyi na shisinga shako nlochiwuta cha nyo. Kiidima njihende ko mangi ma chandu kulawode momu, kokoya nyi iwoho njiwoho.”

SHIIMBO SHA DAWIDI 137:1

Mbai ya meda ya Babeli mpfo kundu luledamia, lukafihiṟa lilya lulekumbuo Sioni.

SHIIMBO SHA DAWIDI 5:8

Mndumii, kenjisongoya kui wukiilohi wopfo, Kipfa kya iwo wanjialye. Utembecheṟe njia yapfo oshangunyi loko,

SHIIMBO SHA DAWIDI 5:9

Kyamba madedo hawo hai mahendelipfo Mrima yawo ifananyi na mruma, njoṟoo tsawo nyi marina hai pang'a, Olimi lowo lokekulembetseṟa tupu.

SHIIMBO SHA DAWIDI 8:2

Madumbunyi ha wakoku waionga Nyi uwikie njotende tsa pfinya; Kipfa kya iwo wailimbana na iyo. Toromisha wakituwa na wetaa kiṟaache.

MFANANO 3:6

Kiidi kya ohendo lopfo mwidikie o, Nao nechihoṟotsa njayo tsapfo.

YESAYA 30:21

na madu hapfo hechiicho idedo nduma yapfo lyechihamba, njia nyio ii, ioshenyi; mkahaluka ihenda owoko lo kumoso.

YESAYA 35:8

Handu ho kochiwada njia ing'anyi, nayo yechilaho, “Njia ya Waele;” Walai waele wechiidahopfo; kyaindi yechiwa kipfa kya wandu wo wakyaṟo, ma chandu wai matondo wechidekapfo.

YESAYA 42:16

Njechiende shipfupfuṟe wacheye njia walaiichi; okondo walaluichi nyipfo njechiwateteṟa; njechihaluo meema fuwe saa oshangunyi lowo; na handu haolokie njechiichuṟa isho shose njechishiwuta, manya njechimudapfo.

YESAYA 49:10

Wechiwado nyi njaa ma nyodapfo; wechiwona ngumia ma mbaṟipfo kipfa ichu mowasaṟia nechiwateteṟa.

YESAYA 58:3

Wekehamba, “Lomekuotoya kyaindi uwonyi pfo. Lowelisa mbihu yadu wukiwa, indi uambuyapfo. Manyenyi, mkonu fo ikuotoya muishiha sia tsanu muwenyi, na ilemeṟa iwo weṟunda konu wose.

YESAYA 58:5

Ngesa ikuotoya lya mbaṟi i njiwesambuṟie? Ngesa nyi mndu ikulisa wukiwa wo mbihu foke? Nyi ihongomitsa mdo cha iṟa lya msuki, na ikuwaṟahiya nguwo tsa masaṟa na ifu? Ngesa nochihamba nyi ikuotoya na Mndumii naweidikia?

YEREMIA 10:23

Njiweichi-daa Mndumii-Ruwa, mndu o wandu awode pfinya huya ohendo loke lo moo-pfo; ma kuwode mndu mosongoya ohendo loke-pfo.

YEREMIA 42:3

Mndumii-Ruwa, Ruwa pfo, naluloṟe chandu akundi lumwoshe na kilya akundi luṟunde.”

DANIELI 9:3

Ngaindutsia Mndumii-Ruwa kyamu kyako, kundu njiidime iterewa, na ikuotoya na iṟaa nguo tsa masaṟa na ikaa ifunyi.

YOELI 1:14

Wutenyi iwawaso wandu wakuotoye; lahenyi kisanzio kya wuindi. Sanyienyi wanene na wandu wose wa oruka, wache hekalunyi lya Mndumii-Ruwa, Ruwa onu, na ipfo mufihiṟie Mndumii-Ruwa.

WALEWI 16:29

“Iwawasolyi lyechiwa iwawaso lya mlungana; kiidi kya meri fo mfungade mfiri fo ikumi fo meri, mochikuwinyisha mrimenyi yanu, mulaṟunde iṟunda lya mbaṟi yose, msa amfee kiidi kyanu na mhenu ai kiidi kyanu.

WALEWI 16:31

Nyi sabato ya sia ya osaaṟe kiidi kyanu, nanyo mochikuwinyisha mrimenyi yanu, nyi iwawaso lya mlungana.

WALEWI 23:29

Mnducho oose alechikuotoya mfirifo kimbaṟi naletsano, nawiko kuleshe na wandu wake.

YONA 3:5

Nahong'u wandu wa Niniwe wakaidikia Ruwa, wakakapa ombe, ke orio mndu nakuotoe, naṟae nguo tsa makunyia tsii masaṟa wokia ang'anyi itane mtutu.

YONA 3:7

Nao kakapa ombe, kawawasa wandu wa mṟi fose fo Niniwe, kui iwawaso lya Mangi na wachili wake ke wandu wose, na orio mndu, shuma shose, mbe, mburu, machondi, nzoi walalye kando ma inyo mṟinga;

MAITALA 14:3

Nkili Mndumii-Ruwa ailuduo ipfo orukenyi? Lochiwaaho shidenyi, na waka wadu na wana wadu wadao masinga ha shidenyi! Chi nanga lukawuya na Misri?

MAITALA 14:31

Nyo mulehamba ke wana wanu wechidao masinga ha shidenyi, kyaindi inyi njechiwashitsa wanawo kulya orukenyi mulelupiṟa, kundu walumanye na luwe lowo lokaa.

MAWUTO HA WASU 2:39

Kyamba kiwantasyo ki nyi kikyanu na wana wanu na wandu wose wa ombo na ombo wesa Ruwa Mndumii odu echiwalahya-ho.”

WACHILI 20:26

Wandu wose wa mbahanyi wa Israeli wakahenda Betheli. Walekaa oshangunyi lo Mndumii-Ruwa wechifihiṟa na ikuotoya mṟasa kyukanyi. Wakawutia Mndumii-Ruwa mwano yemaya modonyi na mwano ya ofoṟo.

1SAMWELI 7:6

Koikyo Waisraeli wose wakasanza kulya Mispa. Waledahia mṟinga na ifuletsia wanda oshangunyi lo Mndumii-Ruwa wakakuotoya mkonu fulya fose, wakahamba, “Lomewuta wunyamaṟi oshangunyi lo Mndumii-Ruwa.” (Samweli nawei msongoru o Waisraeli kulya Mispa).