EZRA 7:6 - Bibilia Kui Mdedie fo Kimochi

⁶ Ezra naledo awuka Babiloni. Nawei mlosha (mṟehi) mcha o mawawaso ha Mose halya Mndumii-Ruwa aweinengie Waisraeli; na mangi ulya kainenga Ezra orio kindo alemterewa kipfa kuwoko ko Mndumii-Ruwa oke luwei nao.

EZRA 7:6 ပူးပေါင်းရင်းမြစ်များ

MAWOOKIONYI 32:28

Kammbia, “Rina lyapfo ochilahose nyi Yakobopfo indi nyi Israeli, kyamba noheshana na Ruwa, na wandu, na iyo kowawinga.”

EZRA 5:5

Kyaindi riso lya Mndumii-Ruwa liwei huya ya wanene wa Wayuda kikatewa mchili ulya hamu na wodoe walawawie wade iṟunda lilya piu mṟasa waicho iwawaso liwuka ko mangi Dario.

EZRA 6:22

Ko mfiri mfungade walelya wai wakesi mkate ilawenjilonge na kindo ketarang'aa kipfa Mndumii-Ruwa nyio alewainenga sia i ili mandi alewainenga mangi i ya Uajemi alewakunda katana awatarama iwikase mba i ya Ruwa o Waisraeli.

EZRA 7:21

“Na inyi mangi Artashasta ngawawasa ko weambuya fesa wose wa oruka lo ora lo kyukanyi lo meda fo Eufrate kindo kyose echikikunda Ezra mlosha o mawawaso ha Ruwa chu o ruwehu mumnenge kulawode itaṟi.

EZRA 7:28

Na kui osaṟio lo Ruwa ngawewona ngaya yake oshangunyi lo mangi, njama tsake, na waṟundi wake wanene, ngawewona pfinya kipfa owoko lo Ruwa luwei huyako, ngaweidima isambuṟa wandu wasongoru wa Israeli kundu njiwuye nawo kulya Yerusalemu.

EZRA 7:5

mana o Abishua, mana o Finehasi, mana o Eleazari, mana o Aroni mkohanyi ang'anyi.

EZRA 7:9

Mndumii-Ruwa kawasongoya kiidi kya kyaṟo kedo na Yerusalemu.

EZRA 8:1

Iwa nyiwo wandu walewuya wawuka wusingenyi wo Babeli kiheri kya wumangi wo Artashasta,

EZRA 8:18

Kui osaṟio lo Ruwa wakaluendie Sherebia, Mlewi awewode wuṟango wung'anyi o kishari kya Mahli hamu na wana wake na wana wa mae ikumi na nyanya (18).

EZRA 8:22

Cha kipfa njilewado nyi sonu yeterewa manya waaskari weluringa wakituwa wacha ipfo kyaṟonyi kyadu, kyamba ngiwemesonguo immbia ke Ruwa nekewikia mboṟa iwo wose wekemuosha, na nyashi yake ikeri huya ya iwo wose wakeri kuleshe nao.

EZRA 8:31

Kushikie mfiri fo ikumi na kawi fo meri fo kuwoka lukawuka alya medenyi fo Ahava lukahenda Yerusalemu. Ruwa odu kaluringa na wakituwa wadu na ndenga tsose tsa ipfo njienyi.

NEHEMIA 12:26

Wandu wa nyi waweipfo kiheri kya Yoyakimu, mana o Yeshua, mana o Yosadaki na kiheri kya Nehemia ulya awei mnene o isanga na kiheri kya Ezra da awei mkohanyi na mṟehi.

NEHEMIA 12:36

na wana maye, Shemaya, Azareli, Milalai, Gilalai, Maai, Netanelii, Yuda na Hanani, wakaoshana nao warieshinanda cha shilya sha mangi Dawidi mndu o Ruwa; wechisongoyo nyi Ezra ulya awei mṟehi,

NEHEMIA 2:12

Kii kidi ngakure kio handu hamu na wandu sa waangu njilewasambuṟa; manya njilawie mndu oose kya shindo Mndumii-Ruwa aweshiṟikie mrimenyi foko kya mṟi fulya fo Yerusalemu. Koikyo ngakure ili kio ngahenda na wandu waangu tupu. Manya njilahende njiladuo nzoi yose sile na iya njiwedoye inyi.

NEHEMIA 2:18

Nahong'u ngawaongoya chandu Mndumii-Ruwa alenjiloṟa osaṟio lung'anyi huyako, ngaweongoya chandu mangi ulya alenjiwia. Wekiicho wado wakahamba, “Kendenying'u luwoke iṟunda lyi lyewika.” Nalyo wakakuteseheṟa ko iṟundalyo licha.

NEHEMIA 2:8

Kingise njikuterewa nyi iki ke kuṟehiye paruo ko Asafu mringi omashidi ha mangi kundu nanjinenge mbau tsesungusia maboriti ha mongo iya ya hekalu, njombombo tsa mṟi fulya na mba yo yako njechikaa.” Nalyo mangi kaidikia kiterewo ki kyako kyamba Mndumii-Ruwa nyi awei kimu na inyi.

NEHEMIA 4:15

Kyasia wakituwa wadu wekimanya ke nyi lulemanya kyama kilya kyawo, wakawemanya ke Mndumii-Ruwa nyi alefurunja kyama kilya kyawo, nalyo so lukawuya kulya omombonyi lochiengeṟa iṟunda orio mndu na iṟunda lyake.

NEHEMIA 8:1

Nalyo wandu wose wakadamia handu hamu ko mrima fumu alya osehu lo Mongo fo Mṟinga, nahong'u wakawia Ezra ulya awei mṟehi naende kitapu kilya kya mawawaso ha Mose halya Mndumii-Ruwa aweinengie Waisraeli.

NEHEMIA 8:13

Ili lya ngama wanene wa shishari handu hamu na wakohanyi na Walewi wakacha na ko Ezra mkohanyi na mṟehi kundu wakuloshe mawawaso.

NEHEMIA 8:4

Nao Ezra mkohanyi kahoṟoka mimbaṟanyi waleisungusia ko iṟundalyo na ora loke lo kulyo wawehoṟokiho Matithia, Shema, Anaya, Uria, Hilkia na Maasia; na ora loke lo kumoso wawehoṟokiho; Pedaya, Mishaeli, Malkia, Hashumu, Hashibadama, Zekaria na Meshulamu.

NEHEMIA 8:9

Naalyo wandu wo wekiicho mawawaso ho ha Mndumii-Ruwa, wakakoṟo mṟimenyi yawo wakafihiṟa. Nehemia ichu awei mnene owo na Ezra awei mkohanyi na mṟehi, hamu na Walewi walya wawekeri ilosha wandu wakawia wandu walya wose, “Mkonu fu nyi fui mwele ko Mndumii-Ruwa, Ruwa onu, koikyo manya mulawone mochifihiṟa ma isokio nyi fowa.”

NEHEMIA 9:13

Kowededa nawo wuka fumvunyi lya Sinai, handu ulewasokia. Kowainenga mawawaso mecha na mapfundo mecha.

SHIIMBO SHA DAWIDI 109:27

Nawo wawuteho imanya ke nyi owoko lopfo; iyo, Mndumii, kulewuta isho.

SHIIMBO SHA DAWIDI 147:19

Nekeongoya Yakobo idedo lyake, Na Israeli mawawaso hake na mdumbuye yake.

SHIIMBO SHA DAWIDI 45:1

Mrima foko foitsa msanjika kipfa kya idedo licha: Inyi njihamba kilya njileimbia mangi; olimi loko nyi kalamu ya mtisiṟi mwaria.

SHIIMBO SHA DAWIDI 80:18

Nahong'u lochikulekia luwuye na numapfo; kyeluṟamtse naso lochiindia rina lyapfo.

MFANANO 3:6

Kiidi kya ohendo lopfo mwidikie o, Nao nechihoṟotsa njayo tsapfo.

YESAYA 50:2

“Kyasia lilya njilecha nkili kulawewode mndu? Ngalaha, kuwode alehaluopfo? Ngesa! Owoko loko lui lufui njilemo ikiṟa? Ngesa njiwode pfinya tsechiṟa? Ambuya kui ideda lyako ngahadutsa ipalyipalyi, meda ya mṟinga ngaihaluo nuka ya msanga; makunga hayo haidaa kipfa kulawode mṟinga, wandu wapfa kipfa kya nyoda.

YESAYA 59:1

Ambuya, owoko lo Mndumii luilututu lulemo ikiṟa-pfo; ma kudu koke kulemeri kulechiidima iicho-pfo.

YEREMIA 8:8

“Mohamba muda, so nyi luwode wuṟango, na wuwawaso wo Mndumii wui naso? Kyaindi ambuya kilya keṟehia wongo kya mṟehi kya haluka wongo.

MATAYO 13:52

Nao kawawia, “Kyasiang'u orio mlosha o mawawaso ose ichu a mloshe kya wumangi wo ruwehu nyi afananyi na mndu menyi kanyi awode kisa kyake aṟikye kawa moende-ho shindo shihya na sha kacha.”

MATAYO 23:2

Kahamba, “Ipfo loṟike-hu lo Mose loloshya nyi kudamyepfo walosha wa mawawaso na Wafarisayo.

MATAYO 28:20

Mbewalosha wakae na mbonyi tsilya njimbawasye tsose. Nahong'u ambuyenyi njii nanyo mafiri hose na kuwede kushike ili masiyonyi ha wuyana.”

1 WAKORINTO 1:20

Mndu mṟango nyi ku aya? Mndu mlaanyi o shitapu nyi ku aya? Mndu mwiichi motambahanya njo-pfundo tsa mandi ha nyi ku-aya?

1 WAKORINTO 15:1

Indi ngamkumbuṟa, lanye wanawawama, ndumi ya sia ya okiio ndemuongoya nyiyo muleiambya mukuilikye nayo.

NGUMBUO YA MAWAWASO 28:1

“Kokoya moindia ṟu lya Mndumii-Ruwa, Ruwa onu na iwada necha mawawasoha njimuwawasia inu, o nechimuwika huye ya mkambo yose ya wandu wuyanenyi.

NGUMBUO YA MAWAWASO 4:5

“Kyasiang'u! Njimulosha mawawaso na shilya shose Mndumii-Ruwa, Ruwa oko alenjitutuma ke njiwute, kundu mushiwade ipfo orukenyi kundu muihenda ikaa.