EZRA 7:28 - Bibilia Kui Mdedie fo Kimochi

²⁸ Na kui osaṟio lo Ruwa ngawewona ngaya yake oshangunyi lo mangi, njama tsake, na waṟundi wake wanene, ngawewona pfinya kipfa owoko lo Ruwa luwei huyako, ngaweidima isambuṟa wandu wasongoru wa Israeli kundu njiwuye nawo kulya Yerusalemu.

EZRA 7:28 ပူးပေါင်းရင်းမြစ်များ

MAWOOKIONYI 32:28

Kammbia, “Rina lyapfo ochilahose nyi Yakobopfo indi nyi Israeli, kyamba noheshana na Ruwa, na wandu, na iyo kowawinga.”

MAWOOKIONYI 43:14

Ruwa Menyi wuitori namuinenge osaṟio oshangunyi lo mnducho, kundu namupfunguye mano mayanu icho ungi, na Benyameni. Na inyi kokoya ngapfiiyo nyi wana wako, ngapfiiyo.

EZRA 5:5

Kyaindi riso lya Mndumii-Ruwa liwei huya ya wanene wa Wayuda kikatewa mchili ulya hamu na wodoe walawawie wade iṟunda lilya piu mṟasa waicho iwawaso liwuka ko mangi Dario.

EZRA 7:14

Inyi hamu na wameku wako mfungade nyi lokuduma uhende iṟisa ṟisa ipfo Yuda na Yerusalemu uwone kokoya mawawaso ha Mndumii-Ruwa opfo akuinengie nyi haiosho chandu kiwaṟi.

EZRA 7:6

Ezra naledo awuka Babiloni. Nawei mlosha (mṟehi) mcha o mawawaso ha Mose halya Mndumii-Ruwa aweinengie Waisraeli; na mangi ulya kainenga Ezra orio kindo alemterewa kipfa kuwoko ko Mndumii-Ruwa oke luwei nao.

EZRA 7:9

Mndumii-Ruwa kawasongoya kiidi kya kyaṟo kedo na Yerusalemu.

EZRA 8:1

Iwa nyiwo wandu walewuya wawuka wusingenyi wo Babeli kiheri kya wumangi wo Artashasta,

EZRA 8:15

Njilesanyia wandu wose mbai ya meda fusokie na mṟi folaho nyi Ahava. Lukaakaa kiṟaṟonyi handu ha mfiri iṟaṟu. Ngaambuya wandu wose hamu na wakohanyi kyaindi njilewonaho mana o ko Lewi pfo.

EZRA 8:18

Kui osaṟio lo Ruwa wakaluendie Sherebia, Mlewi awewode wuṟango wung'anyi o kishari kya Mahli hamu na wana wake na wana wa mae ikumi na nyanya (18).

EZRA 9:9

Ma chandu luwei masinga, Ruwa odu alekunda iluda luengeṟe iwa masingapfo. Kyaindi naleluloṟa ikunda lyake kodu oshangunyi lo wamangi walya wa Persia iwa walelulekia lukacha iwika mba i ya Ruwa odu na iachikia kulyando iwewundukie. Lukaowewona oringo loke iya Yuda na Yerusalemu.”

NEHEMIA 1:11

Hoi Mndumii, keadanyiawo kiterewo ki kyako na kya waṟundi wapfo wekechihiyo ikuindia iyo. Kyamba nyi njikuterewa njihende iidikio na iwona osaṟio oshangunyi lo Mndumii oko. Kyasia inyi njiwei mheṟi o mvinyo o mangi.’”

NEHEMIA 2:8

Kingise njikuterewa nyi iki ke kuṟehiye paruo ko Asafu mringi omashidi ha mangi kundu nanjinenge mbau tsesungusia maboriti ha mongo iya ya hekalu, njombombo tsa mṟi fulya na mba yo yako njechikaa.” Nalyo mangi kaidikia kiterewo ki kyako kyamba Mndumii-Ruwa nyi awei kimu na inyi.

SHIIMBO SHA DAWIDI 109:12

Nalawone mndu mombonyia wuoloru, manya mndu mosaṟia ngoeda tsake.

YONA 3:7

Nao kakapa ombe, kawawasa wandu wa mṟi fose fo Niniwe, kui iwawaso lya Mangi na wachili wake ke wandu wose, na orio mndu, shuma shose, mbe, mburu, machondi, nzoi walalye kando ma inyo mṟinga;