EZRA 7:16 - Bibilia Kui Mdedie fo Kimochi

¹⁶ Uweduo fesa na sahabu yose oidima isanyia kunu orukenyi lo Babeli, na shidaso sha ikunda shiwukie ko wandu na wakohanyi ko iṟundiya mba ya Mndumii-Ruwa owo ipfo Yerusalemu.

EZRA 7:16 ပူးပေါင်းရင်းမြစ်များ

1MBONYI TSA MAHERI 29:17

Njiichi Ruwa oko ke iyo nokeṟisa mrima ya wandu, na nokechihiṟo nyi mrima mheṟemtsu; Ko wuhendeli wo mrima foko ngakuwutia shindoshi shose; na wulalu ngamewona ke wandu wa wose wakuwutia walaiwaitike na ko sia ing'anyi.

1MBONYI TSA MAHERI 29:6

Kyasia, wasongoru wa kanyi kumu, wasongoru wa shishari, wasongoru wa olemali, na wasongoru wa maṟunda ha wumangi wo oruka, wakawuta shindo ko ikunda lyawo wawenyi, she sungusia hekalu.

1MBONYI TSA MAHERI 29:9

Kyasia wandu wose wakachihiyo, kipfa walewutia Mndumii-Ruwa ko ikunda lyawo na mrima fowo wawenyi; na mangi Dawidi kachihiyo ko sia ing'anyi mnu.

2MBONYI TSA MAHERI 31:14

Kore, mana o Imna, Mlewi, nawei mringi o Kichumi kya ora lo Ngamenyi lo hekalu. Nalehoṟokia shindo shose sha nga ko Ruwa, na ishihawa.

2MBONYI TSA MAHERI 6:2

Wulalu ngamekusungusia hekalu liwode kiṟumi, handu ochiidima ikaa mlungana.”

2MBONYI TSA MAHERI 6:5

‘Wokia mkonu fulya njilewuta wandu wako iwuka oruka lo Misri, njilemesambuṟe iwuka mṟi ma fumu fo shishari sha Waisraeli kundu kuwikoho hekalu, handu njechiindiopfo; ma njilemesambuṟe msongoru ma umu mochilia wandu wako wa Israeli pfo.

2MBONYI TSA MAHERI 6:6

Kyaindi wulalu, ngasambuṟa mṟi fo Yerusalemu fuwe nyi handu njechiindio, na ngasambuṟa Dawidi nawe mangi o wandu wako wa Israeli.’”

EZRA 1:4

Koikyo mndu oose Myuda akeri wusingenyi akundi iwuya nataramo iwuya na walya wai kufui nao nataramo kui fesa, na sahabu, shichoṟe shingi, na shuma na shidaso shemayo modonyi shehenda idasa kulya hekalunyi lya Yerusalemu.”

EZRA 1:6

Walya wawei mṟasenyi nawo wakawaengeṟia pfinya ko shinengo shawo cha fesa, sahabu, masaa hengi, shuma, na shindo sha wuhuru wung'anyi na shidaso shemaya modonyi sha kulya hekalunyi.

SHIIMBO SHA DAWIDI 135:21

Kuadapfumo Mndumii kuwuka Sioni icho ekekaa Yerusalemu. Haleluya!

2 WAKORINTO 8:12

Kyamba mteseheṟye fo chila kokoya fuiho nyi fuchihiṟye ipfo kundo kuwode kindo chi ipfo kundo kulawode.

2 WAKORINTO 9:7

Orio mndu nalekie chando akudumbuya ipfo mdonyi kilawe nyi lya mnung'u ng'u kya mkoṟomu, kyamba Ruwa akundi mleki molekya na kyamu kilyi.