EZRA 7:14 - Bibilia Kui Mdedie fo Kimochi

¹⁴ Inyi hamu na wameku wako mfungade nyi lokuduma uhende iṟisa ṟisa ipfo Yuda na Yerusalemu uwone kokoya mawawaso ha Mndumii-Ruwa opfo akuinengie nyi haiosho chandu kiwaṟi.

EZRA 7:14 ပူးပေါင်းရင်းမြစ်များ

EZRA 1:3

Mndumii-Ruwa nakae hamu nanyo mose nyo mui wandu wake. Nyi kimbaṟi nyo mutsuhee se wuhenunyi mui wandu wake muhende Yerusalemu, muhende iwika wuhya Hekalu lya Mndumii-Ruwa o Waisraeli, Ruwa nekeindiyo kulya Yerusalemu.

EZRA 5:8

Lukaundi ikumanyisha mangi, ke lulehenda kulya orukenyi lo Yuda, kulya kuwode mba ya Ruwa ang'anyi. Lukaaida kulya mṟinyi lukokoya hekalu lilya lya Mndumii-Ruwa lilewikose ko wuhya. Lilewiko na maho hang'anyi na mriti ing'anyi injiwike ipfo omombohu loke. Iṟundalyi lilewuto ko wurahari wung'anyi mnu.

EZRA 6:12

Na Mndumii-Ruwachu alesambuṟa mṟi fo Yerusalemu fuwe handu hake heindiyo nechiolotsa mangi na wumangi wo wose wochikuiria inyamaṟa hekalu li lyake lya Yerusalemu. Ni inyi Dario ngawuta iwawasolyi nalyo liwaṟi iindiyo.”

EZRA 6:8

Kindo njimuwawasa nyi iwaikanyia weri wo shindoshi mutae ko okamba lo mokesanyia ifo ora lo kyukanyi lo meda fo Eufrate kundu iṟunda lyo lilakeleo.

EZRA 7:15

Uweduo hamu na iyo fesa na sahabu lotsiwuta inyi na wameku wako ko mrima fulamwitike ko Ruwa chu o Waisraeli ichu hekalu lyake likeri ipfo Yerusalemu.

EZRA 7:28

Na kui osaṟio lo Ruwa ngawewona ngaya yake oshangunyi lo mangi, njama tsake, na waṟundi wake wanene, ngawewona pfinya kipfa owoko lo Ruwa luwei huyako, ngaweidima isambuṟa wandu wasongoru wa Israeli kundu njiwuye nawo kulya Yerusalemu.

EZRA 8:25

Iwa ngawahawia ko mizani shindo shilya sha fesa na, sahabu sa mangi hamu na wanene wengi wa Waisraeli wawewutie kipfa kya waṟundi alya hekalunyi.

ESTA 1:14

Wandu wo nyi Karshena, Sheltari, Admata, Tarshishi, Maresi, Marsena na Memukani; wasongoru mfungade wa Persia na Media wawei wandu wa kiṟumi kya huye kya wumangi woke.

YESAYA 8:20

Wahende kui wuwawaso na wuṟingishi, kokoya waladeda kirianyi na idedo li, kulawode kingi kowo kuwode ngamenyi pfo.

DANIELI 2:47

Mangi kahaluo Danieli kambia, “Nyi kya lohi Ruwa chu onu nyi Ruwa kota maruwa hengi, nyi Mndumii-Ruwa o Wamangi aichi iloṟa shiṟike na ishihaluo pata - kipfa iyo noleidima iloṟa kiṟike ki.”

DANIELI 6:20

Ai kufui nashike; kafihiṟa na isokio mfowa kya Danieli Mangi kawia Danieli, “Oo Danieli mṟundi o Ruwa menyi moo, a ngesa Ruwa chu opfo okemṟundia mfiri yose akukiṟa na miiso yo?”

DANIELI 6:26

Inyi ngawika iwawaso kiidi kya wumangi woko ke: Wandu wose waowuo Ruwa chu o Danieli: ‘Kipfa o nyi Ruwa menyi moo mokaa mlungana, wumangi woke wulamanda wuitoṟi woke wo mlungana.

ZEKARIA 6:10

Ambilya shindo mawokonyi ha wandu maata walesamiṟo, nawo nyi Helidai, na Tobia, na Yedaya; mfiri naafo uhende mbenyi ya Yosia mana o Sefanyia mba iya waleikoya wawuka Babeli;