EZRA 7:13 - Bibilia Kui Mdedie fo Kimochi

¹³ Nyi ngawawasale, orio Mwisraeli oose ang'u wakohanyi ang'u Walewi wai kunu wumanginyi woko akundi o amonyi ihenda Yerusalemu, nyi awode momu fohenda hamu na iyo.

EZRA 7:13 ပူးပေါင်းရင်းမြစ်များ

2MBONYI TSA MAHERI 30:5

Koikyo, wakalaha Waisraeli wose, kuwokia Dani ipfo ora lo mstudu mṟasa Beer-sheba, ipfo ora lo nuka, wachekusanzia ipfo Yerusalemu, wache iwika mfuho fo mkonu fo Pasaka ya Mndumii-Ruwa, Ruwa o Waisraeli. Kuwemeida ho kiheri kileshe da, wandu walawemeṟumishe Pasaka kuṟinganyi na mdambuye foke.

EZRA 1:3

Mndumii-Ruwa nakae hamu nanyo mose nyo mui wandu wake. Nyi kimbaṟi nyo mutsuhee se wuhenunyi mui wandu wake muhende Yerusalemu, muhende iwika wuhya Hekalu lya Mndumii-Ruwa o Waisraeli, Ruwa nekeindiyo kulya Yerusalemu.

EZRA 5:13

“Kyaindi maka fo kuwoka fo wumangi wo Koreshi mangi o Babeli, nyio alewuta momu fowikase hekalu li ko wuhya.

EZRA 6:1

Mangi Dario kawuta iwawaso ke maṟeho ha wumangi wo Babeli haambuyo.

ESTA 3:15

Iwawaso lyi lya mangi likawuto kiidi kya mṟi fung'anyi fo Susa, na walya weduo mbonyi wakaonguo kiidi kya isanga shose. Mangi na Hamani wakadamia wanda wanyo mvinyo, kyaindi wandu wa Susa waiṟewe.

ESTA 9:14

Mangi kahamba ke isho shose shiinutsio, na mbonyi ikahambo ipfo mṟinyi fo Susa, ombe lukakapo wana walya ikumi wa Hamani wakamaso.

SHIIMBO SHA DAWIDI 110:3

Wandu wapfo wekekuwuta kui mrima, mkonu ochihenda ikapa watuuri wapfo; wanake wapfo wechikuchea huye ya mafumvu hapfo maele; cha mlewi fuioloka ngamenyi kilawo.

SHIIMBO SHA DAWIDI 148:6

Naleshiiṟicha itane mlungana na mlungana, nalewika iwawaso manya lyechiidapfo.

DANIELI 6:26

Inyi ngawika iwawaso kiidi kya wumangi woko ke: Wandu wose waowuo Ruwa chu o Danieli: ‘Kipfa o nyi Ruwa menyi moo mokaa mlungana, wumangi woke wulamanda wuitoṟi woke wo mlungana.

WAFILIPI 2:13

Kyamba nyio Ruwa aitana kimu nanyo iteseheṟa na iṟunda shilya shichihianyi.

OTAMBAHALUO LO YOHANE 22:17

Na Mumuyo na Moaliko ulya wo wahamba, “Ke-njoo-wo.” Na moicho ikyo nahambe, “Ke-njoo-wo.” Na ichu awodo nyi nyoda nakuchee, na orio molanga naambye mṟinga fo moo echifurutso fo nga.